Англия Премьер-лигасида чемпион номи ва турнир билан хайрлашадиган жамоалар сўнгги, 28 май куни аниқланади. Мамлакатда ўтказилган сўнгги тур натижаларидан кейин суперкомпьютер қайтадан ишга солинди. Ундан кутилган ва кутилмаган маълумотлар олинди. Айни дамда турнир жадвалида, "Арсенал" 32 турдан кейин 75 очко тўплаган ҳолда, етакчиликни ушлаб турибди. Аммо бу жамоа сўнгги 3 та турда кетма-кет дуранглар қайд этган эди. Тўпчиларни таъқиб қилаётган "Манчестер Сити"да 70 очко бор. Аммо улар 30 та турда шунча очко жамғаришган. Бу икки жамоа келаётган чоршанба куни "Etihad"да тўқнаш келади.
Махсус алгоритмга асосланган ҳисоблаш машинаси АПЛ борасида ўз хулосаларини қайтадан янгилади. Тахмин қилишда барча 20 та жамоанинг мавсумолди ҳолати, яқинда қайд этган натижалари xG кӯрсаткичлари ҳисобга олиниб, йиғилган маълумотлар 100 минг марта қайта ишланди. Чиқарилган вердиктлар "Манчестер Сити" мухлисларини хурсанд қилиши аниқ. Негаки, "шаҳарликлар" мавсумни 27 ғалаба, 5.6 та дуранг ва 5.4 марта мағлуб бўлган ҳолда якунлайди. Шу сабабли Гвардиола жамоаси 86.6 очко жамғаради. Бу эса "Арсенал"никидан 1.3 очкога кўпроқдир. Ўз навбатида "Арсенал" 85.3 очкони 26 ғалаба, 7.2 дуранг ва 4.8 та мағлубият орқали қўлга киритади.
ЕЧЛ учун бериладиган қолган йўлланмалар "Манчестер Юнайтед" (72.9) ва "Ньюкасл" (72.5)га насиб этади. Кутилмаганда "Брайтон" яна ғалабали йўлга қайтиб олади ва бу жамоа мавсум сўнггида бешинчи поғонани банд этади. "Чағалайлар" Европа лигасига "Ливерпуль" билан йўл олади. Еттинчи ўриндаги "Тоттенхэм" эса янги мавсумдан Конференсиялар лигасида қатнашишга мажбур бўлади.
Турнир жадвалининг пастки томонида ҳеч ким кутмаган воқеа содир бўлади. Келаётган беш ҳафта "Эвертон" учун омадсиз кечади. Бу клуб 1954 йилдан бери элитада ҳаракат қилиб келаётган эди. Шунингдек, ливерпулликлар бутун АПЛ даврида турнир иштирокчиси бўлиб келган. Афсуски, Шон Дайч бошчилигидаги жамоа 33.4 очко билан Чемпионшипга йўл олади. Ундан бир поғона юқоридаги (17) "Лидс" бор-йўғи улардан 0.9 очко кўп тўплаган ҳолда жон сақлаб қолади.
Ливерпулликларга қўшилган ҳолда "Ноттингем" ва "Саутгемптон" ҳам турнир билан хайрлашиши айтилган. Оғир аҳволда турган "Лестер" ҳам АПЛда қолиши тахмин қилинмоқда.
Турнир жадвалининг марказини "кичик ғарбий Лондон-лигаси" деб атасак бўлади. Негаки, 9-11 ўринларни лондонликлар банд этади. Хусусан, 47.6 очко билан "Челси" турнирни жадвалнинг иккинчи ярмида тугатса, 10 ва 9 ўринларни "Фулхэм" ва "Брентфорд" эгаллайди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
