Сулолалар футболда учун тез-тез учрайдиган воқеа. Масалан, Малдинилар оиласи (Сезаре, Паоло, Даниэл) бир неча ўн йиллар бери “Милан”да ўйнашган, Карлес ва Серхио Бускетс “Барса”да, Петер ва Каспер Шмейхеллар эса Дания терма жамоаси дарвозасини ҳимоя қилишган. Янги авлодда футболчилар орасида ҳам ўтмишдаги машҳур оталарнинг фарзандлари бор. 2023 йил ёзги трансфер ойнасида эса уларнинг баъзилари клубини ўзгартириб, ўсишда давом этиши мумкин.
Тимоти Веа (“Лилл” → “Ювентус”)
Тимоти тарихдаги энг яхши африкалик футболчилардан бири, "Олтин тўп" соҳиби Жорж Веанинг ўғлидир. Веа ҳозирда Либерия президенти ҳисобланади. Аммо Тимоти 2000 йилда АҚШда туғилган. Халқаро миқёсда у Америка терма жамоаси шарафини ҳимоя қилади. Кичик Веанинг Либерия билан ҳеч қандай алоқаси йўқ, ҳатто фуқаролиги ҳам йўқ. Тимоти АҚШда ўзининг илк футбол қадамларини қўйди ва 2014 йилда “ПСЖ” академиясига ўтди.
Веа Парижда беш йилни ўтказди, 2018/2019 йилги мавсумда у ҳатто асосий таркибда бир нечта ўйинлар ўтказди. Аммо Тимоти “ПСЖ”да ўз ўрнига эга бўлмади. 2019 йилда у “Селтик”ка ижарага берилди. Шотландияда олти ой ўтказгандан сўнг, Веа Францияга қайтди, лекин бу сафар “Лилл”га. “Булдоглар” футболчини парижликлардан 10 миллион еврога сотиб олишди.
"Лилл"да Веага кўпроқ ишонч билдириларди. Аммо 2022/2023 йилги мавсумда Тимоти вақти-вақти билан захира ўриндиғида қолди. Шу билан бирга, майдонга кириб, у ўзини ҳимоянинг ўнг ёки чап қанотида топди, гарчи у номинал қанот ҳимоячиси ҳисобланади. Мавсумдаги 32 та ўйинда кичик Веа бирорта ҳам гол урмади, атиги иккита голли узатмани амалга оширган. Аммо бу афсонавий ҳужумчининг ўғли учун харидор бўлган "Ювентус"ни безовта қилмади. Туринтликлар, Goal хабарига кўра, Веани "Лилл"дан 12 миллион еврога сотиб олади. Тимоти ҳафта охиригача тиббий кўрикдан ўтади, шундан сўнг трансфер расман эълон қилинади.
Маркус Тюрам (“Боруссия М” → “Интер”)
Қуйида Лилиан Тюрамнинг икки ўғли ҳақида гап боради. Ўғилларнинг тўнғичи Маркус профессионал фаолиятини 2015 йилда "Сошо"да бошлаган. Кейин у “Генгам”га ўтди ва 2019 йилда Мюнхенгладбахнинг "Боруссия"си билан шартнома имзолади. Маркус асосан марказий ҳужумчи вазифасини бажаради.
Тюрам тўрт йилни Германияда муваффақиятли ўтказди. 2020 йилда у Франция терма жамоаси ўйинларига жалб қилина бошлади. 2022/2023 йилги мавсумда Маркус 32 учрашувда 16 та гол урди. Аммо унинг “Боруссия” билан шартномаси якунига етди.
Тюрамга “Милан”, “ПСЖ” ва “Нюкасл” қизиқиш билдираётган бўлса-да, “Интер” вазиятдан унумли фойдаланди. Маркус тиббий кўрикдан ўтганидан сўнг Чемпионлар лигаси финалчиси билан 5 йиллик шартнома имзолайди. Transfermarkt маълумотларига кўра, Тюрам 32 миллион еврога баҳоланган. Аммо "Интер" уни эркин агент сифатида олади.
Миланда 25 ёшли ҳужумчи Эдин Жеконинг ўрнини эгаллайди ва клубда ижара асосида ўйнаган Ромелу Лукакунинг эҳтимолий йўқотишини ҳам қоплайди. Тюрамнинг энг яхши фазилатлари - бу тезлик, жисмоний ҳолат (192 см), пас ўйнаш қобилияти, кўп қирралилик, яхши гол уриш инстинкти.
Кефрен Тюрам (“Ницца” → “Ливерпул”)
Лилиананинг кенжа ўғли - Кефрен. 22 ёшли француз акасидан фарқли ўлароқ, таянч зонасида ўйнайди. Шу билан бирга, Кефрен жисмонан ҳам кучли (бўйи ҳам 192 см), тезкор ва техник ўйинчи. Лекин у тўп билан курашда ва пасларда ҳам совуққон ва чидамли. Кичик Тюрам “Монако”да тарбияланган, аммо асосий жамоада ҳеч қачон дебют ўтказмаган.
2019 йилда Кефренни “Ницца” сотиб олди. Дастлабки икки йил давомида ярим ҳимоячи катталар футболига кўпроқ мослашди, аммо 2021/2022 йилги мавсумдан бошлаб асосий таркибга кирди.
Якунланган мавсумда Тюрам барча мусобақаларда 48 ўйин ўтказиб, иккита гол урди ва саккизта голли узатмани амалга оширди. Марказий ярим ҳимоячи учун ёмон статистика эмас.
Истеъдодли французга "Ливерпул" қизиқиш билдирган. Football Insider хабарига кўра, инглиз топ-клуби Кефрен билан шартнома имзолашга яқин турибди. Трансфер 60 миллион еврога баҳоланмоқда. Тюрам, шубҳасиз, янгиланишга муҳтож бўлган "Ливерпул" ярим ҳимоячисига ёрқинлик олиб киради. У Юрген Клопп тизимига жуда мос тушади. Мерсисайдликлар учун яхши келишув. Айтганча, ҳозир Кефрен Франция терма жамоасига Евро U-21да ёрдам бермоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
