Суперлиганинг 13-туридан ўрин олган “Нефтчи” – “Навбаҳор” (0:0) учрашувидан кейинги матбуот анжуманининг биринчи қисмида меҳмонлар бош мураббийи Самвел Бабаян иштирок этиб, ОАВ ходимларининг саволларига жавоб берди. “Лочинлар” устози одатдагидек, ўз сўзини ўйин ҳақидаги фикрлари билан бошлади.
— Ассалому алайкум! Барчага хайрли кеч! Навбаҳор” ва “Нефтчи” ўртасидаги ўйинлар нафақат ушбу икки клуб мухлислари, балки, бошқа клуб ишқибозларида ҳам доимо қизиқиш уйғотган ҳамда ҳар доим шундай қизиқарли тарзда кечган. Ушбу жамоалар мусобақа жадвалида қандай ўринларда бораётганлигидан қатъий назар, мазкур клублар ўртасидаги ўйинларда доимо аншлаг бўлиши табиий. Беллашув ҳам шунга монанд қизиқарли тарзда кечди. Бугун ҳақиқий футбол кўрдик. Курашларга бой ўйин бўлди. Бизда тайёргарликда бироз муаммолар бўлди чоғи, вазиятларни якунлашда муаммо юзага келди. Бу ерга ғалаба учун келгандик. Охирги сонияларгача ҳужум қилишга ҳаракат қилдик. Рақибнинг яхши ҳимоясини ҳам таъкидлаш керак. “Нефтчи” жорий мавсумда иккинчи рақамда ўйнаб, қарши ҳужумда ҳаракат қилмоқда. Биз бунга тайёр эдик, аммо бир неча вазиятларда уларга имконият бердик. Ўйин охирида мезбонлар очко олиш учун вақт чўзишди. Биз эса охиригача ғалаба учун ҳаракат қилдик. Нима бўлишидан қатъий назар, йигитлар ҳаракат қилишди. Бу ўйин бизга сабоқ бўлди. Ҳаммаси жойида. Кейинги ўйинларга сифатли тайёргарлик кўрамиз.
— Остон Ўрунов бугун терма жамоадаги ўйинларидан кейин бироз толиққандек туюлди. Шу ҳолатга фикрингиз қандай?
— Остонга нисбатан рақиблар бошқача тайёргарлик кўришни бошлашди. Бугун ҳам ҳар бир вазиятда унинг олдида “Нефтчи” футболчилари пайдо бўлди. Иккинчидан, Остон бугун ўйинга кичик жароҳат билан чиққанди. Бунинг учун унга қойил қолишимиз керак.
— ФИФА кунлари доирасида “Навбаҳор”дан 6 нафар футболчи терма жамоаларга чақирилди. Уларнинг учрашувга тайёргарлик жараёнида иштирок этишмагани ҳам жамоа ўйинига таъсир қилдими?
— Ўйинчиларимизнинг термага чақирилиши бу биз учун катта шараф. Бу улар учун тажриба. Бироқ, бугунги ўйинга футболчилар турли хил спорт формасида келишди. Очиқчасига айтаман, биз билан ушбу беллашувга тайёрланган футболчилар бугун яхши ҳаракат қилишди. Улар жароҳатланганларнинг ҳам ўрнини билдиришмади. Яна қайтараман, терма жамоага чақирилган футболчилар жамоамизда бўлиши бу шараф. Уларнинг сони кейинги йиғинларда кўпроқ бўлишига ишонаман. Черногория термасига чақирилган футболчимиз эса у ерда 45 дақиқа ўйнаб, овқатдан захарланиш билан ортга қайтди. Шу сабабли ҳам уни бугунги баҳсда сўнгги 20 дақиқада майдонга туширдик, холос. У жамоамиз етакчиси ва асосий таркиб футболчиси ҳисобланади. Умуман олганда, бу нарса бизга тажриба бўлди.
— Жамоанинг ёзги трансферлар “ойнаси”даги режалари ҳақида гапира оласизми?
— “Навбаҳор” ҳар куни жамоани қандай кучайтириш ҳақида ўйлайди. Бироқ, бизда ҳам маълум имкониятлар бор ва биз бу чегарадан четга чиқа олмаймиз. Нимели борасидаги хабарлар эса ҳақиқатга тўғри келмайди. Бошқа ўйинчилар, кучайтиришларни эса шовқин кўтармасдан бажариш керак.
Жамоамиз 2-даврада Осиё Чемпионлар Лигаси, миллий чемпионат ва Ўзбекистон кубоги мусобақаларида иштирок этади. Шундан келиб чиққан ҳолда, таркибни кучайтириш борасида якуний хулосаларга келамиз.
— Биринчи давра якунланишига бир тур қолди. Фикрингизча, “Навбаҳор”га чемпионлик йўлида қайси жамоалар рақобат қилиши мумкин?
— Ҳозир вазият қизиқарли тус олган. Ўтган йилги каби рақобат бўлиб, охирги турга қадар босим остида бўлишимизни истаб қолардим. Турнир жадвалидаги олти жамоа чемпионлик учун курашади, деб ҳисоблайман.
“Навбаҳор” матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
