«Бунёдкор» Ўзбекистон давлат жаҳон тиллари университетига ташриф буюрди
Пойтахтимиздаги бир қатор мактаб, коллеж ва институтлар билан ҳамкорликни йўлга қўйган, ўқувчи-ю, талабаларни табиий ҳолда, ўз хоҳиши билан стадионга ташриф буюришини таъминлаш мақсадида турли учрашувларни ўтказишни одатга айлантирган “Бунёдкор” ўз анъанасини давом эттиради.
Кеча жамоамиз расмийлари Ўзбекистон Давлат жаҳон тиллари университетининг Рус тили филологияси факультетига ташриф буюрди. Учрашув аввалида даставвал талабаларга “Бунёдкор” жамоаси ҳақида тўлиқ маълумот берилди. Ўқувчилар клубнинг тарихидан тортиб, бугунги кунигача бўлган барча маълумотлардан воқиф бўлишди. Сўнг талабалар ўзбек футболининг оғриқли нуқталарига оид саволлар билан мурожаат қилишди. Табиийки, барча саволларга батафсил ва қониқарли жавоб қайтарилди. Тадбир якунида фаол талабаларга эсдалик совғалари тақдим қилинди.
Учрашув якунида институт билан “Бунёдкор” футбол клубининг ўзаро ҳамкорлиги шу билан тўхтаб қолмаслиги айтилди ва ўзаро режалар муҳокама қилинди.
Манба: fcbunyodkor.com
Киритилди: 13:59, 01.03.2023. Ўқилди: 991 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар