Angliya Premyer-ligasida chempion nomi va turnir bilan xayrlashadigan jamoalar so‘nggi, 28 may kuni aniqlanadi. Mamlakatda o‘tkazilgan so‘nggi tur natijalaridan keyin superkompyuter qaytadan ishga solindi. Undan kutilgan va kutilmagan ma’lumotlar olindi. Ayni damda turnir jadvalida, "Arsenal" 32 turdan keyin 75 ochko to‘plagan holda, yetakchilikni ushlab turibdi. Ammo bu jamoa so‘nggi 3 ta turda ketma-ket duranglar qayd etgan edi. To‘pchilarni ta’qib qilayotgan "Manchester Siti"da 70 ochko bor. Ammo ular 30 ta turda shuncha ochko jamg‘arishgan. Bu ikki jamoa kelayotgan chorshanba kuni "Etihad"da to‘qnash keladi.
Maxsus algoritmga asoslangan hisoblash mashinasi APL borasida o‘z xulosalarini qaytadan yangiladi. Taxmin qilishda barcha 20 ta jamoaning mavsumoldi holati, yaqinda qayd etgan natijalari xG kӯrsatkichlari hisobga olinib, yig‘ilgan ma’lumotlar 100 ming marta qayta ishlandi. Chiqarilgan verdiktlar "Manchester Siti" muxlislarini xursand qilishi aniq. Negaki, "shaharliklar" mavsumni 27 g‘alaba, 5.6 ta durang va 5.4 marta mag‘lub bo‘lgan holda yakunlaydi. Shu sababli Gvardiola jamoasi 86.6 ochko jamg‘aradi. Bu esa "Arsenal"nikidan 1.3 ochkoga ko‘proqdir. O‘z navbatida "Arsenal" 85.3 ochkoni 26 g‘alaba, 7.2 durang va 4.8 ta mag‘lubiyat orqali qo‘lga kiritadi.
YECHL uchun beriladigan qolgan yo‘llanmalar "Manchester Yunayted" (72.9) va "Nyukasl" (72.5)ga nasib etadi. Kutilmaganda "Brayton" yana g‘alabali yo‘lga qaytib oladi va bu jamoa mavsum so‘nggida beshinchi pog‘onani band etadi. "Chag‘alaylar" Yevropa ligasiga "Liverpul" bilan yo‘l oladi. Yettinchi o‘rindagi "Tottenxem" esa yangi mavsumdan Konferensiyalar ligasida qatnashishga majbur bo‘ladi.
Turnir jadvalining pastki tomonida hech kim kutmagan voqea sodir bo‘ladi. Kelayotgan besh hafta "Everton" uchun omadsiz kechadi. Bu klub 1954 yildan beri elitada harakat qilib kelayotgan edi. Shuningdek, liverpulliklar butun APL davrida turnir ishtirokchisi bo‘lib kelgan. Afsuski, Shon Daych boshchiligidagi jamoa 33.4 ochko bilan Chempionshipga yo‘l oladi. Undan bir pog‘ona yuqoridagi (17) "Lids" bor-yo‘g‘i ulardan 0.9 ochko ko‘p to‘plagan holda jon saqlab qoladi.
Liverpulliklarga qo‘shilgan holda "Nottingem" va "Sautgempton" ham turnir bilan xayrlashishi aytilgan. Og‘ir ahvolda turgan "Lester" ham APLda qolishi taxmin qilinmoqda.
Turnir jadvalining markazini "kichik g‘arbiy London-ligasi" deb atasak bo‘ladi. Negaki, 9-11 o‘rinlarni londonliklar band etadi. Xususan, 47.6 ochko bilan "Chelsi" turnirni jadvalning ikkinchi yarmida tugatsa, 10 va 9 o‘rinlarni "Fulxem" va "Brentford" egallaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
