Миллий чемпионатимизда юзага келган қисқа муддатли танаффусдан унумли фойдаланиш мақсадида "Локомотив" жамоаси Тошкент вилоятидаги "Дўстлик" стадионида "Бухоро" клубига қарши назорат-синов учрашувида майдонга тушди.
Гарчи учрашув ўртоқлик мақоми остида ўтган бўлса-да, ҳар икки жамоа майдонда ҳужумкор ўйин намойиш этишга ҳаракат қилди. Бу эса ўйиннинг сермаҳсул ўтишини таъминлаб, якунда жанговар дуранг – 3:3 ҳисоби қайд этилди. Шуни таъкидлаш керак, "Локомотив" дарвозасига киритилган барча голларга биргина футболчи – Воҳид Шодиев муаллифлик қилди. Жамоамиз аъзоларидан Зайниддин Тожиев дублга эришган бўлса, яна битта гол Дилшод Рахматуллаев ҳисобига ёзилди.
Айтганча, Рахматуллаев 11 метрлик жарима зарбасини амалга ошираётган паллада Зайниддинга тиббий ёрдам кўрсатилаётган эди. Натижада жамоанинг штатли пенальтичиси ўз вазифасини бажаролмади. Акс ҳолда Шодиевнинг уч голига Тожиев ҳам шунча тўп билан жавоб қайтарган бўлармиди? Дарвоқе, ўртоқлик учрашувида "Бухоро" жамоаси сафида яқинда ўсмирлар ўртасида Осиё чемпиони бўлиб қайтган ёш футболчи Акобир Тўраев ҳам заҳирадан майдонга туширилди. Аммо, унга ўйинни якунлаб қўйиш насиб этмади. Бугун ўзининг 16-баҳорини қарши олаётган футболимиз умиди 81-дақиқада ҳакам томонидан четлатилди. Буни туғилган кунга ҳақиқий "совға" дейиш мумкин. Эҳтимол, Асимов бу кун Акобирнинг ҳаётида қандай ўрин тутишини билмагандир, яна ким билади...
"Локомотив" – "Бухоро" – 3:3 (2:2). "Дўстлик"стадиони
Голлар: З.Тожиев (25-пен., 80), Д. Рахматуллаев (45-пен.) – В. Шодиев (17, 32, 49).
Ҳакам: А. Асимов.
"Локомотив": Павел Бугало, Шерзод Шарипов (Элдор Магдеев 46), Ислом Иномов, Ислом Тўхтахўжаев, Рустам Аъзамов (Максим Казанков 46), Дилшод Жабборов, Дилшод Рахматуллаев (Собир Усмонхўжаев 46), Садриддин Абдуллаев, Акмал Холматов (Александр Шадрин 46), Артурос Фоменко (Иброхим Рахимов 58), Зайниддин Тожиев.
"Бухоро": А. Пилипенко, А. Холмуродов, Г. Ксевишвили (Н. Жўраев 46), Дэвид Ония, Н. Шибамура, А. Николаев (Ш. Сулаймонов 46), О. Нарзуллаев (А. Санаев 46), М. Рахимов, Ж. Ҳасанов(О. Дражжук 67), В. Шодиев (А. Тўраев 63), Е. Кочнев (И. Хайров 46).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
