Суперлиганинг 9-туридан ўрин олган баҳсда "Навбаҳор" Қаршида “Насаф” меҳмони бўлди.
Мазкур клублар турнир жадвалида қўшни бўлишгани боис, ушбу ўйин шу турнинг марказий баҳси эди ва бу беллашувнинг шиддатли, кескин курашларга бой тарзда кечиши кутилганди. Таъкидлаш жоизки, учрашув ҳақиқатданам билдирилган тахминларни оқлади ҳамда томошабоп тарзда кечди.
Беллашув мазкур ўйин арафасида вафот этган юртимизнинг таниқли мутахассисларидан бири, “Навбаҳор” билан кўплаб совринларни қўлга киритган, шунингдек, наманганликларга 1996 йили чемпионлик унвонини тақдим этган, Ўзбекистоннинг кўплаб машҳур футболчиларини кашф қилган Виктор Романович Жалиловнинг порлоқ хотираси учун бир дақиқалик сукут билан бошланди.
Учрашув борасида тўхталадиган бўлсак, беллашув илк дақиқаларданоқ кескин курашлар остида бошланди ва ҳар икки жамоа вакиллари ҳужумкор ўйин намойиш этишга интилишди.
Мезбонларнинг ҳужумларидан бирида "Навбаҳор" посбони Ўткир Юсупов жарима майдончаси ташқарисидан йўлланган кучли зарбани бартараф этиб, тўпни майдон ташқарисига чиқариб юборди.
Наманганликларнинг ҳужумларидан бирида эса Шаҳбоз Жўрабековнинг узоқ масофадан дарвозага йўллаган зарбасидан сўнг, тўпни мезбонлар посбони Абдувоҳид Неъматов ушлаб олди.
Умуман олганда, баҳснинг 1-бўлимида ҳар икки жамоа аъзолари ҳимояни мустаҳкам тарзда ушлаган ҳолда, дарвозаларга тўп киришига йўл қўйишмади. Натижада танаффусгача ҳисоб очилмади.
Учрашувнинг 2-бўлими ҳам шиддатли тарзда кечди. "Лочинлар" ҳужумларидан бирида Остон Ўрунов катта тезликда бир неча рақиб футболчисини алдаган ҳолда, мезбонлар жарима майдончаси ичига ёриб кирди. Лекин сўнгги паллада унинг зарбасидан сўнг, тўп дарвоза устуни ёнидан ўтиб кетди.
58-дақиқада Шаҳбоз Жўрабековнинг 25 метрлар чамаси узоқликдан амалга оширган жарима зарбасидан сўнг, тўпни меҳмонлар посбони Абдувоҳид Неъматов қийинчилик билан қайтарди.
Гарчи Самвел Бабаян шогирдлари 2-бўлимда кўпроқ ҳужумлар ташкил этишган бўлсада, ҳужумлар якунига етмади ва ушбу турнинг марказий учрашувида нурсиз дуранг - 0:0 ҳисоби қайд этилди.
Суперлига. 9-тур
“Насаф” – “Навбаҳор” – 0:0
Қарши. “Марказий” стадиони.
Ҳакамлар: Темурбек Тўхтасинов, Олим Абдувасилов, Ойбек Каллахўжаев, Рустам Чориев.
VAR ҳаками: Акобирхўжа Шукуруллаев.
AVAR ҳаками: Акмал Ғиёсов.
Назоратчи: Бобур Ҳайдаров.
ЎзПФЛ комиссари: Бекзод Арипов.
“Насаф”: 35.Абдувоҳид Неъматов, 2.Алибек Давронов, 4.Ҳусниддин Алиқулов, 5.Ғолиб Ғайбуллаев, 7.Акмал Мозговой.9.Жавоҳир Сиддиқов, 15.Жўрабек Маннонов, 19.Матеус Лима Круз, 34.Шерзод Насруллаев, 77.Ойбек Бозоров, 92.Умар Эшмуродов.
Захирадагилар: 1.Умиджон Эргашев, 17.Суҳроб Нуруллоев, 18.Баҳром Абдураҳимов, 22.Шоҳмалик Комилов, 23.Сардор Саъдуллаев, 25.Бекжон Раҳматов, 28.Шуҳрат Муҳаммадиев, 29.Муҳаммаджон Раҳимов, 99.Азизбек Аманов.
“Навбаҳор”: 1.Ўткир Юсупов, 6.Иброҳим Йўлдошев, 7.Остон Ўрунов, 10.Жамшид Искандеров, 17.Аброрбек Исмоилов, 21.Темурхўжа Абдухолиқов, 22.Игорь Голбан, 23.Йован Жокич, 27.Шаҳбоз Жўрабеков, 31.Лука Чермель, 77.Асадбек Собиржонов.
Захирадагилар: 46.Хуршид Ходжаев, 8.Жасурбек Яхшибоев, 9.Фаррух Икромов, 11.Шоҳруз Норхонов, 20.Музаффархон Муминов, 33.Шодиёр Шодибоев, 55.Асадбек Жўрабоев, 88.Озодбек Ўктамов, 98.Давронбек Олимжонов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
