"МЮ" ёзги трансферлар ойнасида ўз нишонларини "овлаш" билан банд бўлиб турибди. Аммо ҳар қандай клуб фақат футболчи сотиб олиш билан чеклана олмайди. Харидлар билан бирга сотувлар ҳам керак бўлади. Бу орқали эса таркиб тозаланиши билан бир қаторда, янги трансферлар учун пул ишлаб олиш мумкин. Бош мураббий Эрик тен Хаг янги мавсумда ҳамма учун бирдек етарли бўлган ўйин вақтини тақдим эта олмайди. Шу сабаб, айримлар ўз бахтини бошқа ерлардан излагани – маъқулроқ. Қуйида "қизил иблислар" учун кераксиз деб топилган ва жамоани тарк этиш бўсағасида турган юлдузларга эътибор қаратдик.
Харри Магуайр
Магуайрнинг обрўси сўнгги тўрт йил ичида фақатгина туша борди. Мухлислар уни калака қила бошлади. Кўплаб мемларга сабаб бўлган ҳимоячининг "МЮ"даги вақти тугаган кўринади. Ўтган мавсумни асосан захираларда ўтказиб, жамоа сардори мақомидан туширилган футболчи, "Олд Траффорд"дан кетадиган бўлиб турибди. Англия терма жамоаси аъзоси учун "Вест Хэм Юнайтед" 20 миллион фунтлик таклиф билан чиққанди. Шунингдек, "Эвертон" ҳам Магуайрга қизиқиш билдирган. Аммо футболчининг ўзи жамоада қолиб, яна бир мавсум асосий таркиб учун курашиб кўришни истайди.
Фред
Фред йиллар давомида клуб учун яхши хизмат кўрсатиб келди. Бироқ, Каземиро, Кристиан Эриксен ва Мейсон Маунтлар олдида бразилияликнинг асосий таркиб имкониятлари анча чекланган бўлиб қолади. Қолаверса, яқинда яна бир ярим ҳимоячи – Софьян Амрабат сотиб олиниши кутилмоқда. Бу эса Фред учун яхши сигнал эмас, албатта. Ёз аввалида футболчи учун "Фулхэм"дан қизиқишлар бўлган эди. Саудия клублари ҳам Фредга иш таклиф қилди. Ҳозир эса "Галатасарай" 30 ёшли ярим ҳимоячига 20 миллион фунт таклиф қилмоқда. Фред барқарор ўйин намойиш этиб келаётган бўлсада, раҳбарият уни, ўзи учун тўланган 60 миллион фунтни оқлай олмади деб ҳисоблайди.
Донни ван де Бек
"МЮ" таркибида борлиги ҳам унутиб юборилган номлардан бири айна ван де Бекдир. Ярим ҳимоячининг Англияда ўтган сўнгги 3 йили омадсиз кечди. У асосий таркибга кира олмади. Бу ҳақида нидерландияликнинг ўзи шундай деганди: "Узоқ жароҳатдан кейин қайтиш жуда ёқимли. Аммо мен ҳали ҳам келажагим ҳақида аниқ гап айта олмайман. Қаттиқ меҳнат қилишим керак. Балки янги мавсумда бошқа жойга кўчиб ўтарман. Ҳали саволлар очиқлигича қолмоқда".
Ван де Бекка "Реал Сосьедад"дан қизиқишлар мавжуд.
Скотт Мактоминей
Мактоминей сотилади. Бу борада муаммо йўқ. Аммо шотландиялик учун 40 миллион фунтдан кам таклифлар қабул қилинмайди. 26 ёшли футболчи учун "Вест Хэм" ва "Ньюкасл" даъвогар саналади. Шунингдек, Скотт Мактоминейда ўз юртига қайтиб, "Селтик" шарафини ҳимоя қилиш имкони ҳам мавкуд.
Дин Хендерсон
Хендерсон "Ноттингем"га доимий битим билан кўчиб ўтиши кутилмоқда. Дарвозабон ўтган мавсумни "ўрмончилар" сафида муваффақиятли ўтказганди. 26 ёшли дарвозабон эвазига лондонликлар 15 миллион фунт тўлашади. Хендерсоннинг ўйинларига қараб, бу қийматга кейинчалик, яна 5 миллион фунт ҳам қўшилиши мумкин. "МЮ" бу шартномага бадал тўлаш бандини ҳам киритади. Бу нарса "Ноттингем"ни ташвишга солмоқда. Агарда Хендерсон масаласи омадли ҳал этилмаса, "Арсенал"дан Метт Тёрнер сотиб олиниши ҳам мумкин.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
