Сер Алекс ўзининг "Манчестер Юнайтед"даги сўнгги ўйинини ўтказганига роппа-роса ўн йил бўлди. У бошқарган клуб Европадаги энг қудратли жамоага айланиб, 13 марта АПЛни ва бошқа кўплаб совринларни қўлга киритади. Аммо унинг кетиши, "МЮ"даги инқирозини келтириб чиқаради. Хусусан, "қизил иблислар" АПЛни ютмаганига 10 йил бўлди. Қуйида мана шу давр ичида бошқа инглиз клубларининг нималар қилганига эътибор қаратамиз.
6. "Лестер Сити" – 2 та соврин
1 марта АПЛ
1 марта Англия кубоги
Ҳатто ҳозир ҳам "Лестер"нинг АПЛ чемпиони бўлганига ишониш анчайин қийин иш. Улар ҳозирда "Манчестер Юнайтед"дан кўра яқинроқ тарихда Англия чемпионлигини нишонлаган жамоалар қаторидан жой олиб турибди. Фергюсон "қизил иблислар"ни бошқарган сўнгги мавсумда "Лестер Сити" ҳали Чемпионшипда эди. 2013-2014 йилги мавсумда АПЛга Чемпионшип ғолиби сифатида келган "тулкилар", орадан икки йил ўтиб, Клаудио Раньери бошчилигида ўша "эртак"ни ёзганди. "Лестер"га иккинчи титул 2021 йилда насиб қилди. Ўшанда Бренден Рожерс жамоаси "Челси"ни Англия кубоги финалида тор-мор келтиради.
5. "МЮ" – 4 та соврин
1 та Англия кубоги
2 та лига кубоги
1 та Европа лигаси кубоги
Совринсизлик Сер Алекс даврларида нодатий ҳол эди. Аммо сўнгги йилларда бу ҳодиса деярли ҳар мавсум қайталанадиган бўлиб қолди. Фергюсондан кейин Дэвид Мойес 2014 йили Англия суперкубогини ютади. Луи ван Гал эса ўзининг сўнгги кунида клубга Англия кубогини тақдим этади. 2017 йилда Жозе Моуриньо бошчилигидаги жамоа Европа лигасида зафар қучади. Аммо ўша титул манкунианликлар учун сўнггиси бўлди. То Эрик тен Хаг 2023 йилда Англия лига кубогида ғалаба қозонмагунга қадар, клуб олти йил давомида ҳеч қандай совринсиз мавсумларни ўтказган эди.
4. "Арсенал" – 4 та соврин
4 та Англия кубоги
Арсен Венгер жамоаси Фергюсоннинг "МЮ"даги сўнгги 8 йили давомида бирорта титул қўлга кирита олмайди. Тўпчилар 2005 йилдан 2013 йилга қадар лигани 3 ёки 4 ўринда якунлади. Кубок баҳслари эса жамоа учун омадсиз келарди. Ўша омадсиз сериялар 2014 йилги кубок финалида якунланади. "Арсенал" "Халл Сити"ни 3-2 ҳисобида мағлуб этиб, сўнгги 10 йилдаги илк титулини ютади. Кейинги йилларда Венгер яна иккита шундай кубокларга эга чиқди. Микель Артета эса 2019 йилда жамоага яна бир Англия кубогини тақдим этади.
3. "Ливерпуль" – 4 та соврин
1 та АПЛ
1 та Англия кубоги
1 та лига кубоги
1 та ЕЧЛ
"Ливерпуль" 2013-14 йилги мавсумда АПЛни ютишга ўта яқин келади. Аммо Жеррарднинг "Челси"га қарши баҳсда сирғалиб кетиши бутун клубни чемпионликдан маҳрум этади. Ўша мавсум 2012 йил лига кубоги ғолиблигидан кейинги, клубнинг олтита совринсиз йилларидан бири эди. Аммо мерсисайдликлар бу олти мавсумда ЕЧЛ, ЕЛ ва лига кубоги мусобақаларида финал ўйинларни бой берган. Бироқ, Юрген Клопп қаттиқ курашди ва ливерпулликларга 2019 йилда ЕЧЛни тақдим этди. Узоқ кутилган АПЛ чемпионлиги кейинги йили қўлга киритилганди. "Қизиллар" 2021-22 йилги мавсумда фантастик даражада ҳаракат қилиб, тўртта соврин учун курашди. Аммо жараёнда АПЛ ва ЕЧЛ рақибларга бой берилди. Шунга қармай, Клопп армияси иккита кубок юта олди.
2. "Челси" – 6 та соврин
2 та АПЛ
1 та Англия кубоги
1 та лига кубоги
1 та Европа лигаси
1 та ЕЧЛ
Сўнгги ўн йилликда "Челси" ҳар хил даврларни бошдан кечирди. АПЛни икки марта ютишдан тортиб, жорий мавсумда 11 ўринни эгаллашгача, ҳаммаси бу жамоа учун насиб қилди. "Аристократлар" 2013 йилдан бери 8 та мураббий билан ишлади ва бу нарса жамоани имкони бўлган барча кубокларни қўлга киритишига сабабчи бўлди. Улар ичида иккита еврокубоклар ҳам бор эди.
1. "Манчестер Сири" – 12 та соврин
5 та АПЛ
1 та Англия кубоги
6 та лига кубоги
"Манчестер Сити" Фергюсон кетмасиданоқ Англия футболида қудратли кучга айлана бошлаган эди. Роберто Манчини даврида бу жамоа АПЛ ва Англия кубогида зафар қучади. Мануэль Пеллегрини ҳам "шаҳарликлар" учун навбатдаги чемпионликни тақдим этади. 2016 йилда Гвардиоланинг келиши, клубни барча жабҳада доминант мақомига олиб чиқди. Айни дамда "Манчестер Сити" сўнгги 6 йилдаги бешинчи АПЛ титулига эришди. Уларнинг олдида ЕЧЛ ва Англия кубоги финали кутиб турибди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
