"Liverpul"ning o‘z maydonida yirik, 5-2ga "Real"dan uchragan mag‘lubiyati hammani hayron qoldirdi. Shunga qaramasdan, mersisaydliklarda vaziyatni o‘zgartirish imkoni bor. Agar ular Madridda uchta gol farqini yo‘qqa chiqara olsa, u holda, hammasi qaytadan boshlanadi. Yurgen Klopp jamoasini nimalarga qodir ekanini bilamiz. Quyida bugungiga ӯxshash tarixiy faktlarni keltirib o‘tmoqchimiz.
"Real" bilan – 2021 yilda
2020-21 yilgi mavsumda "Liverpul" "Real" bilan yana to‘qnash kelishiga to‘g‘ri kelgandi. O‘sha paytlarda Klopp jamoasi jarohatlar girdobida qolgan, "Enfild"da esa ketma-ket uch marta mag‘lubiyatga uchragandi. Natan Fillips va Uilyamsning yordami bilan bahorga kelib, "qizillar" o‘ziga kelib olishadi va 4 o‘ringa ko‘tariladi. Ammo bu o‘nglanish Zayniddin Zidanning "Real"i uchun yetarli emasdi. 3-1 hisobi "Real" maydonida mezbonlar foydasiga hal bo‘ladi. Ikkinchi davra yopiq eshiklar ortida, "Enfild"da o‘tkaziladi. Hisob esa ochilmaydi. Afsuski, "Liverpul" so‘nggi 6 ta bahsning 4 tasida "qirollik klubi"ni mag‘lub eta olmay kelmoqda.
"Atletiko" bilan – 2020 yilda
2018-2019 yilgi mavsum chempionlik bilan tugaydi. Yangi yilda "Liverpul" uchun chorak finaldagi raqib Madridning yana bir jamoasi bo‘lmish "Atletiko" edi. Birinchi davrada Saulning yagona goli Simeone jamoasiga ustunlik beradi. Javob uchrashuvi Liverpul shahrida bo‘ladi. Unda Firmino va Viynaldumning gollari mezbonlarni oldinga olib chiqadi. Lyorente esa hisobni qisqartirgan. Ekstra-taymlarda yana Lyorente katta sahnaga chiqadi. So‘nggi soniyalarda esa Morata gol urib, "Atletiko"ning keyingi bosqich masalasini aniq qiladi. Ana shu o‘yin, "Liverpul"ning, oldinda bora turib, yutqazgan so‘nggi o‘yini edi. Undan keyingisi esa kechagina ro‘y berdi.
"Barselona" bilan – 2019 yilda
"Liverpul"ning ikkinchi marta ketma ket finalga chiqish umidi 2019 yilda "Barsa" uyidagi o‘yindan keyin so‘ngandek tuyulgandi. Suares va Messining gollari kataloniyaliklarni 3 ta gol farqi bilan oldinda borishlarini ta’min etadi. Ikkinchi davrada Salah va Firmino safda bo‘lmaydi. Shu sababdan umid yo‘qdek tuyulgandi. Ammo Divok Origi katta sahnaga chiqqandi. Aleksander-Arnoldning uzatmasi va Origining dublini yaxshi eslasangiz kerak-a?
"Vilyarreal" bilan – 2016 yilda
Yuqoridagi voqeadan uch yil oldin "Liverpul" yana bir ispan klubiga qarshi o‘ynashiga to‘g‘ri keladi. Bu safar Klopp jamoasiga Yevropa ligasi yarim-finalida "Vilyarreal" raqib edi. Ispaniyadagi o‘yin Adrian Lopesning goli orqali 1-0 hisobida "sariq suvosti kemasi" foydasiga hal bo‘ladi. "Enfild"da Sorianoning avtogoli va Starrijning qahramonligi evaziga mersisayd klubi oldinga chiqib oladi. O‘yinga mantiqiy yakunni Adam Lallananing goli qo‘ygandi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
