"Liverpul" joriy kalendar yili borasida APLda "MYU"dan yaxshiroq natijaga ega. Erik ten Xag jamoasi o‘tgan mavsum davomida mersisaydliklarni YECHL yo‘llanmasi uchun mag‘lub etgandi. Klopp shogirdlari esa vaqt o‘tishi bilan sekinlik bilan tiklana bordi. Ular ayni damda 2023 yil davomida "MYU"dan yaxshiroq natija qayd etib turibdi. Ammo bu ustunlik faqatgina gollar farqi bilan ifodalanadi xolos. Aslini olganda, "Liverpul", "MYU" va "Aston Villa" bu yili bir xil ochkoga erishgan. Ammo "Brayton" APLda so‘nggi 26 o‘yin natijasiga ko‘ra, yuqoridagi nomlardan ancha oldinda bormoqda. Jadvalni esa kutilganidek, "Manchester Siti" boshqarib turibdi.
Trebl-g‘oliblari 2023 yilda "Arsenal"ni ortda qoldirib, Angliya chempionligini qo‘lga kiritgandi. Yangi mavsumni ham "shaharliklar" o‘sha yuqori notada boshladi. Hozirda aynan ular 4 ta o‘yinning barchasida g‘alaba qozongan xolos. Jadvalning yanada pastrog‘iga qaraydigan bo‘lsak, u yerda "Nyukasl"ni ko‘ramiz. Eddi Xau shogirdlari bu kalendar yilida "Brentford" va "Brayton"dan kam ochko jamg‘ardi. Agarda ular yana YECHL yo‘llanmasi uchun kurashmoqchi bo‘lsa, tezda vaziyatini yaxshilashi talab etiladi.
Jadvalning eng kutilmagan natijasi "Chelsi" bilan yuz berdi. 2023 yilda APLda bo‘lib turgan jamoalarning ichida eng yomon natija qayd etgani, hozircha aynan London klubidir. Ular ochko yig‘ish borasida faqatgina "Everton"dan yaxshiroq ko‘rsatkichga ega. Pochettino jamoasi so‘nggi 27 ta o‘yinda, o‘rtacha bir o‘yinda bittadan kamroq ochko olgan. Garchand yangi murabbiy olib kelingan bo‘lsada, "Chelsi"da ӯnglanish kuzatilmayapti. Bu klub 4 ta turda 4 ochko to‘play oldi xolos. Muxlislar esa o‘zgarishlarni tezroq bo‘lishiga umid bog‘lashgandi. Demak, quyida to‘liq jadval bilan tanishasiz. Undan 17 tagina klub joy olgan. O‘tgan mavsumda Chempionshipga yo‘l olgan va yangi mavsum debyutantlarini ro‘yxatga kiritmadik. Negaki, ular 2023 yilni to‘liq APLda o‘tkazmaydi.
1. "Manchester Siti" – 65 ochko (+42)
2. "Arsenal" – 53 ochko (+15)
3. "Liverpul" – 49 ochko (+20)
4. Aston Villa" – 49 ochko (+12)
5. "MYU" – 49 ochko (+9)
6. "Brayton" – 47 ochko (+21)
7. "Brentford" – 42 ochko (+15)
8. "Nyukasl" – 40 ochko (+14)
9. "Tottenxem" – 40 ochko (+4)
10. "Vest Xem" – 36 ochko (+1)
11. "Fulxem" – 31 ochko (-6)
12. "Nottingem" – 31 ochko (-8)
13. "Vulvz" – 31 ochko (-15)
14. "Kristal Pelas" – 30 ochko (-4)
15. "Bornmut" – 25 ochko (-16)
16. "Chelsi" – 24 ochko (-11)
17. "Everton" – 22 ochko (-22).
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
