"Манчестер Юнайтед" жорий мавсумда, янги мураббий қўлида ҳаракат қилмоқда. Айтиш мумкинки, Эрик тен Хаг жамоани яхши томонга ўзгартира олди. Унинг Англиядаги дастлабки иши ёмон кетмаяпти. Жамоа 2022-23 йилги мавсумда 4 та фронтда кураш олиб борди. Шулардан бирида Англия лига кубоги қўлга киритилди. АПЛда имконият деярли қолмаган. Шунга қарамай, "қизил иблислар" Европа лигасида қатнашмоқда. Англия кубогида ярим финалгача етиб келди. Буларнинг бари тен Хаг ғоялари билан амалга ошди. Аммо бу етарли бўлмайди. Кейинчалик янада катта нарсалар учун курашиш учун, жамоа ёзда кучайтирилиши керак. Янги футболчиларни сотиб олиш, уларга асосий таркибда жой бўлишини талаб қилади. Шу мақсадда, ёзги трансферлар ойнасида "МЮ" ўн биттадан ортиқ футболчисидан қутулишни режа қилган.
Улар ичида Эрик тен Хагга керак бўлмаганлари кўп. Ундан ташқари ўз хоҳиши билан жамоадан кетишни истаётганлар ҳам йўқ эмас. Шулардан бири Давид Де Хеадир. Испан дарвозабони жамоадаги узоқ фаолиятидан кейин "МЮ" билан хайрлашиш арафасида тургани айтилади. Бунга асосий сабаблардан бири футболчининг ўта катта маошидир. Де Хеа 2019 йилдан бери ҳафтасига 370 минг фунт эвазига хизмат кўрсатиб келмоқда. Шунингдек, Де Хеада жамоада қолиш варианти ҳам бор. Бунинг учун у маошини кескин қисқариши ва захира ўриндиғида ўтиришга рози бўлиши лозим.
Ҳимояда сотувга қўйилиши кутилаётган футболчилар ичида Эрик Байи ва Алекс Теллеслар бор. Шунингдек, жамоанинг энг қиммат харидларидан ҳисобланган Харри Магуайр ва Эрон Уан-Биссака асосий таркибдан чиқариб ташланиши кутилмоқда. Уларга бошқа жамоалардан қизиқишлар бўлмоқда. Агар ҳимоячилар доимий ўйин амалиётини исташса, у ҳолда "МЮ"дан кетиши керак.
Ярим ҳимоянинг узоқ йиллик вакилларидан бири бўлган Скотт Мактоминей, жамоага фойдаси тегиши мумкин. Аммо унга бой клуб бўлган "Ньюкасл" қизиқиш билдирмоқда. Агарда шотланд учун яхши таклиф бӯлса, "Манчестер Юнайтед" уни сотиши ҳам мумкин. У билан Донни ван де Бек ҳам кетади. Нидерландиялик трансфери хато бўлгани ўз тасдиғини топди. Ярим ҳимоячи ишончни оқлай олмади. Бу мавсумда ван де Бекка ишлатилган жиддий қўполлик сабаб уни ёзгача майдонда кўрмайдиган бўлган эдик. Ушбу номлардан "МЮ"нинг ғазнаси анчагина фойда кўриши аниқ. Ҳужумдаги номлар сизни янада ҳайратга солади.
Тен Хагнинг ҳужум учун ёз давомида қиладиган иши бу Антони Марсьялдан қутулишдир. Унинг кетиши ҳужумда бошқаларга жой бўшатади. Антони Эланга ва Факундо Пельистри каби ҳужумчилар ўтган ёзда ижарага берилган эди. Улар ҳадемай қайтади. Аммо уларнинг ҳеч бири асосий таркибга тортмайди. Шундай экан, бу номлар ҳам сотувга қўйилади. Шунингдек, Амад Диалло борасида ҳам қарор қабул қилиниши керак. Гарчанд яқин орада асосий жамоада фойдаси тега бошлаган бўлса ҳам, Жейдон Санчо борасида тен Хагнинг сабр косаси тўлиб бораётгани айтилади. 23 ёшли ҳужумчи ёзда сотиб юборилиши мумкин. Лиделёф, Фил Жонес ва Дин Хендерсоннинг тақдири эса ҳалиям номаълумлигича қолмоқда. Шундай қилиб, кейиги мавсумдан "МЮ" мутлақо янги кӯринишга келади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
