Аргентина терма жамоаси ва "Наполи" клуби афсонаси Диего Армандо Марадона 2020 йил юрак хуружидвн вафот этди. Орадан 2 йил ўтиб Аргентина терма жамоаси мундиал ғолиби, 2023 йилги мавсумда эса "Наполи" 33 йиллик танаффусдан сўнг "Скудетто"ни қўлга киритди. Неаполликларнинг охирги чемпионлиги айнан Марадона тўп сурган пайтларга тўғри келади.
/cloudfront-us-east-1.images.arcpublishing.com/artear/Y6XG5NLATFC65N6LPH5TZUYJJE.jpg)
Шонли тарих
Таъкидлаб ўтганимиздек, Неаполь клуби ўтган аср бошида сўнгги марта мамлакат чемпионига айланган эди. Ўша вақтлар "Наполи" таркибида Марадона, Зола, Чиро Феррара каби машҳур футболчилар 1987 ва 1990 йилларда клубнинг икки марта мамлакат чемпиони бўлишига ўзининг катта ҳиссасини қўшди. Шундан сўнг жамоа 33 йил мавсумларни "Скудетто"сиз якунлади.
Ҳар сафар нимадир етмасди
Шонли тарихга эга бўлишига қарамасдан, клуб ХХI асрни деярли совринларсиз ўтказишга мажбур бўлди. Жамоага бир қанча жаҳон даражасидаги футболчилар олиб келинди: Марек Гамшик, Эдинсон Кавани, Гонсало Игуаин, Дрис Мертенс шулар жумласидан. Аммо мазкур юлдузлар билан ҳам неаполликлар мамлакат чемпиони мақомига эриша олмади. Жамоанинг энг яхши натижаси 2014 йилда вице чемпионга айлангани холос эди. Ўшанда "Ювентус" билан шиддатли рақобатга киришиб ҳам охирида бош совринсиз қолди.
Спалетти даври
2021 йилда неаполликларни Лучиано Спаллетти қабул қилиб олди. Мураббийиниг дастлабки мавсумидаёқ клуб Италия чемпионатини 3-ўрин билан якунлади. Жамоа раҳбарлари эса бу натижадан қониқиб Спалеттига имкон беришга қарор қилди. Шунингдек, мураббий хоҳлаган бир қатор футболчилар билан таркиб кучайтирилди.
Узоқ кутилган чемпионлик
"Наполи" 2022/23 йилги мавсумни яхши бошлади. Жамоа кетма-кет ўйинларда ғалаба қайд этиб, керакли бўлган очколарни қўлга киритди. Йўлидан чиққан рақибни аяб ўтирмади. Жамоанинг янги ҳужум тандеми Осимхен ва Хвича гол, ассистларни қалаштириб ташлади. Мавсум ярмида Осимхен жароҳат олиб, бир қанча ўйинларни ўтказиб юборганига қарамай, клуб муҳим очколарни йиғишда давом этди. Мавсум якунига бир қанча тур қолганда эса неаполликларнинг чемпион бўлиши тобора аниқлашиб қолди. 33-турда дуранг натижа ҳам жамоанинг ғолиблигини таъминлар эди. "Удинезе" га сафар уюштирган неаполликлар, дастлаб эрта гол ўтказиб юборишди. Иккинчи тайм сўнггида Осимхен клубнинг чемпионлик голини киритди. Шу тариқа, "Наполи" ўз тарихида 3-марта мамлакат чемпионига айланди.
Мана шундай тарихий натижани Неаполь клуби афсонаси Диего Армандо Марадона кўрмасдан бу дунёни тарк этгани албатта дилни бироз хира қилади. Сўнгги бора клуб айнан унинг даврида чемпионликни қўлга киритганди. Билмадим, балки бу клубда "янги Марадона"лар етишиб чиқаётгандир ва Неаполь кўчаларида байрамлар энди бошланаётгандир...
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
