Jorjinyoning transferi o‘ziga xos hayratni yuzaga keltirdi. Taniqli futbolchilar bir liga doirasida bir top-klubdan boshqasiga o‘tishlari tez-tez uchramaydi. Qoidaga ko‘ra, yetakchi jamoalar raqobatni kuchaytirmaslikka harakat qilishadi va boshqa ligalardan o‘yinchilarni yoki o‘rta jamoalarning yetakchilarini olishadi.
Jorjinyoning transferi kutilmagan xolda bo‘ldi, chunki hamma narsa yashin tezligida sodir bo‘ldi. Bir kun oldin bunday transferga ishora ham yo‘q edi. Hech bir ommaviy axborot vositalarida bu haqda so‘z yuritilmagan.
O‘zi bu transferdan kimga foyda va Jorjinyoning ketishi "Chelsi" uchun nimani anglatadi?
Yangi xo‘jayinlar kelishi bilan "Chelsi" transfer siyosati uchun qattiq tanqid qilindi. Transfer oynasining so‘nggi kunida to‘rt oydan keyin tekinga ketadigan o‘yinchining transferidan pul ishlash muvaffaqiyatdir. Bundan tashqari, biz 2–3 million funt sterling kabi ramziy miqdor haqida emas, balki taxminan 12 million funt sterling haqida gapirayapmiz. Va agar siz kelishuvning o‘ziga qarasangiz, bu juda oqilona ko‘rinadi. Ayniqsa, Eszo Fernandes jamoaga kelganidan so‘ng.
Ha, “Chelsi” keyingi to‘rt oy davomida Jorjinyodan foydalana olmaydi, lekin u oxirgi paytlarda avvalgidek yaxshi emas.
Jorjinyoni sotib olish "Arsenal" uchun nimani anglatadi?
“Arsenal” nihoyat kimnidir aynan maydon markaziga olib chiqdi. Balki bu jamoadagi zaif nuqta bo‘lgandir. Hozir Jaka ajoyib o‘yin ko‘rsatyapti, lekin uni almashtiradigan deyarli hech kim yo‘q. Lokonga ijaraga berilgan, Elneni esa jarohatlangan. Lekin ular Jorjinyo bilan taqqoslaganda boshqa darajadagi futbolchilardir. Ularga Premyer-liga chempionligi uchun kurashish yoki keyingi mavsumda Chempionlar ligasida o‘ynash biroz qiyinchilik tug‘dirardi. Shunday qilib, "Arsenal" futbolchini to‘g‘ri pozisiyaga va kam pul evaziga olib ketdi.
31 yoshli Jorjinyoning shartnomasi 2024 yilning yoziga qadar davom etadi, ammo italiyalik uzoqroq shartnoma tuzishga qarshi emasdi. Shartnoma muddati, go‘yo, "Arsenal" yoshlarga tayanishda davom etishiga ishora qiladi.
Yana bir muhim jihat klub pulga berilib ketmadi. "Chelsi" bozorni qizitib ketayotgan bir paytda, "Arsenal" ortiqcha to‘lashga tayyor emasligini yana bir bor ko‘rsatdi. Bu qishda "Arsenal" Mudrikni qo‘lga kiritishga yaqinroq edi, biroq "Shaxtyor" bilan bonuslar va to‘lov shartlari bo‘yicha kelishmadi. Endi esa "Brayton" yarim himoyachisi Moises Kaysedoni rad etdi. "Arsenal" boshliqlaridan aniq signal: klub sotuvchining barcha talablarini bajarishdan ko‘ra, shartnomani rad etishni afzal ko‘radi.
Bu transfer Jorjinyoning o‘zi uchun nimani anglatadi?
Bir tomondan, hozirgi vaqtda bu, albatta, oldinga qadamdir. Ha, “Arsenal” anchadan beri sovrin yuta olmayapti, ammo yarim himoyachi APLning o‘ninchi jamoasidan birinchisiga o‘tdi. Istiqbollarga kelsak, hozir "Arsenal"da bo‘lish ancha yoqimli. Jorjinyoning Angliya chempioni bo‘lish ehtimoli yuqori ekanligini aytishning o‘zi kifoya. Uning faoliyatida hali bu unvon yo‘q. U "Chelsi"ga 2018 yilda kelgan va London klubi chempionatni oxirgi marta 2017 yilda yutgan edi.
Boshqa tomondan, "Arsenal" Premyer-ligadagi eng konservativ tarkibga ega. Deyarli har doim bir xil o‘yinchilar maydonga tushishadi. Ko‘p jihatdan bu barqarorlik tufayli jamoa birinchi o‘rinda turadi. Parti va Jaka doimiy ravishda maydon markazida o‘ynashadi. Birinchisi, umuman olganda, jamoaning asosiy o‘yinchisi va uni jamoadan majburan chiqarib yuborish haqiqatga to‘g‘ri kelmaydigan ko‘rinadi. Jakaga kelsak, aynan shu mavsumda u ham mukammal holatda. Umuman olganda, u faoliyatidagi eng yaxshi damlarni boshdan kechirmoqda va hatto himoyaga zarar yetkazmasdan hujumlarga qo‘shilmoqda.
Endi esa Jorjinyo paydo bo‘ldi. "Chelsi"dagi kabi so‘nggi paytlarda o‘yini kuchsizlashgan futbolchi. Unga Jakani tarkibdan chiqarib yuborish qiyin bo‘ladi. Jorjinyoning afzalliklarini hisobga olsak ham. Lekin kimdir jarohat olgan bo‘lsa yoki shunchaki formasini yo‘qotsa, Artetada yana bir sifatli o‘yinchi paydo bo‘ldi. Murabbiy undan ikkinchi musobaqa sifatida qaraladigan turnirlarda foydalansa ham bo‘lar edi, ammo “Arsenal” kubok bahslaridan allaqachon chiqib ketgan. Balki Yevropa ligasida yangi futbolchiga o‘zini ko‘rsatish uchun imkon berilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
