"Manchester Yunayted" joriy mavsumda, yangi murabbiy qo‘lida harakat qilmoqda. Aytish mumkinki, Erik ten Xag jamoani yaxshi tomonga o‘zgartira oldi. Uning Angliyadagi dastlabki ishi yomon ketmayapti. Jamoa 2022-23 yilgi mavsumda 4 ta frontda kurash olib bordi. Shulardan birida Angliya liga kubogi qo‘lga kiritildi. APLda imkoniyat deyarli qolmagan. Shunga qaramay, "qizil iblislar" Yevropa ligasida qatnashmoqda. Angliya kubogida yarim finalgacha yetib keldi. Bularning bari ten Xag g‘oyalari bilan amalga oshdi. Ammo bu yetarli bo‘lmaydi. Keyinchalik yanada katta narsalar uchun kurashish uchun, jamoa yozda kuchaytirilishi kerak. Yangi futbolchilarni sotib olish, ularga asosiy tarkibda joy bo‘lishini talab qiladi. Shu maqsadda, yozgi transferlar oynasida "MYU" o‘n bittadan ortiq futbolchisidan qutulishni reja qilgan.
Ular ichida Erik ten Xagga kerak bo‘lmaganlari ko‘p. Undan tashqari o‘z xohishi bilan jamoadan ketishni istayotganlar ham yo‘q emas. Shulardan biri David De Xeadir. Ispan darvozaboni jamoadagi uzoq faoliyatidan keyin "MYU" bilan xayrlashish arafasida turgani aytiladi. Bunga asosiy sabablardan biri futbolchining o‘ta katta maoshidir. De Xea 2019 yildan beri haftasiga 370 ming funt evaziga xizmat ko‘rsatib kelmoqda. Shuningdek, De Xeada jamoada qolish varianti ham bor. Buning uchun u maoshini keskin qisqarishi va zaxira o‘rindig‘ida o‘tirishga rozi bo‘lishi lozim.
Himoyada sotuvga qo‘yilishi kutilayotgan futbolchilar ichida Erik Bayi va Aleks Telleslar bor. Shuningdek, jamoaning eng qimmat xaridlaridan hisoblangan Xarri Maguayr va Eron Uan-Bissaka asosiy tarkibdan chiqarib tashlanishi kutilmoqda. Ularga boshqa jamoalardan qiziqishlar bo‘lmoqda. Agar himoyachilar doimiy o‘yin amaliyotini istashsa, u holda "MYU"dan ketishi kerak.
Yarim himoyaning uzoq yillik vakillaridan biri bo‘lgan Skott Maktominey, jamoaga foydasi tegishi mumkin. Ammo unga boy klub bo‘lgan "Nyukasl" qiziqish bildirmoqda. Agarda shotland uchun yaxshi taklif bӯlsa, "Manchester Yunayted" uni sotishi ham mumkin. U bilan Donni van de Bek ham ketadi. Niderlandiyalik transferi xato bo‘lgani o‘z tasdig‘ini topdi. Yarim himoyachi ishonchni oqlay olmadi. Bu mavsumda van de Bekka ishlatilgan jiddiy qo‘pollik sabab uni yozgacha maydonda ko‘rmaydigan bo‘lgan edik. Ushbu nomlardan "MYU"ning g‘aznasi anchagina foyda ko‘rishi aniq. Hujumdagi nomlar sizni yanada hayratga soladi.
Ten Xagning hujum uchun yoz davomida qiladigan ishi bu Antoni Marsyaldan qutulishdir. Uning ketishi hujumda boshqalarga joy bo‘shatadi. Antoni Elanga va Fakundo Pelistri kabi hujumchilar o‘tgan yozda ijaraga berilgan edi. Ular hademay qaytadi. Ammo ularning hech biri asosiy tarkibga tortmaydi. Shunday ekan, bu nomlar ham sotuvga qo‘yiladi. Shuningdek, Amad Diallo borasida ham qaror qabul qilinishi kerak. Garchand yaqin orada asosiy jamoada foydasi tega boshlagan bo‘lsa ham, Jeydon Sancho borasida ten Xagning sabr kosasi to‘lib borayotgani aytiladi. 23 yoshli hujumchi yozda sotib yuborilishi mumkin. Lidelyof, Fil Jones va Din Xendersonning taqdiri esa haliyam noma’lumligicha qolmoqda. Shunday qilib, keyigi mavsumdan "MYU" mutlaqo yangi kӯrinishga keladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
