"Ливерпул"нинг ўз майдонида йирик, 5-2га "Реал"дан учраган мағлубияти ҳаммани ҳайрон қолдирди. Шунга қарамасдан, мерсисайдликларда вазиятни ўзгартириш имкони бор. Агар улар Мадридда учта гол фарқини йўққа чиқара олса, у ҳолда, ҳаммаси қайтадан бошланади. Юрген Клопп жамоасини нималарга қодир эканини биламиз. Қуйида бугунгига ӯхшаш тарихий фактларни келтириб ўтмоқчимиз.
"Реал" билан – 2021 йилда
2020-21 йилги мавсумда "Ливерпуль" "Реал" билан яна тўқнаш келишига тўғри келганди. Ўша пайтларда Клопп жамоаси жароҳатлар гирдобида қолган, "Энфилд"да эса кетма-кет уч марта мағлубиятга учраганди. Натан Филлипс ва Уильямснинг ёрдами билан баҳорга келиб, "қизиллар" ўзига келиб олишади ва 4 ўринга кўтарилади. Аммо бу ўнгланиш Зайниддин Зиданнинг "Реал"и учун етарли эмасди. 3-1 ҳисоби "Реал" майдонида мезбонлар фойдасига ҳал бўлади. Иккинчи давра ёпиқ эшиклар ортида, "Энфилд"да ўтказилади. Ҳисоб эса очилмайди. Афсуски, "Ливерпуль" сўнгги 6 та баҳснинг 4 тасида "қироллик клуби"ни мағлуб эта олмай келмоқда.
"Атлетико" билан – 2020 йилда
2018-2019 йилги мавсум чемпионлик билан тугайди. Янги йилда "Ливерпуль" учун чорак финалдаги рақиб Мадриднинг яна бир жамоаси бўлмиш "Атлетико" эди. Биринчи даврада Саулнинг ягона голи Симеоне жамоасига устунлик беради. Жавоб учрашуви Ливерпуль шаҳрида бўлади. Унда Фирмино ва Вийналдумнинг голлари мезбонларни олдинга олиб чиқади. Льоренте эса ҳисобни қисқартирган. Экстра-таймларда яна Льоренте катта саҳнага чиқади. Сўнгги сонияларда эса Мората гол уриб, "Атлетико"нинг кейинги босқич масаласини аниқ қилади. Ана шу ўйин, "Ливерпул"нинг, олдинда бора туриб, ютқазган сўнгги ўйини эди. Ундан кейингиси эса кечагина рўй берди.
"Барселона" билан – 2019 йилда
"Ливерпул"нинг иккинчи марта кетма кет финалга чиқиш умиди 2019 йилда "Барса" уйидаги ўйиндан кейин сўнгандек туюлганди. Суарес ва Мессининг голлари каталонияликларни 3 та гол фарқи билан олдинда боришларини таъмин этади. Иккинчи даврада Салаҳ ва Фирмино сафда бўлмайди. Шу сабабдан умид йўқдек туюлганди. Аммо Дивок Ориги катта саҳнага чиққанди. Александер-Арнольднинг узатмаси ва Оригининг дублини яхши эсласангиз керак-а?
"Вильярреал" билан – 2016 йилда
Юқоридаги воқеадан уч йил олдин "Ливерпуль" яна бир испан клубига қарши ўйнашига тўғри келади. Бу сафар Клопп жамоасига Европа лигаси ярим-финалида "Вильярреал" рақиб эди. Испаниядаги ўйин Адриан Лопеснинг голи орқали 1-0 ҳисобида "сариқ сувости кемаси" фойдасига ҳал бўлади. "Энфилд"да Сорианонинг автоголи ва Старрижнинг қаҳрамонлиги эвазига мерсисайд клуби олдинга чиқиб олади. Ўйинга мантиқий якунни Адам Лаллананинг голи қўйганди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
