13-16 ноябрь кунлари Тошкентда 2000 йилда туғилган ўсмирлар ўртасида футбол фестивали бўлиб ўтди.
Ўзбекистон терма жамоалари учун заҳира тайёрлайдиган янги тизимдаги селекция хизмати ташкил қилинди. ЎФФ томонидан 4 та минтақа, Шимол, Жануб, Водий ва Тошкент шаҳри ва вилоятига селекция мураббийлари тайинланди. Мураббийларни минтақаларга тайинлаш жараёнида уларнинг ўша ҳудуд футболига алоқадорлиги, малака ва тажрибаси инобатга олинди.
Янги тизимдаги селекция хизмати минтақадаги ёш футболчиларни аввал тор, кейин эса кенг доирада танлаб олиб, вилоят, минтақа ва якунда мамлакат терма жамоасига тавсия қилади. Футболчининг терма жамоа рўйхатига кириши босқичма-босқич юз беради. Шу билан бирга терма жамоага жалб этилган футболчининг рақобатчилари ҳам ошади.
Футболчиларни саралаш, уларни танлаб олишда турнир ва мусобақалар, футбол фестиваллари асосий мезон бўлиб хизмат қилади.
13 ноябрь куни Тошкентда старт олган болалар футболи фестивалида Ўзбекистоннинг барча вилоятларидаги ихтисослаштирилган футбол мактабларида шуғулланаётган ёш футболчилар иштирок этди.
Фестивални энг аввало ёш футболчиларни кўрикдан ўтказиш мақсадида ўтказилди. Фествалнинг болалар саломатлигини мустаҳкамлаш, ўсмир футболчиларнинг спорт бўйича маҳоратини янада ошириш, мамлакатда футболни оммалаштириш ва ривожлантириш, шунингдек, қатнашаётган жамоаларни Ўзбекистон 1-лигасида иштирок этишга тайёрлаш, охир-оқибат, Ўзбекистон терма жамоасига номзод футбочлиларни саралаб олишдаги ўрни, айниқса, каттадир.
ЎФФ ташаббуси билан ташкил этилган футбол фестивалида 12та вилоят ҳамда Қоралқапоғистон Республикасидан ташриф буюрган жамоалар қатнашди. Натижада Темур Алимхўжаев бошчилигидаги 2000 йилда туғилган ўсмирлар терма жамоасига номзод футболчилар саралаб олинди.
Фестивалда Ўзбекистоннинг 4 та минтақасига бириктирилган селекционер мураббийлар ёш футболчиларни кузатди.
Селекция бўйича мураббийлардан бири - Тоҳир Кападзе, Ўзбекистон терма жамоаси аъзоси Темур Кападзенинг отаси. Унинг таъкидлашича Тошкентда ўтказилган футбол фестивали ҳар йили мунтазам ўтказилса мақсадга мувофиқ.
«Мазкур фестивалга тайёргарлик босқичи вилоятларда бошланди. Республика ҳудудининг барча минтақаларида 2000-йилда туғилган ўсмирлар мусобақаларнинг туман ва шаҳар босқичларида иштирок этишди. Улар орасидан эса, Тошкентдаги якуний футбол фестивалида қатнашадиган истеъдодлар танлаб олинди. Барча вилоятлардаги иқтидорли футболчилардан битта яхлит терма жамоа тузилди», - дейди Тоҳир Кападзе.
Кападзега кўра, фестивални кузатган селекционер мураббийлар 12 вилоят вакиллари орасидан энг иқтидорлиларни саралаб олиш имконига эга бўлишди. Ана шу саралаб олинган ёшлар 2000 йилда туғилган ёшлардан таркиб топган ўсмирлар терма жамоасига таклиф этилиш имконига эга бўлишди.
«Шу ўринда барча минтақалардаги селекционер мураббийлар билан келишган ҳолда бир таклифни ўртага ташладик. Мазкур фестивалда терма жамоага номзодлар қаторидан жой ола билмаган ёш футболчилар орасидан яна бир терма жамоа тузиш режаси ишлаб чиқилди. Зеро, уларга ўзларини кўрсатиш учун яна бир бора имкон бериш мақсадга мувофиқ бўларди. Бу таклифни терма жамоалар маркази ҳам тўлиқ қўллаб-қувватлади. Бундай фестивални мунтазам равишда ҳар йили ўтказиш эса болалар ва ўсмирлар футболи ривожи йўлида олдинга ташланган катта қадам бўларди», - дейди Тоҳир Кападзе.
Янги тизимдаги селекция хизмати ғояси Ўзбекистон Футбол Федерацияси Президенти сенатор Мираброр Усмоновга тегишли.
"Футболни ривожлантириш учун энг аввало унинг пойдевори мустаҳкам бўлиши керак", - дейди Усмонов. "Пойдевор яратиш учун болалар футболини ривожлантириш керак. Бизнинг мақсадимиз мамлакатимизнинг ҳар бир чеккасидаги оилага футбол нафасини олиб кириш баробарида ҳар бир бола учун терма жамоага аъзо бўлиш учун имконият яратишдан иборатдир".
Ушбу футбол фестивали ҳар йили анъанавий равишда Тошкентда ўтказилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қўқон-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
