Усмон Дембеле «ПСЖ»га йўл олди - Фабрицио Романонинг хабар беришича, вингер билан 5 йиллик шартнома имзоланган. Муҳим ньюанс: парижликлар «Барселона»га 50 миллион евро товон пулини фаоллаштиришга тайёр эканликлари ҳақида хат юборишди. «ПСЖ» бугун шартномани ёпиш учун қўлидан келганича ҳаракат қилмоқда. Усмон ўтган ёзда имзолаган шартнома бандига кўра, 1 августдан озод қилиш тўлови икки баравар кўпаяди.
Романонинг сўзларига кўра, Дембеле расман клубдан «ПСЖ» билан музокаралар ўтказишга рухсат беришни сўраган, бироқ у аллақачон шартнома бўйича келишиб олган эди. Шу тариқа у «Барса»ни жараённи кучайтиришга мажбурламоқчи. «ПСЖ»нинг фаоллиги «Барселона»ни ва хусусан клуб президенти Жоан Лапортани ғазаблантирди. У Дембелени қолишга ишонтирмоқчи бўлди, аммо бунга эриша олмади. Энди каталонияликлар «уруш» эълон қилишни режалаштирмоқда. Масалан, Mundo Deportivo хабарига кўра, «Барса» УЕФАга парижликларнинг молиявий фейр-плей қоидаларига риоя қилиш-қилмаслигини текшириш илтимоси билан мурожаат қилади.
Яна бир нохуш вазият шундаки, гўёки 2022 йилнинг ёзида шартномани янгилаш чоғида «Барселона» содиқлик учун бонус тўлай олмаган. Улар вазиятдан шундай чиқиб кетишди: кейинги трансфер пайтида 50% пул Дембеле ва унинг агентига берилади. Аслида, Каталония клуби 2017 йилда 135 миллион еврога сотиб олинган футболчидан атиги 25 миллион евро ишлаб олиш хавфи бор. Шу сабабли Лапорта Дембеле трансфери туфайли чув тушиши мумкин.
Инсайдер Рамон Фуэнтес қўшимча қилади: Ла Лига қоидаларига кўра, «Барса» бу сумманинг атиги 40 фоизини ўйинчиларни рўйхатдан ўтказиш ёки имзолаш учун ишлата олади, яъни 10 миллионга яқин. Алмаштириш варианти кекса Алексис Санчес билан бўлиши мумкин, у ҳозир клубсиз. Mundo Deportivo'нинг таъкидлашича, энди трансферни фақат Дембеленинг ўзи якка қарори билан бузиши мумкин. «Барса» Дембелени сақлаб қолишни жуда хоҳларди. Усмоннинг ўзи жамоада бахтли эканини айтган ҳам. Дембеле мавсумнинг деярли бутун баҳор қисмини ўтказиб юборганига қарамай, апрель ойи охирида Хави франциялик футболчини дахлсиз деб билишини айтди - улар 2027 йилгача шартномани узайтиришни режалаштиришганди. Май ойи охирида Хави Дембелени мақтаганди: «Одамлар Усмонни танимайдилар. У ажойиб йигит. Одамлар унинг қанчалик ақлли эканлигини, майдонда қилган ишларини тасаввур қила олмайди. Дембеле одамлар ўйлагандан кўра ақллироқ. У менга жуда ёқадиган қобилиятларга эга. У ҳал қилувчи таъсирга эга. Биз Дембеленинг олти йилдаги энг яхши версиясини кўрдик. Тасаввур қилинг-а, у кўпроқ гол ура бошласа ва ундан ҳам кўпроқ голли узатма бера бошласа нималар содир бўлади», - деди «Барселона» бош мураббийи.
Усмоннинг ўзи «Барса»да қолишга ҳаммани ишонтирди ва «ПСЖ» билан алоқаларни рад этди. «Ҳаммаси яхши: «Барселона» шартномани 2027 йилгача узайтирмоқчи, вакилим раҳбарият билан гаплашади. Мен жамоада бахтлиман, «Барселона»да ўзимни уйдагидек ҳис қиляпман. Келинг, кейин нима бўлишини кўрамиз. Нега «ПСЖ» ҳақида бунчалик кўп гапирилаётганини билмайман. Бу мен француз бўлганим учун бўлса керак, лекин «ПСЖ» билан алоқаларим бўлмаган», деди Дембеле.
«Барса» билан шартнома узайтирилиши молиявий келишмовчиликлар туфайли тўхтатилди. Лекин Мбаппе ҳақида версиялар ҳам бор. Июль ойи бошида Мбаппе билан вазият кескинлашгани фонида Дембеленинг «ПСЖ»га ўтиши ҳақидаги миш-мишлар кучайди. Бироқ, кейин ОАВ футболчининг ўзи «Барса»да қолишни хоҳлаётгани ҳақида ёзишган, буни Лапорта ҳам тасдиқлаган. Diario Sport ҳаттоки, клуб Усмонни жуда яхши кўриши ва уни сардорлар қаторига қўймоқчи эканликларини ҳам ёзган. Бир неча ҳафта ўтгач, ҳаммаси ўзгарди: RMC Sport журналисти Фабрис Хокинс Дембеле ва «ПСЖ» ўртасидаги музокаралар илғор босқичда эканлигини таъкидлади ва Усмоннинг ўзи парижликларнинг янги лойиҳасига ишонч билдирди. Бироз вақт ўтгач, журналист Элена Кондис Эдо Усмон «Барселона»нинг бир нечта ўйинчиларига «ПСЖ»га ўтиш нияти ҳақида айтганини хабар қилди.
Дембелени қисқа вақт ичида фикрини ўзгартиришга нима мажбур қилди?
RAC1 хабарига кўра, муаммо «Барселона» билан шартноманинг молиявий шартларида бўлган. Франциялик футболчининг вакиллари унинг маошига 6-7 миллион евро қўшиш, шунингдек, бонуслар беришни талаб қилишди. Клуб бундай талабларни оғир иқтисодий вазият туфайли қабул қилолмади. L’Equipe'нинг бошқа версияси мавжуд. «Барса» «ПСЖ»га Дембеле ва Гавини Мбаппе шартномасига қўшишни таклиф қилгани ҳақида хабарлар тарқалди. Бу ҳақда француз манбалари футболчининг атрофидагиларга ишора қилиб хабар қилди. Шахсий суҳбатлар чоғида Хави вингерни жорий таркиб учун муҳим эканлигига ишонтирди. Бу ерда муҳим шахс - унинг агенти Мусса Сиссоко. Бир йил олдин у Дембеленинг кетишини талаб қилиб, катта шароитларни сўраган эди, аммо Усмон қолишга қарор қилди. Энди агент Ла Лига билан доимий алоқада бўлиб, шартномани фаоллаштириш учун ўзига керакли ҳужжатларни сўрамоқда, у буни эртага қадар бажаришга вақт топмоқчи.
Унинг учун бу молиявий жиҳатдан муҳим: агар товон пули ошса, Сиссоконинг улуши 50 фоиздан 25 фоизгача камаяди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
