«Lion» prezidenti 35 yillik boshqaruvdan keyin klubdan ketdi, lekin qudratli avlod yaratdi
Ushbu haftada yangilik paydo bo‘ldi: «Lion»ning uzoq yillik prezidenti bo‘lgan Jan-Mishel Oya deyarli 36 yillik lavozimidan so‘ng klubni tark etadi. Avvaliga Fransiyaning L'Equipe va RMC nashrlari bu haqida xabar bergan bo‘lsa, keyinroq klub rasmiy saytida ham bayonot paydo bo‘ldi. Endi Olya faxriy prezident bo‘ladi, o‘z aksiyalaridagi ulushini va direktorlar kengashidagi o‘rnini saqlab qoladi.
Uning faoliyati davomida «Lion» doimiy ravishda Liga 1da o‘ynay boshladi va 2000 yillarda tarixiy cho‘qqiga chiqdi - ular ketma-ket yetti marta chempion bo‘lishdi. Ayni dam esa bu klub chempionatda yuqori o‘rinlar uchun kurashayotgan gigantlardan biri, shuningdek, butun Yevropa uchun iqtidorlarni tarbiyalayotgan top akademiya. Olya birinchi navbatda, yosh futbolchilar uchun alohida e’tibor berdi.
«Lion» falokatli mavsumga qaramay, yana iqtidorli yigitlardan iborat kuchli to‘dani to‘pladi: murabbiy almashinuvi, asosiy o‘yinchilarning sotilishi, chempionatdagi g‘ayritabiiy past o‘rin. Qanday qilib?
Kastello Lyukeba - markaziy himoyachi, 20 yosh
Bu yigit taniqli iste’dod egasi. U o‘tgan mavsumda porladi va hatto «Golden Boy» nominasiyasiga ham kirdi. 184 sm, juda chaqqon o‘yinchi. U o‘zini oldinga tashlash va to‘p uchun faol kurashda qatnashishni yaxshi ko‘radi. Uning yonida jismonan kuchliroq sherik bo‘lishi kerak, u butun himoya o‘yinini boshqaradi, Lyukebaning ko‘pincha burchakdan gol uradi. Top-klublar uni anchadan buyon kuzatib kelishadi, ammo hozircha beqarorlik uning yangi bosqichga ko‘tarilishiga to‘sqinlik qilmoqda, u tajriba orttirishi kerak.
Sael Kumbedi - o‘ng qanot himoyachisi, 18 yoshda
Sael bu mavsumda super o‘yin ko‘rsatdi: u yozda «Chelsi»ga jo‘nab ketadigan Malo Gyustoga yaxshi o‘rinbosar bo‘ladi. U Yevro U-17 finalida o‘zini ko‘rsatdi: gol urdi va dubl qayd etdi. Aprel oyida CIES o‘tkazgan so‘rovga ko‘ra Kumbedi eng istiqbolli o‘ng qanot himoyachilari beshligiga kirdi.
Saelning asosiy sifati kuchli jismoniy holatidir, har qanday to‘p uchun kurashda g‘alaba qozonadi. To‘p bilan u oddiy ishlaydi: yo o‘zaro pas, yoki markazga siljish, qanot bo‘ylab yuguravermaydi. Himoyada u bor e’tiborini raqibga qaratgan – hatto Mbappe ham qochish uchun Saelni ortda qoldirishga qiynalgan.
Rayan Sherki - hujumkor yarim himoyachi, 19 yosh
Sherki - «Lion»ning asosiy boyligidir. L'Equipe xabariga ko‘ra, «PSJ»ning yozgi transfer maqsadi hisoblanadi. Unga kichik Fekir deya nom qo‘yishgan. «Lion» yarim himoyachisi «PSJ» qiziqishlari haqida shunday deydi: «Bu bor gap, lekin men ommaviy axborot vositalariga, ijtimoiy tarmoqlarga e’tibor beradigan odam emasman. Men o‘z vazifamni bajaryapman, bu haqda gapirish vaqti kelganida, gaplashamiz».
2022/2023 yilgi mavsumni u zaxirada boshladi va yetakchi sifatida yakunlanaydi. Ketma-ket ikkita o‘yinda u 10 ta asosiy uzatmani amalga oshirdi va Anxel Di Mariyaning yutug‘ini takrorladi. Top 5 chempionatdagi 21 yoshgacha bo‘lgan futbolchilar o‘rtasida o‘rtacha driblinglar soni bo‘yicha yetakchilar qatoriga kirgan.
Sherki haqiqatan ham Fekirga o‘xshaydi: kalta bo‘yli, yarim qanotda to‘pni maydon markaziga yaqinroq olib, oldinga borishni yaxshi ko‘radi. Dispetcherlik mahorati, texnikasi va uzoqdan berilgan zarba arsenali unda juda yuqori. Himoya ishlaridan ortib, hujumdagi sheriklariga ham faol yordam beradi.
Bredli Barkola - hujumchi, 20 yosh
Mavsumning asosiy kashfiyoti. U yordamchi qahramon rolida edi, ammo Barkola Loran Blanni hayratda qoldira oldi. Qishda Karl Toko Ekambi «Lion»ni tark etdi va uning o‘rniga iste’dodli Amin Sarr qabul qilindi. U jamoaga moslashib, jarohatlaridan forig‘ bo‘lish arafasida Bredli yetarli o‘yin vaqtiga ega bo‘ldi.
Maydonda u katta hajmdagi mehnatni bajaradi, yonayotgan ko‘zlar, gollar va golli uzatmalar, himoyaga qaytish, so‘nggi daqiqalarda ham yaqori istak – bularning barchasi Barkolaga xos bo‘lgan xususiyatlardir. Bredliga ko‘nikib olish uchun vaqt kerak emas edi: qishki transfer oynasidan keyin 14 o‘yin - beshta gol va oltita golli uzatma. Endi Amin Bredlidan yaxshiroq ekanini isbotlashiga to‘g‘ri keladi.
Muvaffaqiyatning yana bir kaliti - Barkolaning ko‘p qirraliligi: Blan o‘yin vaqtida uni hujumning chap qanotiga, keyin markazga, keyin o‘ng qanotga o‘tkazishi mumkin. Bu hali yangi jamoa qurish jarayonida ayniqsa muhim belgilardan biridir. Bredlining asosiy ajralib turadigan fazilati - bu muhim lahzani his qilishdir: u har doim bo‘sh joy topishga muvaffaq bo‘ladi. «PSJ» bilan g‘alaba qozongan o‘yinda Barkola jarima maydonchasi ichida raqibni chetlab o‘tib gol urdi, «Monpelye» bilan o‘yinda esa o‘zi qanotlardan yugurib o‘tib, Lyakazettga uchta golli uzatmani amalga oshirdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
