"Манчестер Юнайтед" 1999 йилда бирданига учта титул ютиб, Англиядаги шундай натижа қайд этган илк жамоага айланганди. Аммо ҳозир вазият ўзгарди. "Қизил иблислар"нинг қўшнилари бу натижани такрорлашга яқин турибди. Требл ҳақида гап кетяпти ва биз бир мавсумда ЕЧЛ, АПЛ ва Англия кубогини ютиш борасида фикр юритмоқдамиз. Бу совринларни қўлга киритиш, ҳеч бир замонда, ҳеч қайси жамоа учун осон иш бўлмаган. Аммо бу ишни "МЮ" 1999 йилда эплаганди. Ўша йили ЕЧЛ финалида Тедди Шерингем ва Оле Гунар Сульшер голларга муаллифлик қилади.
Пеп Гвардиола жамоаси юқоридаги каби муваффақиятга эришиш бўсағасида турибди. Бунинг учун жамоа, аввало "Арсенал" тўсиғидан ўтиб олиши керак. Лондон клуби яқин кунлар ичида муаммоларга дуч кела бошлади. Бу эса "шаҳарликлар"га яхшигина имконият тақдим этади. Шундай пайтда оммавий ахборот воситаларида Гвардиола доимги ишини қила бошлади. У требл ҳақидаги саволларга ижобий жавоб беришни истамаяпти. Чунки ҳали ҳеч нарса маълум эмас.
Нима бўлган тақдирда ҳам, ҳозирги қадар катта-требл қайд этган клуб, АПЛда фақатгина "Манчестер Юнайтед"дир. 1999 йилда Фергюсон жамоаси Премьер-лигада бир очко фарқ билан чемпионга айланади. Кубок финалида "Ньюкасл" 2-0 ҳисобида таслим этилади. Энг асосийси эса ЕЧЛдаги муваффақият эди. Қуйида икки Манчесер жамоасини таққослаб кўрамиз.
АПЛ. "МЮ" (1998-99)
Ўйинлар: 30 та
Ғалабалар: 18 та
Дуранглар: 9 та
Мағлубиятлар: 3 та
Очко: 63
Ўртача очко йиғиш: 2.1
Голлар: 68 та
Ўртача голлар сони: 2.27 та
"Манчестер Сити" (2022-23)
Ўйинлар: 30 та
Ғалабалар: 22 та
Дуранглар: 4 та
Мағлубиятлар: 4 та
Очко: 70
Ўртача очко йиғиш: 2.33
Голлар: 78 та
Ўртача голлар сони: 2.6.
Англия кубоги. "МЮ" (1998-99)
3 босқич: "Мидлсбро" – 3-1
4 босқич: "Ливерпуль" – 2-1
5 босқич: "Фулхэм" – 1-0
6 босқич: "Челси" – 0-0 (қайта: 2-1)
Ярим финал: "Арсенал" – 0-0 (қайта: 2-1)
Финал: "Ньюкасл" – 2-0.
"Манчестер Сити" (2022-23)
3 босқич: "Челси" – 4-0
4 босқич: "Арсенал" – 1-0
5 босқич: "Бристол Сити" – 3-0
6 босқич: "Бёрнли" – 6-0
Ярим финал: "Шеффилд" – 3-0
Финал: "МЮ" – ?
ЕЧЛда "МЮ" (1998-99)
Гуруҳ баҳсларида: "Бавария", "Барселона" ва "Брондбю"
Чорак финал: "Интер" – 3-1 умумий ҳисобда
Ярим финал: "Ювентус" – 4-3 умумий ҳисобда
Финал: "Бавария – 2-1
"Манчестер Сити" (2022-23)
Гуруҳ баҳсларида: "Боруссия Дортмунд", "Севилья" ва "Копенгаган"
Нимчорак финал: "Лейпциг" – 8-1 умумий ҳисобда
Чорак финал: "Бавария" – 4-1 умумий ҳисобда
Ярим финал: "Реал" билан
Финал: ?
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
