Katta klublardagi ayrim raqamlar o‘zi bilan bir dunyo tarixni ko‘tarib yuradi. Bundan "Liverpul" ham mustasno emas. Bir paytlar Kenni Dalglish va Kevin Kigan taqqan yettinchi raqam APL davrida kimlarga berilgan edi? 1993 yildan beri faqat yettita futbolchi undan foydalangan. Luis Dias yangi mavsumda sakkizinchi vakil bo‘ladi. Quyida Diasdan oldingi o‘yinchilarga e’tibor qaratamiz.
7. Nayjel Klaf
"Liverpul"ning APLdagi ilk yettinchi raqami Klaf edi. U mersisaydliklar safida ancha murakkab davrlarni boshdan kechiradi. "Nottingem Forest"dan sotib olingan futbolchi o‘z darajasini ko‘rsata olmaydi va "Burton Albion"ga ketadi.
6. Robbi Kin
Hamma Kinni 20 millionlik ko‘chishidan hayratda qolgandi. U "Tottenxem"dan xarid qilinadi. Ammo hammasi orqaga ketdi. Irlandiyalik futbolchi "Liverpul" bilan faqat yarim mavsum harakat qildi. U mavsum o‘rtasida yana "shporlar" safiga qaytib ketadi. Kin mersisaydliklar bilan 5 ta golga mualliflik qilgandi.
5. Xarri Kyuell
Kyuell kutilgan natijaga erisha olmagan yana bir futbolchi edi. "Lids"dan olib kelingan futbolchi jarohatlar sabab o‘zini ko‘rsata olmaydi. Kyuell 2005 yilgi YECHL finalida ishtirok etib, maydonni erta tark etadi. Ammo avstraliyalik futbolchi ba’zida yorqin ko‘ringan.
4. Vladimir Shmiser
"Kyuellning o‘limi, Shmiserning bayrami" edi. U o‘sha finalda zaxiradan aynan Kyuell o‘rniga tushadi. Hujumchi ikki bo‘limda ajoyib gol urishga erishgan. Olti yil davomida futbolchi 19 ta golga mualliflik qiladi.
3. Jeyms Milner
Milner yettinchi raqamdan eng ko‘p foydalangan futbolchilardan biridir. U "Manchester Siti"dan 2015 yilda olib kelinganidan beri shu raqamdan foydalanib kelmoqda. Milner mersisaydliklarning Yurgen Klopp qo‘l-ostida qayta uyg‘onishida muhim ahamiyat kasb ketdi. Shu sababli u ro‘yxatning uchinchi o‘rinida turibdi.
2. Stiv Makmanaman
Stiv yettinchi raqamni 1996 yilda Klafdan qabul qilib oladi va Mersisaydda uchta mavsum o‘tkazadi. 1998 yilda mavsumni 11 ta gol bilan tugatgach, ingliz futbolchisi "Real"ga ketgandi. Klub tarbiyalanuvchisi hali ham yaxshi xotiralar bilan eslanadi.
1. Luis Suares
Robbi Kinning jamoadan ketishi, yettinchi raqamning bo‘shab qolishiga olib keladi. Ikki yildan keyin uning haqiqiy egasi kelgandi. Luis Suares "Ayaks"dan kelib, hamma yoqda shovqin soladi. Birinchi mavsumida 5 ta gol urganiga qaramasdan, urugvaylik hujumchi keyingi uch yilda 78 ta golga mualliflik qildi. 2014 yilning yozida u "Barselona"ga ketgandi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
