Катта клублардаги айрим рақамлар ўзи билан бир дунё тарихни кўтариб юради. Бундан "Ливерпуль" ҳам мустасно эмас. Бир пайтлар Кенни Далглиш ва Кевин Киган таққан еттинчи рақам АПЛ даврида кимларга берилган эди? 1993 йилдан бери фақат еттита футболчи ундан фойдаланган. Луис Диас янги мавсумда саккизинчи вакил бўлади. Қуйида Диасдан олдинги ўйинчиларга эътибор қаратамиз.
7. Найжел Клаф
"Ливерпул"нинг АПЛдаги илк еттинчи рақами Клаф эди. У мерсисайдликлар сафида анча мураккаб даврларни бошдан кечиради. "Ноттингем Форест"дан сотиб олинган футболчи ўз даражасини кўрсата олмайди ва "Буртон Албион"га кетади.
6. Робби Кин
Ҳамма Кинни 20 миллионлик кўчишидан ҳайратда қолганди. У "Тоттенхэм"дан харид қилинади. Аммо ҳаммаси орқага кетди. Ирландиялик футболчи "Ливерпуль" билан фақат ярим мавсум ҳаракат қилди. У мавсум ўртасида яна "шпорлар" сафига қайтиб кетади. Кин мерсисайдликлар билан 5 та голга муаллифлик қилганди.
5. Харри Кьюэлл
Кьюэлл кутилган натижага эриша олмаган яна бир футболчи эди. "Лидс"дан олиб келинган футболчи жароҳатлар сабаб ўзини кўрсата олмайди. Кьюэлл 2005 йилги ЕЧЛ финалида иштирок этиб, майдонни эрта тарк этади. Аммо австралиялик футболчи баъзида ёрқин кўринган.
4. Владимир Шмицер
"Кьюэллнинг ўлими, Шмицернинг байрами" эди. У ўша финалда захирадан айнан Кьюэлл ўрнига тушади. Ҳужумчи икки бўлимда ажойиб гол уришга эришган. Олти йил давомида футболчи 19 та голга муаллифлик қилади.
3. Жеймс Милнер
Милнер еттинчи рақамдан энг кўп фойдаланган футболчилардан биридир. У "Манчестер Сити"дан 2015 йилда олиб келинганидан бери шу рақамдан фойдаланиб келмоқда. Милнер мерсисайдликларнинг Юрген Клопп қўл-остида қайта уйғонишида муҳим аҳамият касб кетди. Шу сабабли у рўйхатнинг учинчи ўринида турибди.
2. Стив Макманаман
Стив еттинчи рақамни 1996 йилда Клафдан қабул қилиб олади ва Мерсисайдда учта мавсум ўтказади. 1998 йилда мавсумни 11 та гол билан тугатгач, инглиз футболчиси "Реал"га кетганди. Клуб тарбияланувчиси ҳали ҳам яхши хотиралар билан эсланади.
1. Луис Суарес
Робби Киннинг жамоадан кетиши, еттинчи рақамнинг бўшаб қолишига олиб келади. Икки йилдан кейин унинг ҳақиқий эгаси келганди. Луис Суарес "Аякс"дан келиб, ҳамма ёқда шовқин солади. Биринчи мавсумида 5 та гол урганига қарамасдан, уругвайлик ҳужумчи кейинги уч йилда 78 та голга муаллифлик қилди. 2014 йилнинг ёзида у "Барселона"га кетганди.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
