Бу икки жамоа ўртасидаги учрашувлар доимо кескин ва шиддатли кечган. Бу жамоалар қаерда ўйнамасинлар доимо қизғин ва чиройли футбол кўрсатишади. Ҳар иккала жамоа ҳам чемпионатимизнинг етакчи жамоалари саналишади. Агарда ўзаро ўйинларга эътибор қаратсак, ҳозирча “Пахтакор” етакчилик қилмоқда.
Қолаверса, миллий чемпионатларимиз тарихига назар ташласак, охирги йилларда асосан чемпионлик шоҳсупасини забт этишни мақсад қилаётган бу жамоалар якунда ўз ниятларига етмай қолишмоқда. Аммо бу мавсумда ушбу анъанани ҳар иккала жамоа ҳам бузишлари мумкин. Ҳозирда 22-турдан сўнг, “Пахтакор” 47 очко жамлаган ҳолда пешқадамлик қилаётган бўлса, “Насаф” 45 очко тўплаб иккинчи поғонада бормоқда.
Агар статистикага мурожаат қиладиган бўлсак, 19 октябрь куни Қаршида бўладиган учрашув жамоаларнинг миллий чемпионатларимиз тарихидаги ўттиз иккинчи ўйини саналади. Бунгача улар ўттиз бир маротаба ўзаро рўбарў келишган.
Шулардан 17 учрашувда "Пахтакор" вакиллари ғалабага эришган бўлишса, 7 ўйинда "Насаф" зафар қучган. 7 та учрашувда муроса йўлини танлашган. Эътиборли жиҳати, дурангларнинг бештаси Қаршида қайд этилган бўлса, икки маротаба Тошкентда жамоалар дуранг натижасини қайд этишган.
Ўзаро ўйинларда “Насаф” 28 очкони қўлга киритган бўлса, “Пахтакор” эса 58 очкони ўзиники қилиб олган.
Дарвозаларни ишғол этиш борасида ҳам ҳозирча “аждарлар” ортда қолишмоқда - 25:44.
Биринчи давра баҳсида жамоалар муроса кўчасини танлашганди. Ишонамизки, бу сафар Усмон Тошев шогирдлари рақибларини доғда қолдиришнинг уддасидан чиқишади.
“Насаф” охирги марта “шерлар”ни 2006 йилги чемпионат баҳсларида мағлуб эта олган эди. Шундан бери жамоамиз ҳали “Пахтакор”ни таслим эта олмай келмоқда.
“Насаф”нинг “Пахтакор” устидан қозонган энг йирик ғалабаси – 4:0. Ўз навбатида
“Пахтакор”нинг ҳам “Насаф” устидан қозонган энг йирик ғалабаси – 4:0 ҳисобланади.
Яна бир эътиборли жиҳати шуки, ҳар иккала жамоа ҳам чемпионлик йўлида ўзаро баҳслашишмоқда ва бу учрашув чемпионлик ўйини бўлиши кутилмоқда.
Ўзаро ўйинлар
12.04.2012 “Пахтакор” - “Насаф” 0:0
09.11.2011 “Насаф” - “Пахтакор” 1:1
01.04.2011 “Пахтакор” - “Насаф” 0:0
05.08.2010 “Пахтакор” – “Насаф” 2:0
05.06.2010 “Насаф” - “Пахтакор” 1:1
25.10.2009 “Насаф” – “Пахтакор” 0:0
29.04.2009 “Пахтакор” – “Насаф” 2:0
25.08.2008 “Насаф” - “Пахтакор” 0:1
30.06.2008 “Пахтакор” – “Насаф” 2:0
16.09.2007 “Насаф” – “Пахтакор” 1:0
27.05.2007 “Пахтакор” – “Насаф” 3:0
25.08.2006 “Насаф”- “Пахтакор” 1:0
21.05.2006 “Пахтакор” – “Насаф” 2:0
25.09.2005 “Пахтакор” - “Насаф” 2:0
16.05.2005 “Насаф” – “Пахтакор” 3:2
06.10.2004 “Пахтакор” – “Насаф” 2:1
26.04.2004 “Насаф” – “ Пахтакор” 0:0
16.10.2003 “Насаф” – “Пахтакор” 0:1
15.04.2003 “Пахтакор” – “Насаф” 2:0
16.08.2002 “Пахтакор” – “Насаф” 4:0
15.06.2002 “Насаф” – “Пахтакор” 4:0
24.11.2001 “Насаф” – “Пахтакор” 1:2
13.03.2001 “Пахтакор” – “Насаф” 0:2
02.11.2000 “Пахтакор” - “Насаф” 2:1
01.04.2000 “Насаф” – “Пахтакор” 1:0
05.10.1999 “Пахтакор” – “Насаф” 3:1
01.06.1999 “Насаф” – “Пахтакор” 2:1
09.11.1998 “Насаф” - “Пахтакор” 2:1
29.05.1998 “Пахтакор” – “Насаф” 3:1
04.10.1997 “Пахтакор” – “Насаф” 4:3
13.04.1997 “Насаф” – “Пахтакор” 0:0
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
