Superliganing 13-turidan o‘rin olgan “Neftchi” – “Navbahor” (0:0) uchrashuvidan keyingi matbuot anjumanining birinchi qismida mehmonlar bosh murabbiyi Samvel Babayan ishtirok etib, OAV xodimlarining savollariga javob berdi. “Lochinlar” ustozi odatdagidek, o‘z so‘zini o‘yin haqidagi fikrlari bilan boshladi.
— Assalomu alaykum! Barchaga xayrli kech! Navbahor” va “Neftchi” o‘rtasidagi o‘yinlar nafaqat ushbu ikki klub muxlislari, balki, boshqa klub ishqibozlarida ham doimo qiziqish uyg‘otgan hamda har doim shunday qiziqarli tarzda kechgan. Ushbu jamoalar musobaqa jadvalida qanday o‘rinlarda borayotganligidan qat’iy nazar, mazkur klublar o‘rtasidagi o‘yinlarda doimo anshlag bo‘lishi tabiiy. Bellashuv ham shunga monand qiziqarli tarzda kechdi. Bugun haqiqiy futbol ko‘rdik. Kurashlarga boy o‘yin bo‘ldi. Bizda tayyorgarlikda biroz muammolar bo‘ldi chog‘i, vaziyatlarni yakunlashda muammo yuzaga keldi. Bu yerga g‘alaba uchun kelgandik. Oxirgi soniyalargacha hujum qilishga harakat qildik. Raqibning yaxshi himoyasini ham ta’kidlash kerak. “Neftchi” joriy mavsumda ikkinchi raqamda o‘ynab, qarshi hujumda harakat qilmoqda. Biz bunga tayyor edik, ammo bir necha vaziyatlarda ularga imkoniyat berdik. O‘yin oxirida mezbonlar ochko olish uchun vaqt cho‘zishdi. Biz esa oxirigacha g‘alaba uchun harakat qildik. Nima bo‘lishidan qat’iy nazar, yigitlar harakat qilishdi. Bu o‘yin bizga saboq bo‘ldi. Hammasi joyida. Keyingi o‘yinlarga sifatli tayyorgarlik ko‘ramiz.
— Oston O‘runov bugun terma jamoadagi o‘yinlaridan keyin biroz toliqqandek tuyuldi. Shu holatga fikringiz qanday?
— Ostonga nisbatan raqiblar boshqacha tayyorgarlik ko‘rishni boshlashdi. Bugun ham har bir vaziyatda uning oldida “Neftchi” futbolchilari paydo bo‘ldi. Ikkinchidan, Oston bugun o‘yinga kichik jarohat bilan chiqqandi. Buning uchun unga qoyil qolishimiz kerak.
— FIFA kunlari doirasida “Navbahor”dan 6 nafar futbolchi terma jamoalarga chaqirildi. Ularning uchrashuvga tayyorgarlik jarayonida ishtirok etishmagani ham jamoa o‘yiniga ta’sir qildimi?
— O‘yinchilarimizning termaga chaqirilishi bu biz uchun katta sharaf. Bu ular uchun tajriba. Biroq, bugungi o‘yinga futbolchilar turli xil sport formasida kelishdi. Ochiqchasiga aytaman, biz bilan ushbu bellashuvga tayyorlangan futbolchilar bugun yaxshi harakat qilishdi. Ular jarohatlanganlarning ham o‘rnini bildirishmadi. Yana qaytaraman, terma jamoaga chaqirilgan futbolchilar jamoamizda bo‘lishi bu sharaf. Ularning soni keyingi yig‘inlarda ko‘proq bo‘lishiga ishonaman. Chernogoriya termasiga chaqirilgan futbolchimiz esa u yerda 45 daqiqa o‘ynab, ovqatdan zaxarlanish bilan ortga qaytdi. Shu sababli ham uni bugungi bahsda so‘nggi 20 daqiqada maydonga tushirdik, xolos. U jamoamiz yetakchisi va asosiy tarkib futbolchisi hisoblanadi. Umuman olganda, bu narsa bizga tajriba bo‘ldi.
— Jamoaning yozgi transferlar “oynasi”dagi rejalari haqida gapira olasizmi?
— “Navbahor” har kuni jamoani qanday kuchaytirish haqida o‘ylaydi. Biroq, bizda ham ma’lum imkoniyatlar bor va biz bu chegaradan chetga chiqa olmaymiz. Nimeli borasidagi xabarlar esa haqiqatga to‘g‘ri kelmaydi. Boshqa o‘yinchilar, kuchaytirishlarni esa shovqin ko‘tarmasdan bajarish kerak.
Jamoamiz 2-davrada Osiyo Chempionlar Ligasi, milliy chempionat va O‘zbekiston kubogi musobaqalarida ishtirok etadi. Shundan kelib chiqqan holda, tarkibni kuchaytirish borasida yakuniy xulosalarga kelamiz.
— Birinchi davra yakunlanishiga bir tur qoldi. Fikringizcha, “Navbahor”ga chempionlik yo‘lida qaysi jamoalar raqobat qilishi mumkin?
— Hozir vaziyat qiziqarli tus olgan. O‘tgan yilgi kabi raqobat bo‘lib, oxirgi turga qadar bosim ostida bo‘lishimizni istab qolardim. Turnir jadvalidagi olti jamoa chempionlik uchun kurashadi, deb hisoblayman.
“Navbahor” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
