Биз футбол дунёсида 2023 йилни жуда ҳам қизғин бошлаган эдик. Статистикаларга ҳар нарса киритилади. Аммо одамлар энг аввало гол ва унга ассистент футболчиларни кўп эслашади. Бугун биз айнан ассист эгалари ҳақида сўз юритмоқчимиз. Жорий календар йилида ассистентик борасида кимлар етакчилик қилаётганини тез орада билиб оласиз. Кутилганидек, рўйхатимизда бир қанча юлдузли номлар бор.
Топ-ассистентлар орасида, масалан, Троссардни ажратиб кўрсатиш мумкин. Бельгиялик ҳужумчи "Арсенал"га йўл олган эди. У Шимолий Лондонда бошқа даражага кўтарила олди. Хусусан, Лео 2023 йилда 6 та ассистга муаллифлик қилди. Улар ичида "Фулхэм"га қарши биринчи бўлимдаги хет-трикни алоҳида таъкидлаш лозим. Бу ҳақида "Арсенал" устози Микель Артета шундай деган эди: "Гап совуққонлик ва тўғри қарор қабул қилиш ҳақида борганида, Троссардни энг олдинги ўринларга қўяман. Унинг ҳаракатларида футбол менталитети сезилиб туради. У шунчалик ақллики, нима хоҳлаётганимизни жуда тез англайди. Лео ўзидан нима талаб қилинаётганини яхши билади. Шунга яраша, ижрони ҳам маромига етказиб бажаради".
АПЛнинг яна бир юлдузи бўлган Бруну Фернандеш ўзининг ижодий ҳаракат қилиш даражасини тиклади. Ярим ҳимоячининг сермаҳсуллиги ўтган мавсумда анча ортга кетганди. Жорий даврда эса Фернандеш Эрик тен Хаг жамоасининг муҳим бўғинига айланиб улгурди. Масалан, у АПЛ ўйинларида 71 та муҳим узатмаларни амалга оширди. Бу бошқа ҳар қандай футболчининг натижасидан камида 44 тага кўпдир. Португалия терма жамоаси аъзоси ижодкорлик билан бирга голлар уришни ҳам яхши кўради. Унинг ҳисобида ҳозирга қадар 10 та гол мавжуд.
Хвича Кварацхелия ушбу рўйхатдан жой олган яна бир ёрқин юлдуздир. Унинг бу ердалиги – нормал ҳол. Негаки, грузиялик ҳужумчининг жамоаси А серияни ёндирмоқда. "Наполи"да у ва Осимхен юқори даражага кўтарилди. 22 ёшли футболчи ЕЧЛда ҳам порлай олди. Ҳали бу якун эмаслигини ҳам эслатиб ўтиш керак.
Яна бир катта номлардан бири Пауло Дибаладир. У Жаҳон чемпионатидан бери "Рома"да яхши ўйин кўрсатмоқда. Плеймейкерда 2023 йил кириб келганидан бери 6 та ассист мавжуд.
"Боруссия Дортмунд" юлдузи Рафаэл Геррейро 8 та ассист билан 2023 йилги топ-ассистентлар сафида етакчилик қилмоқда. Португалиялик ҳимоячи ўз жамоасида жуда ҳам фойдали саналади.
Қуйидаги рўйхатда 2023 йил давомида (барча мусобақаларда) энг кўп ассистент бўлган футболчилар келтирилади.
1. Рафаэл Геррейро – 8 та
2. Хвича Кварацхелия – 7 та
3. Доминико Берарди – 6 та
4. Пауло Дибала – 6 та
5. Флориан Вирц – 6 та
6. Леандро Троссард – 6 та
7. Жереми Фримпонг – 6 та
8. Бруну Фернандеш – 6 та
9. Андреа Петанья – 5 та
10. Йереми Бога – 5 та
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Шўртан
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
