"Нефтчи" бош мураббийи Виталий Левченко 2023 йил футбол мавсуми олдидан "Янги Фарғона" газетасига берган интервьюси бугунги сонида чоп этилди (16-сон, 25 февраль, шанба).
Юртимизда баҳор, мухлислар сабрсизлик билан кутаётган янги футбол мавсуми яқинлашмоқда. Суперлига жамоалари 2023 йил мавсумини 3 мартдан бошлайдилар. Бу лигада вилоятимиз шарафини Фарғонанинг "Нефтчи" ҳамда Яйпаннинг "Турон" жамоалари ҳимоя қиладилар. Мавсум олдидан "Нефтчи" бош мураббийи Виталий Григорьевич Левченко билан жамоа янги мавсумга қандай тайёргарлик ва кайфият билан бораётганлиги ҳақида суҳбатлашдик.
— Янги мавсумга тайёргарлик ишлари қатъий режа асосида Туркияда ўтказилди. Режаларимизнинг тўла ва кенг миқёсда ўтказилишида вилоят ҳокими, вилоят футбол ассоциацияси президенти Ҳайрулло Ҳайитбаевич Бозоровнинг амалий ёрдамлари муҳим роль ўйнади. Режа бўйича 10 та назорат ўйинлари ўтказилди. Шундан 6 тасида ғалабага эришдик. Польшанинг "Радомяк", Венгриянинг" Дебрецен", Болгариянинг "Крумовград" ва "Семтември", Украинанинг" Заря", Россиянинг "Крилья Советов" ва Қозоғистоннинг "Жетису" клубларидан устун келдик. 2 та учрашувда кучлар тенг келди, 2 та баҳсда эса биз имкониятни бой бердик.
— Назорат учрашувларида қайси футболчи нимага қодир эканлиги синовдан ўтказилган бўлса керак?
— Назорат ўйинларида ўзини кўрсата олмаган бир қатор футболчилар жамоа билан хайрлашишларига тўғри келди. Улар ўрнини тўлдириш учун селекция ишлари ўтказилди. Унинг якунларига мувофиқ грузиялик Тома Табатадзе, украиналик Юрий Батюшин, Тошкентнинг "Локомотив" жамоасидан Ғуломҳайдар Ғуломов, "Сурхон"дан Мурод Бобожонов,"Олимпик"дан Владимир Назаров," Навбаҳор"дан Нурилло Тўхтасинов билан Диёр Туроповлар жамоага қўшиб олинди. Уларнинг янги жамоа талаблари ва шарт-шароитига мослашишлари, жамоада азалдан тўп суриб келаётган футболчилар билан ўз маҳоратларини уйғунлаштириб олишлари учун қулай шароитлар яратилди. Ишонаманки, янги ўйинчилар билдирилган ишончни тўла оқлайдилар.
— Мавсум олдидан ҳар бир жамоа ўз олдига аниқ мақсадлар қўйиб, уни амалга ошириш режаларини белгилайди. Сизларда ҳам шундай тадбирлар белгиланган бўлса керак?
— Янги мавсумга тадбир ва мақсадларимиз аниқ. Асосий вазифа ҳар бир учрашувни юксак савияда ўтказиб, ғалабага эришиш ва мухлисларимизни хурсанд қилиш. Айни пайтда Тошкент шаҳрида олиб борилаётган якунловчи машғулотларимиз шу мақсадга йўналтирилган. 3 март куни Бекободда ўтказиладиган биринчи расмий беллашувга пойтахтдан етиб борамиз. Бекободликларнинг ўз майдонларида катта куч ва ғайрат билан ҳаракат қилишларини яхши биламиз. Биз ана шу ҳаракатларга муносиб жавоб топиш, ўйинда устунликка эришиш учун пухта тайёргарлик кўрмоқдамиз.
"Янги Фарғона" газетаси
Дониёр Эргашев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
