"MYU" yozgi transferlar oynasida o‘z nishonlarini "ovlash" bilan band bo‘lib turibdi. Ammo har qanday klub faqat futbolchi sotib olish bilan cheklana olmaydi. Xaridlar bilan birga sotuvlar ham kerak bo‘ladi. Bu orqali esa tarkib tozalanishi bilan bir qatorda, yangi transferlar uchun pul ishlab olish mumkin. Bosh murabbiy Erik ten Xag yangi mavsumda hamma uchun birdek yetarli bo‘lgan o‘yin vaqtini taqdim eta olmaydi. Shu sabab, ayrimlar o‘z baxtini boshqa yerlardan izlagani – ma’qulroq. Quyida "qizil iblislar" uchun keraksiz deb topilgan va jamoani tark etish bo‘sag‘asida turgan yulduzlarga e’tibor qaratdik.
Xarri Maguayr
Maguayrning obro‘si so‘nggi to‘rt yil ichida faqatgina tusha bordi. Muxlislar uni kalaka qila boshladi. Ko‘plab memlarga sabab bo‘lgan himoyachining "MYU"dagi vaqti tugagan ko‘rinadi. O‘tgan mavsumni asosan zaxiralarda o‘tkazib, jamoa sardori maqomidan tushirilgan futbolchi, "Old Trafford"dan ketadigan bo‘lib turibdi. Angliya terma jamoasi a’zosi uchun "Vest Xem Yunayted" 20 million funtlik taklif bilan chiqqandi. Shuningdek, "Everton" ham Maguayrga qiziqish bildirgan. Ammo futbolchining o‘zi jamoada qolib, yana bir mavsum asosiy tarkib uchun kurashib ko‘rishni istaydi.
Fred
Fred yillar davomida klub uchun yaxshi xizmat ko‘rsatib keldi. Biroq, Kazemiro, Kristian Eriksen va Meyson Mauntlar oldida braziliyalikning asosiy tarkib imkoniyatlari ancha cheklangan bo‘lib qoladi. Qolaversa, yaqinda yana bir yarim himoyachi – Sofyan Amrabat sotib olinishi kutilmoqda. Bu esa Fred uchun yaxshi signal emas, albatta. Yoz avvalida futbolchi uchun "Fulxem"dan qiziqishlar bo‘lgan edi. Saudiya klublari ham Fredga ish taklif qildi. Hozir esa "Galatasaray" 30 yoshli yarim himoyachiga 20 million funt taklif qilmoqda. Fred barqaror o‘yin namoyish etib kelayotgan bo‘lsada, rahbariyat uni, o‘zi uchun to‘langan 60 million funtni oqlay olmadi deb hisoblaydi.
Donni van de Bek
"MYU" tarkibida borligi ham unutib yuborilgan nomlardan biri ayna van de Bekdir. Yarim himoyachining Angliyada o‘tgan so‘nggi 3 yili omadsiz kechdi. U asosiy tarkibga kira olmadi. Bu haqida niderlandiyalikning o‘zi shunday degandi: "Uzoq jarohatdan keyin qaytish juda yoqimli. Ammo men hali ham kelajagim haqida aniq gap ayta olmayman. Qattiq mehnat qilishim kerak. Balki yangi mavsumda boshqa joyga ko‘chib o‘tarman. Hali savollar ochiqligicha qolmoqda".
Van de Bekka "Real Sosyedad"dan qiziqishlar mavjud.
Skott Maktominey
Maktominey sotiladi. Bu borada muammo yo‘q. Ammo shotlandiyalik uchun 40 million funtdan kam takliflar qabul qilinmaydi. 26 yoshli futbolchi uchun "Vest Xem" va "Nyukasl" da’vogar sanaladi. Shuningdek, Skott Maktomineyda o‘z yurtiga qaytib, "Seltik" sharafini himoya qilish imkoni ham mavkud.
Din Xenderson
Xenderson "Nottingem"ga doimiy bitim bilan ko‘chib o‘tishi kutilmoqda. Darvozabon o‘tgan mavsumni "o‘rmonchilar" safida muvaffaqiyatli o‘tkazgandi. 26 yoshli darvozabon evaziga londonliklar 15 million funt to‘lashadi. Xendersonning o‘yinlariga qarab, bu qiymatga keyinchalik, yana 5 million funt ham qo‘shilishi mumkin. "MYU" bu shartnomaga badal to‘lash bandini ham kiritadi. Bu narsa "Nottingem"ni tashvishga solmoqda. Agarda Xenderson masalasi omadli hal etilmasa, "Arsenal"dan Mett Tyorner sotib olinishi ham mumkin.
ISMATOV J.
Eron
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
