«Бавария» спорт директори Ҳасан Салиҳамиджичнинг изоҳ беришича, Канселу ҳали клуб умидларини оқламагани учун майдонга тушмаяпти. «Сўнгги пайтларда у машғулот ўтказди ва биз кутгандек ўйнамади. Жоау ҳали жуда муҳим футболчига айланади. Биз у билан яхши мулоқот қиламиз. У келажакда муҳим фигурага айланадиган ажойиб ўйинчи», - деганди Салиҳамиджич. Юлиан Нагельсманн ҳам Канселу билан айрим тушунмовчиликлар борлигини яширмади. «У ўйнаса ҳаммаси яхши, ўйнамаса эса аксинча. Мен Жоау билан машғулотлардан бирида гаплашдим, у унчалик яхши ўйнамади, лекин менга унинг муносабати ёқди. «Аугсбург»га қарши у баҳсни асосий таркибда бошлади», - деди «Бавария» бош мураббийи. «Бавария» ўз дарвозасидан учта гол ўтказиб юборган учрашувда (5:3) Канселу майдонга чиқиб, гол урди. Нагельсманн «Лейпциг»да Анхелиньо билан вужудга келган ўхшаш вазият ҳақида гапирди. «Анхелиньо билан ҳам худди шундай тажрибага эгаман. Машғулотларнинг бирида у унчалик яхши ҳаракат қилмади. Биз очиқчасига гаплашдик - нафақат футбол ҳақида, балки бошқа мавзуларда ҳам. Шундан сўнг у машғулотларда бор кучини берди ва ўйинлар давомида жуда яхши таассурот қолдирди», - деди Юлиан.
Ўйин амалиёти ҳақида нима дейиш мумкин?
Мюнхен клуби учун барча мусобақаларда Канселу 434 дақиқа ўйнади: Бундеслигада 314, Кубокда 71, Чемпионлар лигасида 49 дақиқа. 9 ўйиндан 4 тасида захира ўриндиғидан майдонга тушди. Шу билан бирга, унинг асосий статистикаси бўйича ҳаммаси жойида: 1 гол ва 4 та голли узатма.
Нега Канселу «Сити»ни тарк этди?
Бунинг сабабларидан бири - ўйин вақтининг камлиги. Жоаунинг Пеп Гвардиола билан муносабатлари ёмонлашган. ЖЧ-2022 олдидан эса ҳаммаси яхши эди, португалиялик барқарор ўйнарди, аммо Қатардан қайтгач, нимадир бузилди: шундан сўнг фақат иккитагина тўлиқ ўйин (Премьер-лигада «Манчестер Юнайтед»га қарши ва Англия Лига кубогида «Саутгемптон»га қарши), қолганларида учрашув вақтининг ярмидан кўп ўйнамади ва Канселу охирги баҳсни захирада ўтказди. Қолаверса, «Вулверхэмптон» билан ўйинда майдонга тушмаслигини билгач, Жоау бутун ўйиндан олдинги машғулотларни захира ўриндиғида ўтказди, шериклари билан шуғулланишдан бош тортди. Гвардиола Жаҳон чемпионатидан қайтган Канселунинг формасидан шикоят қилган эди. Португалиялик учун чап қанотдаги Натан Аке ва ўнг қанотни банд этган ёш Рико Льюиснинг ёрқин ҳаракатлари ҳам тўсиқ бўлди. Канселуда майдонга тушиш имконияти бўлмади, бироқ захирада ўтиришни ҳам истамади. Жоаунинг кетишига яна бир сабаб - тактика. Рикко Льюиснинг ўнг қанотдаги дадил ҳаракати чап қанот ҳимоясида кўпроқ консерватив ўйинни талаб қиларди. Аке бу мезонга ҳужумни яхши кўрувчи Канселуга қараганда анча мос келарди.
Захирадаги учта ўйиндан сўнг Жоау Кансело клубдан уни ижарага беришларини сўради. Мана, «Бавария» ўз вақтида етиб келди: улар ҳимоячини 2022/23 йилги мавсум якунига қадар 70 миллион еврога сотиб олиш ҳуқуқи билан олиб кетишди. Бундан ташқари, ижара бепул: «Сити» бунинг учун ҳеч нарса олмади. Жоаунинг ўзи Пеп билан жанжал туфайли кетиш ҳақидаги миш-мишларни рад этди: «Охирги ҳафталарда кўп вақтим бўлмади ва бу қароримга таъсир қилди. Пеп билан муносабатларнинг бунга алоқаси йўқ. Мен жуда катта тарихга эга клубда янги саргузаштни бошлашни жуда хоҳлардим. Мен учун бу орзу эди», - деди футболчи. «Бу хайрлашувдек туюлиши мумкин, лекин мен буни назарда тутмадим. Келинг, бу 5 ой бизга нима олиб келишини кўрамиз. Мен бу ерда қайта кашф этилишни хоҳлайман. Мавсум охирида бу ҳақда яна гаплашамиз, аммо менинг ҳалигача «Манчестер Сити» билан шартномам давом этмоқда. Мен буни клубдан кетиш деб билмайман». Ўйинга бўлган иштиёқ ЖЧ-2022да ҳам унга асос бўлди: Канселу Португалия терма жамоаси учун бешта ўйиндан тўрттасини тўлиқ ўтказди - у фақат Швейцарияга қарши 1/8 финал ўйинида захирада қолди. Реcорд нашрига кўра, Жоау Швейцарияга қарши ўйинда биринчи голни нишонламаган ягона футболчи бўлган. Гонсало Рамушнинг голидан кейин ҳимоячи захирада қолди ва шериклари билан байрам қилиш учун югурмади.
Айнан шу нарса уни «Сити»ни тарк этишга мажбур қилди. Энди у ўзини «Бавария»да топишни истади. Португалиялик бир ой давомида майдонга тушмади. Сўнгги ўйинда Жоау Канселу барча 90 дақиқани ўтказди. 1:1 ҳисобидаги баҳсда у Альфонсо Девисга узатмани амалга оширди. Хўш, Канселу яна формасига қайтяптими?
Матнда хатолик топсангиз, ўша хатони белгилаб, бизга жўнатинг (Ctrl + Enter).