"Ливерпуль" жорий календар йили борасида АПЛда "МЮ"дан яхшироқ натижага эга. Эрик тен Хаг жамоаси ўтган мавсум давомида мерсисайдликларни ЕЧЛ йўлланмаси учун мағлуб этганди. Клопп шогирдлари эса вақт ўтиши билан секинлик билан тиклана борди. Улар айни дамда 2023 йил давомида "МЮ"дан яхшироқ натижа қайд этиб турибди. Аммо бу устунлик фақатгина голлар фарқи билан ифодаланади холос. Аслини олганда, "Ливерпуль", "МЮ" ва "Астон Вилла" бу йили бир хил очкога эришган. Аммо "Брайтон" АПЛда сўнгги 26 ўйин натижасига кўра, юқоридаги номлардан анча олдинда бормоқда. Жадвални эса кутилганидек, "Манчестер Сити" бошқариб турибди.
Требл-ғолиблари 2023 йилда "Арсенал"ни ортда қолдириб, Англия чемпионлигини қўлга киритганди. Янги мавсумни ҳам "шаҳарликлар" ўша юқори нотада бошлади. Ҳозирда айнан улар 4 та ўйиннинг барчасида ғалаба қозонган холос. Жадвалнинг янада пастроғига қарайдиган бўлсак, у ерда "Ньюкасл"ни кўрамиз. Эдди Хау шогирдлари бу календар йилида "Брентфорд" ва "Брайтон"дан кам очко жамғарди. Агарда улар яна ЕЧЛ йўлланмаси учун курашмоқчи бўлса, тезда вазиятини яхшилаши талаб этилади.
Жадвалнинг энг кутилмаган натижаси "Челси" билан юз берди. 2023 йилда АПЛда бўлиб турган жамоаларнинг ичида энг ёмон натижа қайд этгани, ҳозирча айнан Лондон клубидир. Улар очко йиғиш борасида фақатгина "Эвертон"дан яхшироқ кўрсаткичга эга. Почеттино жамоаси сўнгги 27 та ўйинда, ўртача бир ўйинда биттадан камроқ очко олган. Гарчанд янги мураббий олиб келинган бўлсада, "Челси"да ӯнгланиш кузатилмаяпти. Бу клуб 4 та турда 4 очко тўплай олди холос. Мухлислар эса ўзгаришларни тезроқ бўлишига умид боғлашганди. Демак, қуйида тўлиқ жадвал билан танишасиз. Ундан 17 тагина клуб жой олган. Ўтган мавсумда Чемпионшипга йўл олган ва янги мавсум дебютантларини рўйхатга киритмадик. Негаки, улар 2023 йилни тўлиқ АПЛда ўтказмайди.
1. "Манчестер Сити" – 65 очко (+42)
2. "Арсенал" – 53 очко (+15)
3. "Ливерпуль" – 49 очко (+20)
4. Астон Вилла" – 49 очко (+12)
5. "МЮ" – 49 очко (+9)
6. "Брайтон" – 47 очко (+21)
7. "Брентфорд" – 42 очко (+15)
8. "Ньюкасл" – 40 очко (+14)
9. "Тоттенхэм" – 40 очко (+4)
10. "Вест Хэм" – 36 очко (+1)
11. "Фулхэм" – 31 очко (-6)
12. "Ноттингем" – 31 очко (-8)
13. "Вулвз" – 31 очко (-15)
14. "Кристал Пэлас" – 30 очко (-4)
15. "Борнмут" – 25 очко (-16)
16. "Челси" – 24 очко (-11)
17. "Эвертон" – 22 очко (-22).
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
