«Арсенал» мухлислари, тингласин: Пеп ҳеч қачон чоршанба куни «Этиҳад»да Премер-лигада мағлуб бўлмаган!
«Манчестер Сити»нинг чоршанба кунги Премьер-лигадаги ўйинларидан ажойиб статистика пайдо бўлди, Пеп Гвардиола ҳеч қачон «Этиҳад»да мағлуб бўлмаган, кетма-кет 16 ғалаба. 13 йил олдин мезбонлар лигада охирги марта шундай шароитда мағлубиятга учраган, чоршанба куни Чемпионлар лигаси ўйинида мағлуб бўлганларига эса беш йил тўлди.
«Манчестер Сити» чемпионлик пойгаси фонида «Арсенал»ни «Этиҳад»да кутиб олади. Икки жамоани 6 очколик баҳс кутмоқда. «Канонирлар» 2019 йилдан бери бу ерда ҳатто гол ҳам ура олишмаяпти. Ўшанда Лоран Косельни ўз номини таблога ёздириб қўйган.
Бироқ ишнинг парадокси шундаки, «Манчестер Сити» бошқа сабабга кўра фаворит ҳисобланади. Бу икки жамоанинг «Этиҳад»даги анъаналарига ёки уларнинг ҳозирги формасига ҳеч қандай алоқаси йўқ, лекин «шаҳарликлар» Пеп Гвардиола қўл остида чоршанба кунлари Премьер-лигада ўз уйларида умуман мағлуб бўлмаган.
Бу 2016 йилнинг ёзидан бери 19 та ҳолатда содир бўлди. Каталониялик мураббий уларнинг 17 тасида ғалаба қозонган, бор-йўғи иккита дуранг қайд этган, уларнинг ҳар иккаласида ҳам 0:0 ҳисобидаги дуранг натижа қайд этилган.
2016 йилдаги «Эвертон» ва худди шу мавсумдаги «Сток» бу шартлар остида «Этиҳад»да Пеп Гвардиола томонидан мағлуб этилмаган ягона клублардир.
Ўшандан бери улар кетма-кет 16 ўйинда ғалаба қозонишган бўлса, умумий ҳисобда «Манчестер Сити» ўтказган 19 учрашувнинг 14 тасида ўз дарвозаси дахлсизлигини сақлаб қолган.
Бу ўйинлар ичида «Арсенал»га қарши ўйин ҳам киради. 2020 йил июнь ойида «Сити» Стерлинг, Кевин Де Брюйне ва Фил Фоденнинг голлари эвазига 3:0 ҳисобида ғалаба қозонганди.
Ниҳоят, бу статистикага оид иккита савол пайдо бўлади. Пеп қачон охирги марта ўз фаолиятида, лига даражасида, чоршанба куни ўз уйида мағлуб бўлган? ва умуман олганда, «Манчестер Сити» қачон Премьер-лигада шу кунда муваффақиятсизликка учраган?
«Сити»нинг «Этиҳад»да чоршанбадаги сўнгги мағлубияти 2010 йилда «Тоттенхэм»дан 1:0 ҳисобида қабул қилиб олинган. Ҳа, тўғри тушундингиз, Шимолий Лондон клубидан.
Пеп чоршанба куни уй ўйинида мағлуб бўлганми? Биз унинг «Бавария»даги фаолиятига, 2016 йилги «Майнц»га қарши ўйинига қайтишимиз керак! Ўшанда Гвардиола 2:1 ҳисобида мағлуб бўлган.
Қуйида Гвардиоланинг «Этиҳад»даги серияси билан тўлиқ танишамиз.
«Манчестер Cити» – «Эвертон» 0-0
«Манчестер Cити» – «Уотфорд» 2-0
«Манчестер Cити» – «Сток» 0-0
«Манчестер Cити» – «Саутгемптон» 2-1
«Манчестер Cити» – «Вест Бром» 3-0
«Манчестер Cити» – «Брайтон» 3-1
«Манчестер Cити» – «Вест Хэм» 1-0
«Манчестер Cити» – «Кардифф» 2-0
«Манчестер Cити» – «Эвертон» 2-1
«Манчестер Cити» – «Вест Хэм» 2-0
«Манчестер Cити» – «Арсенал» 3-0
«Манчестер Cити» – «Ньюкасл» 5-0
«Манчестер Cити» – «Борнмут» 2-1
«Манчестер Cити» – «Брайтон» 1-0
«Манчестер Cити» – «Астон Вилла» 2-0
«Манчестер Cити» – «Саутгемптон» 5-2
«Манчестер Cити» – «Брентфорд» 2-0
«Манчестер Cити» – «Брайтон» 3-0
«Манчестер Cити» – «Ноттингем Форест» 6-0.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
