Бир неча ҳафта олдин дунёнинг барча инсайдерлари Мбаппенинг Испанияга кўчиб ўтиши ҳақидаги абадий достони август ойи бошида якунланишига ва "Реал Мадрид" ҳаммаси назорат остида эканлигига ишонтиришди. Аммо вазият ўзгарди: нуфузли Франция ОАВларининг ёзишича, ҳозирда Килиан клубни тарк этишдан кўра, фаолиятини “ПСЖ”да давом эттиришга анча яқинроқ.
Ҳаммаси ёз бошида Килиан парижликлар раҳбариятига 2024 йилнинг ёзида эркин агент сифатида кетиш нияти борлигини тасдиқлаганидан бошланди. Қолаверса, франциялик футболчи 2023/24 йилги мавсумни Парижда ўтказиш ниятида эди.
“ПСЖ” раҳбарлари хафа бўлишди ва Мбаппени кўп миллионли трансферга рози бўлиш учун сиқиб чиқара бошлашди. Килиан Япониядаги мавсумолди гастролларидан четлаштирилди ва кейинчалик таркибдан бутунлай узилди. Ҳужумчининг ўзи ҳам бу ёзда кетишни истамади. Эҳтимол, шартнома бўйича ҳар хил бонусларни олиш ва кейинги йил янги клубдан кучли трансферни талаб қилиш.
Йўлда "Реал Мадрид" вазиятни кузатиб борди, аммо икки ой ичида у бирорта ҳам расмий таклиф билан чиқмади. Мадридликлар "ПСЖ" ҳужумчини расман трансферга қўйишини ва у билан барча масалаларни ҳал қилишини кутаётганди.
Мбаппе "Лорьен" билан мавсумнинг илк ўйинида иштирок эта олмади. Миш-мишлардан фарқли ўлароқ, Килианни стадионга киритишди. У ўйинни укаси Итан ва Усмон Дембеле билан бирга томоша қилди. Жамоалар бирорта ҳам гол урмасдан дуранг ўйнашди.
Дастлабки натижа “ПСЖ”да ваҳима қўзғатган бўлиши даргумон, аммо эртаси куни эрталаб клуб Мбаппенинг жамоага қайтиши ҳақида баёнот тарқатди. Бунга “конструктив ва ижобий музокаралар” ёрдам берди. L'Equipe нашри хабарига кўра, президент Носир Ал-Хелайфи эрталабки машғулотда футболчиларга мурожаат қилиб: “Килиан қайтди. У клубнинг бир қисми", деди.
Эҳтимол, сўнгги трансфер янгиликлари футболчининг позициясини қайта кўриб чиқишга ҳисса қўшгандир. Биринчидан, Неймарнинг бир оёғи аллақачон Саудия Арабистонида. L'Equipe нинг таъкидлашича, Мбаппе ўтган ёзда бразилиялик футболчидан қутулмоқчи бўлган, чунки у Месси ва Неймар билан мақомини баҳам кўрмасдан, жамоанинг ягона юлдузига айланмоқчи эди.
Иккинчидан, Килианнинг Франция терма жамоасидаги дўстлари (Эрнандез, Дембеле, Коло Муани ҳақида гап-сўзлар бор) Парижга келиши мумкин. Учинчидан, ҳужумчи Луис Энрике билан ишлаб кўрмоқчи.
Мбаппенинг қайтиши шартномани узайтириш учун уни тинчлантиришга бўлган сўнгги уринишга ўхшайди. Раҳбарият олдидаги асосий вазифа Килианнинг эркин агент сифатида кетишига йўл қўймаслик. RMC Sport нашрининг ёзишича, клуб футболчи билан 2025 йилга қадар шартнома тайёрламоқда, у 2024 йилда "Реал Мадрид"га ўтиш мумкин.
Испаниялик журналистларнинг таъкидлашича, ҳатто "Реал"нинг ўзи ҳам шокда. Шу билан бирга, мадридликлар воқеалар оқибатини ўзларининг муваффақиятсизлиги деб ҳисобламайдилар. Расмий равишда клуб футболчини сотиб олиш бўйича ҳеч қандай чора кўрмаган ва ҳеч қандай таклиф билдирмаган. Аммо инсайдерлар ва агентларнинг саъй-ҳаракатлари билан Флорентино Перес вазиятни тезлаштиришга ҳаракат қилганини ҳамма тушунади. Учинчи йилдирки Перес Мбаппени сотиб оломаяпти. Келаси ёзда ушбу трансфер достонининг янги ишланмасини кутамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
