«Лион» президенти 35 йиллик бошқарувдан кейин клубдан кетди, лекин қудратли авлод яратди
Ушбу ҳафтада янгилик пайдо бўлди: «Лион»нинг узоқ йиллик президенти бўлган Жан-Мишель Оя деярли 36 йиллик лавозимидан сўнг клубни тарк этади. Аввалига Франциянинг L'Equipe ва RMC нашрлари бу ҳақида хабар берган бўлса, кейинроқ клуб расмий сайтида ҳам баёнот пайдо бўлди. Энди Оля фахрий президент бўлади, ўз акцияларидаги улушини ва директорлар кенгашидаги ўрнини сақлаб қолади.
Унинг фаолияти давомида «Лион» доимий равишда Лига 1да ўйнай бошлади ва 2000 йилларда тарихий чўққига чиқди - улар кетма-кет етти марта чемпион бўлишди. Айни дам эса бу клуб чемпионатда юқори ўринлар учун курашаётган гигантлардан бири, шунингдек, бутун Европа учун иқтидорларни тарбиялаётган топ академия. Оля биринчи навбатда, ёш футболчилар учун алоҳида эътибор берди.
«Лион» фалокатли мавсумга қарамай, яна иқтидорли йигитлардан иборат кучли тўдани тўплади: мураббий алмашинуви, асосий ўйинчиларнинг сотилиши, чемпионатдаги ғайритабиий паст ўрин. Қандай қилиб?
Кастелло Люкеба - марказий ҳимоячи, 20 ёш
Бу йигит таниқли истеъдод эгаси. У ўтган мавсумда порлади ва ҳатто «Golden Boy» номинациясига ҳам кирди. 184 см, жуда чаққон ўйинчи. У ўзини олдинга ташлаш ва тўп учун фаол курашда қатнашишни яхши кўради. Унинг ёнида жисмонан кучлироқ шерик бўлиши керак, у бутун ҳимоя ўйинини бошқаради, Люкебанинг кўпинча бурчакдан гол уради. Топ-клублар уни анчадан буён кузатиб келишади, аммо ҳозирча беқарорлик унинг янги босқичга кўтарилишига тўсқинлик қилмоқда, у тажриба орттириши керак.
Саэль Кумбеди - ўнг қанот ҳимоячиси, 18 ёшда
Саэль бу мавсумда супер ўйин кўрсатди: у ёзда «Челси»га жўнаб кетадиган Мало Гюстога яхши ўринбосар бўлади. У Евро U-17 финалида ўзини кўрсатди: гол урди ва дубл қайд этди. Апрель ойида CIES ўтказган сўровга кўра Кумбеди энг истиқболли ўнг қанот ҳимоячилари бешлигига кирди.
Саэлнинг асосий сифати кучли жисмоний ҳолатидир, ҳар қандай тўп учун курашда ғалаба қозонади. Тўп билан у оддий ишлайди: ё ўзаро пас, ёки марказга силжиш, қанот бўйлаб югуравермайди. Ҳимояда у бор эътиборини рақибга қаратган – ҳатто Мбаппе ҳам қочиш учун Саэлни ортда қолдиришга қийналган.
Райан Шерки - ҳужумкор ярим ҳимоячи, 19 ёш
Шерки - «Лион»нинг асосий бойлигидир. L'Equipe хабарига кўра, «ПСЖ»нинг ёзги трансфер мақсади ҳисобланади. Унга кичик Фекир дея ном қўйишган. «Лион» ярим ҳимоячиси «ПСЖ» қизиқишлари ҳақида шундай дейди: «Бу бор гап, лекин мен оммавий ахборот воситаларига, ижтимоий тармоқларга эътибор берадиган одам эмасман. Мен ўз вазифамни бажаряпман, бу ҳақда гапириш вақти келганида, гаплашамиз».
2022/2023 йилги мавсумни у захирада бошлади ва етакчи сифатида якунланайди. Кетма-кет иккита ўйинда у 10 та асосий узатмани амалга оширди ва Анхель Ди Мариянинг ютуғини такрорлади. Топ 5 чемпионатдаги 21 ёшгача бўлган футболчилар ўртасида ўртача дриблинглар сони бўйича етакчилар қаторига кирган.
Шерки ҳақиқатан ҳам Фекирга ўхшайди: калта бўйли, ярим қанотда тўпни майдон марказига яқинроқ олиб, олдинга боришни яхши кўради. Диспетчерлик маҳорати, техникаси ва узоқдан берилган зарба арсенали унда жуда юқори. Ҳимоя ишларидан ортиб, ҳужумдаги шерикларига ҳам фаол ёрдам беради.
Брэдли Баркола - ҳужумчи, 20 ёш
Мавсумнинг асосий кашфиёти. У ёрдамчи қаҳрамон ролида эди, аммо Баркола Лоран Бланни ҳайратда қолдира олди. Қишда Карл Токо Экамби «Лион»ни тарк этди ва унинг ўрнига истеъдодли Амин Сарр қабул қилинди. У жамоага мослашиб, жароҳатларидан фориғ бўлиш арафасида Брэдли етарли ўйин вақтига эга бўлди.
Майдонда у катта ҳажмдаги меҳнатни бажаради, ёнаётган кўзлар, голлар ва голли узатмалар, ҳимояга қайтиш, сўнгги дақиқаларда ҳам яқори истак – буларнинг барчаси Барколага хос бўлган хусусиятлардир. Брэдлига кўникиб олиш учун вақт керак эмас эди: қишки трансфер ойнасидан кейин 14 ўйин - бешта гол ва олтита голли узатма. Энди Амин Брэдлидан яхшироқ эканини исботлашига тўғри келади.
Муваффақиятнинг яна бир калити - Барколанинг кўп қирралилиги: Блан ўйин вақтида уни ҳужумнинг чап қанотига, кейин марказга, кейин ўнг қанотга ўтказиши мумкин. Бу ҳали янги жамоа қуриш жараёнида айниқса муҳим белгилардан биридир. Брэдлининг асосий ажралиб турадиган фазилати - бу муҳим лаҳзани ҳис қилишдир: у ҳар доим бўш жой топишга муваффақ бўлади. «ПСЖ» билан ғалаба қозонган ўйинда Баркола жарима майдончаси ичида рақибни четлаб ўтиб гол урди, «Монпелье» билан ўйинда эса ўзи қанотлардан югуриб ўтиб, Ляказеттга учта голли узатмани амалга оширди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
