"Челси" кўплаб юлдузлари билан хайрлашмоқда. Аллақачон клубга ўн миллионларга тушган юлдузлар жамоани тарк этиб улгурди. Сотилган футболчилар раҳбарият учун 323 миллионга тушган эди. Қуйида улардан тузилган жамоани ҳавола этамиз.
Дарвозабон: Эдуар Менди
2022-23 йилги мавсум "Челси"га ўта оғир келди. Шунингдек, Эдуар Мендига ҳам. Аммо у ўз чўққисида бутун дунёни лол қолдира олганди. 2020 йилнинг сентябрида Менди жамоага қўшиб олинади. 2021 йилда у ЕЧЛ ғолиби бўлади. Афсуски, Мендини Европада бошқа кўрмаймиз. Негаки, у "Ал-Аҳли" билан йилиги 10 миллион фунтлик шартномага имзо чеккан.
Марказий ҳимоячи: Сесар Аспиликуэта
Жамоага 11 йиллик хизматларидан кейин, Аспи кетишга қарор қилди. Ўз вақтида испаниялик ҳимоячи АПЛнинг энг зўри эди. Уни мухлислар соғиниши аниқ. 33 ёшли футболчи 2012 йилда 7 миллион фунт эвазига харид қилинади. Айтиш мумкинки, Аспиликуэта ўзига сарфланган пулларни тўлиқ оқлай олди. Энди унинг янги манзили "Ателтико" бўлади.
Марказий ҳимоячи: Калиду Кулибали
Аспиликуэта ҳақида айтилган гапларни Кулибалига ҳам ишлата олмаймиз. Ҳимоячи ўтган ёзда "Наполи"дан 33 миллион фунт эвазига сотиб олинади. У "Ал-Ҳилол"га 20 миллионга сотиб юборилди. "Челси" эса бу хариддан ҳеч қандай фойда кўрмаган эди.
Ўнг қанот ҳимоя: Дюжон Стерлинг
Стерлинг 2017 йилда жамоада дебютини ўтказади. Ўша пайтда мураббийлар уни ёрқин келажак кутаётганини айтади. Ёш ҳимоячи орада тўрт мавсум ижарада юрди. "Челси" асосий таркибига кира олмагач, 23 ёшли футболчи "Рейнжерс"га сотиб юборилди.
Чап қанот ҳимоя: Баба Рахман
Гана терма жамоаси аъзоси "Челси"да 8 йилни бирга ўтказди. Шу давр мобайнида Рахманга фақат 23 марта майдонга тушиш имконияти берилди холос. 2015 йилда ҳимоячи 22 миллион фунтга харид қилинади. Бошқалар сингари, Рахман ҳам вақтини асосан ижараларда ўтказди. У яқиндагина "ПАОК" сафига йўл олганди.
Ярим ҳимоячи: Тьемуэ Бакайоко
Бакайоко "Монако"нинг гуллаб-яшнаган, 2016-17 йилги мавсумида жамоа билан бирга эди. У Килиан Мбаппе, Бернарду Силва, Фабиньо ва Жоау Моутиньолар билан бир жамоада ҳаракат қилган. Афсуски, ярим ҳимоячи бошқа шериклари каби омадли эмасди. "Челси" уни 40 миллион фунтга сотиб олади. Бу пуллар эса ўзини оқламади.
Ярим ҳимоячи: Матео Ковачич
Ковачич ҳақида унинг собиқ мураббийи Томас Тухель шундай дейди: "Одамларга очиқ, хушчақчақ ва самимий йигит. Уни ҳаммамиз яхши кўрамиз. Мен Ковачични "Реал"даги давридан бери кузатиб келаман. Унинг истеъдодига тан берганман".
Хорватия терма жамоаси аъзоси яқиндагина "Манчестер Сити"га кўчишни амалга оширган эди.
Ярим ҳимоячи: Н'Голо Канте
Уни шунчаки яхши кўриш керак. Канте "Челси" учун нима яхши бўлса, ҳаммасини қилди. Таърифлаш учун унинг биргина "Лестер"даги ишларини эслаш кифоя. "Челси"да эса бу нарса қайтарилганди.
Ўнг қанот ҳужум: Кристиан Пулишич
2019 йилда 58 миллион фунтга сотиб олинган ҳужумчи, бор-йўғи 20 миллион эвазига сотилди. "Милан" АҚШ терма жамоаси аъзоси билан шартнома тузди. Ҳамма Пулишичнинг бу кўчишини омадли бўлади деб ҳисобламоқда. Кетиш ҳар икки томон ва футболчининг ўзига ҳам яхшилик келтирди. Биз ҳам Пулишичга Италиядаги саргузаштларида омад тилаймиз.
Чап қанот ҳужум: Мейсон Маунт
Бу сотув ҳали ҳам жамоа мухлисларини хафа қилмоқда. Маунт "Челси" учун 195 та ўйинда майдонга тушиб, голлар ва ассистларни амалга оширган. Кетиши ҳақида футболчининг ўзи шундай дейди: "Биламан, бундан хуранд бўлмайсизлар. Аммо ҳозир шундай қилишим керак". Маунт эвазига "МЮ" 60 миллион фунт тўлаб берадиган бўлди.
Ҳужумчи: Кай Хаверц
"Челси" мухлислари Хаверцдан ЕЧЛ финалида гол ургани учун бир умр миннатдор бўлади. Афсуски, футболчи охирги пайтларда қийналди. Клуб уни сотиши керак эди. "Арсенал"дан яхши таклиф келди. 2020 йилда 71 миллион фунтга олинган Хаверц, 65 миллионга қайта сотилди. Германия терма жамоаси аъзоси эса АПЛдаги фаолиятини давом эттиради.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
