Жоржиньонинг трансфери ўзига хос ҳайратни юзага келтирди. Таниқли футболчилар бир лига доирасида бир топ-клубдан бошқасига ўтишлари тез-тез учрамайди. Қоидага кўра, етакчи жамоалар рақобатни кучайтирмасликка ҳаракат қилишади ва бошқа лигалардан ўйинчиларни ёки ўрта жамоаларнинг етакчиларини олишади.
Жоржиньонинг трансфери кутилмаган холда бўлди, чунки ҳамма нарса яшин тезлигида содир бўлди. Бир кун олдин бундай трансферга ишора ҳам йўқ эди. Ҳеч бир оммавий ахборот воситаларида бу ҳақда сўз юритилмаган.
Ўзи бу трансфердан кимга фойда ва Жоржиньонинг кетиши "Челси" учун нимани англатади?
Янги хўжайинлар келиши билан "Челси" трансфер сиёсати учун қаттиқ танқид қилинди. Трансфер ойнасининг сўнгги кунида тўрт ойдан кейин текинга кетадиган ўйинчининг трансферидан пул ишлаш муваффақиятдир. Бундан ташқари, биз 2–3 миллион фунт стерлинг каби рамзий миқдор ҳақида эмас, балки тахминан 12 миллион фунт стерлинг ҳақида гапираяпмиз. Ва агар сиз келишувнинг ўзига қарасангиз, бу жуда оқилона кўринади. Айниқса, Эцзо Фернандес жамоага келганидан сўнг.
Ҳа, “Челси” кейинги тўрт ой давомида Жоржиньодан фойдалана олмайди, лекин у охирги пайтларда аввалгидек яхши эмас.
Жоржиньони сотиб олиш "Арсенал" учун нимани англатади?
“Арсенал” ниҳоят кимнидир айнан майдон марказига олиб чиқди. Балки бу жамоадаги заиф нуқта бўлгандир. Ҳозир Жака ажойиб ўйин кўрсатяпти, лекин уни алмаштирадиган деярли ҳеч ким йўқ. Локонга ижарага берилган, Эльнени эса жароҳатланган. Лекин улар Жоржиньо билан таққослаганда бошқа даражадаги футболчилардир. Уларга Премьер-лига чемпионлиги учун курашиш ёки кейинги мавсумда Чемпионлар лигасида ўйнаш бироз қийинчилик туғдирарди. Шундай қилиб, "Арсенал" футболчини тўғри позицияга ва кам пул эвазига олиб кетди.
31 ёшли Жоржиньонинг шартномаси 2024 йилнинг ёзига қадар давом этади, аммо италиялик узоқроқ шартнома тузишга қарши эмасди. Шартнома муддати, гўё, "Арсенал" ёшларга таянишда давом этишига ишора қилади.
Яна бир муҳим жиҳат клуб пулга берилиб кетмади. "Челси" бозорни қизитиб кетаётган бир пайтда, "Арсенал" ортиқча тўлашга тайёр эмаслигини яна бир бор кўрсатди. Бу қишда "Арсенал" Мудрикни қўлга киритишга яқинроқ эди, бироқ "Шахтёр" билан бонуслар ва тўлов шартлари бўйича келишмади. Энди эса "Брайтон" ярим ҳимоячиси Моисес Кайседони рад этди. "Арсенал" бошлиқларидан аниқ сигнал: клуб сотувчининг барча талабларини бажаришдан кўра, шартномани рад этишни афзал кўради.
Бу трансфер Жоржиньонинг ўзи учун нимани англатади?
Бир томондан, ҳозирги вақтда бу, албатта, олдинга қадамдир. Ҳа, “Арсенал” анчадан бери соврин юта олмаяпти, аммо ярим ҳимоячи АПЛнинг ўнинчи жамоасидан биринчисига ўтди. Истиқболларга келсак, ҳозир "Арсенал"да бўлиш анча ёқимли. Жоржиньонинг Англия чемпиони бўлиш эҳтимоли юқори эканлигини айтишнинг ўзи кифоя. Унинг фаолиятида ҳали бу унвон йўқ. У "Челси"га 2018 йилда келган ва Лондон клуби чемпионатни охирги марта 2017 йилда ютган эди.
Бошқа томондан, "Арсенал" Премьер-лигадаги энг консерватив таркибга эга. Деярли ҳар доим бир хил ўйинчилар майдонга тушишади. Кўп жиҳатдан бу барқарорлик туфайли жамоа биринчи ўринда туради. Парти ва Жака доимий равишда майдон марказида ўйнашади. Биринчиси, умуман олганда, жамоанинг асосий ўйинчиси ва уни жамоадан мажбуран чиқариб юбориш ҳақиқатга тўғри келмайдиган кўринади. Жакага келсак, айнан шу мавсумда у ҳам мукаммал ҳолатда. Умуман олганда, у фаолиятидаги энг яхши дамларни бошдан кечирмоқда ва ҳатто ҳимояга зарар етказмасдан ҳужумларга қўшилмоқда.
Энди эса Жоржиньо пайдо бўлди. "Челси"даги каби сўнгги пайтларда ўйини кучсизлашган футболчи. Унга Жакани таркибдан чиқариб юбориш қийин бўлади. Жоржиньонинг афзалликларини ҳисобга олсак ҳам. Лекин кимдир жароҳат олган бўлса ёки шунчаки формасини йўқотса, Артетада яна бир сифатли ўйинчи пайдо бўлди. Мураббий ундан иккинчи мусобақа сифатида қараладиган турнирларда фойдаланса ҳам бўлар эди, аммо “Арсенал” кубок баҳсларидан аллақачон чиқиб кетган. Балки Европа лигасида янги футболчига ўзини кўрсатиш учун имкон берилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Шўртан
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
