Суперлига 18-туридан ўрин олган “Нефтчи” – “Андижон” (0:0) учрашувидан сўнг мезбонлар бош мураббийи Виталий Левченко ўз фикрларини билдириб ўтди.
“Беллашув анча мураккаб кечди. Голли вазиятларни этарлича ташкил қилдик. Лекин якунлашда аниқлик етишмади. Яна айрим пайтларда рақиб посбони яхши ҳаракат қилди. Тўғриси, кўп вазиятларни яратдик. Охирги нуқтани қўя олмадик. Шу сабабли кўп гапиришни истамайман.
Фақат Адҳамзода билан ўйинни ташкил қилдик, десам нотўғри бўлади. Ҳамма тенг ҳаракат қилди. Қанотлардан яхши ҳужумлар ташкил қилдик. Аммо якуний натижани ҳосил қилишда аниқлик бўлмади.
Никабадзенинг ўйини? Қани, ўйлаб кўринг-чи, қайси ҳужумчи ҳар бир ўйинда гол уряпти? Масалан, бугун Ҳебай гол урдими? Сиз айтаётган легионерга ҳам вақт керак. У ҳам сеҳргар эмас, мен ҳам сеҳргар эмасман. Никабадзе гол уради, фақат озгина вақт керак. Футболчига мослашув жараёни керак. Бусиз қийин. Мослашиб олганидан кейин жамоага ёрдам беради. Ҳа, биз ютишни хоҳлаймиз. Лекин бу осон иш эмас. Қани, айтинг-чи, Табатадзе “Навбаҳор”да гол уряптими? Уролмаяпти. Унга ҳам мослашиш учун вақт керак. Бу ҳар қандай ўйинчи учун муҳим. Аммо натижа ҳам бизга муҳим.
“Андижон”га катта босим уюштирдик. Сиз ўша вазиятларни кўрдингизми? Уларнинг ўйинини яхшилаб кузатдингизми? Биринчи рақам бўлиб ўйнашмади. Ҳимояланишди ва кейин ҳужумга ўтишди. Ҳар хил тактикалар бор. Уларни ўйин давомида доим ҳам қўллашни имкони йўқ. Вазиятга қараб ўйинчилар жой танлашади. Тактика-тактика дейсиз? Қаранг, “Нефтчи” “Андижон”га қандай босим уюштирди? Шунча босим бўлса-да, рақиб дарвозабони Литовка қанча сейвлар билан жамоасини голлардан қутқатиб қолди? Ҳар қанча тактика қилсангиз ҳам агар рақиб яхши ҳимояланса барибир қийин бўлади. Футболда тактикадан бошқа ҳолатлар ҳам бор.
Ҳали ҳаммаси олдинда. “Навбаҳор” чемпионлик учун курашяпти. “Нефтчи” ҳам чемпионлик учун интиляпти. Шунингдек, “Насаф” ва ОКМК ҳам. Қаранг, “Пахтакор” иккита ўйинни ютқазса ва “Нефтчи” иккита учрашувни ютса барчаси ўз ўрнига тушади. Футболда бирор нима деб бўлмайди, ҳар хил ҳолатлар юз бериши мумкин. Чемпионлар лигасида 4 та жамоа қатнашади. Бу эса ҳар қандай клубга ўзига хос босим юклайди. Бизнинг жамоага ОЧЛ ва ички чемпионатда ўйнаш қийинчилик туғдирмайди, деб ўйлайсизми? Чемпионлик учун кураш тугади, деб ўйласангиз хато қиласиз. Барчаси олдинда. Сюрпризлар бўлиши мумкин.Энг асосийси, қўлни туширмаслик ва олдинга интилиш.
ФИФА кунларида учта назорат учрашувини режалаштирганмиз. Бугунги кунда рақиблар билан музокаралар олиб боряпмиз. 5 сентябрдан тайёргарлик кўришни бошлаймиз. Ўйлайманки, чемпионатимиздаги танаффус пайтида кейинги ўйинларга яхшироқ тайёргарлик кўрамиз”, – деди Левченко.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
