Бир тасаввур қилинг, Лионель Месси «Реал»да, Криштиану Роналду эса «Барселона»да.
Шунақа бўлиши мумкинми? Мавжуд тушунчага кўра, асло имкони йўқ бундай ўтишларнинг. Тўғри, вақтида афсонавий Луиш Фигу «Барселона»ни қўққисдан «Реал»га алмаштириб, футболда «Ҳеч қачон» иборасини ишлатмаслик кераклигини кўрсатиб қўйганди. Лекин моҳиятан қарасак, шундай хаёлий трансферлар борки, улар ҳеч қачон амалга ошмайди чиндан ҳам. Шунинг баробарида тасаввурни биров тақиқлаб қўёлмайди, албатта. Демак, бугунги фотожамланма воситасида айрим юлдуз футболчиларни ашаддий рақиб жамоалар либосида бирров тасаввур қиламиз. Лекин унутманг, бунақаси имконсиз деярли.
Лионель Месси «Реал»да. Йўқ, Каталония бундай ўтишни асло кўтаролмасди, Леонинг ўзи ҳам икки дунёда «Мадрид»га қиё боқмаса керак.
Криштиану Роналду «Барселона»да. Ҳа, португалиялик юлдуз Саудия Арабистонига юзланишидан олдин унинг Каталония суперграндида ўйнаши эҳтимоли ҳақида хабарлар чиқди. Лекин бу шунчаки, гап-сўз эди...
Винисиус Жуниор «Атлетико»да. Мадриднинг икки клуби ўртасидаги адоват янада кучли. Шундай экан, бразилияликни «матрасчилар» формасида кўриш - соф хаёлот.
Муҳаммад Салоҳ «МЮ»да. Мисрлик голеадор «Энфилд»дан кетиши мумкин, аммо унинг «Олд Траффорд»га йўл олиши ақлга сиғмайди асло.
Гарри Магуайр «Манчестер Сити»да. Нега мумкин эмас? Биринчидан, Манчестер клублари ўртасида кучли зиддият бор. Иккинчидан, «шаҳарликлар» бу ҳимоячини олишмайди, барибир.
Пьер-Эмерик Обамеянг «Тоттенхэм»да. Ҳаммаси оддий: Шарқий Лондонда Абубанинг «канонирча» ўтмишини ҳамма яхши эслайди.
Жоау Канселу «Боруссия» (Дортмунд)да. Португалия ҳимоячи «Бавария»да янги футболчи, шундай бўлсада, унинг «Дортмунд»га юзланиши мумкин эмас.
Лаутаро Мартинес «Милан»да. Аргентиналик ҳужумчи Миланда, «россонерлар» базасидан бир қадам нарида. Шундай бўлсада, Лаутарони «Милан»да кутишдан маъно йўқ.
Лука Модрич «Барселона»да. Хорватиялик «қаримас» ярим ҳимоячи фаолиятини «Реал»да якунлаш ниятида. Бордию, «Мадрид»да Лукани ортиқча кўришса ҳам, у «Барса»га хизмат қилишни ўзига эп кўрмайди.
Жоау Фелиш «Арсенал»да. Тасаввурдан нарига ўтмайдиган яна бир ўтиш. Барчасига португалияликнинг «Челси»даги қисқагина фаолияти сабаб...
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
