Ромелу Лукаку бир мавсумлик ижара келишуви асосида «Челси»дан «Рома»га ўтгач, кўпчилик бельгиялик футболчининг Римда қанча маош олишини муҳокама қила бошлади. Қизиқ, Италия чемпионатининг номдор юлдузлари ва унинг маоши ўртасида қандай фарқ бор? Бинобарин, Лукаку «Рома»да ўйнаш учун маоши миқдори пасайтирилишига ҳам кўнди. Оддий айтганда, 30 ёшли футболчи Италияда 10 ой учун 6 миллион фунт стерлинг миқдорида иш ҳақи олади. «Рома» шунинг баробарида ижара шартномасига биноан, «Челси»га 5 миллион фунт стерлинг тўлайди.
«Рома» вакили Telegraph Sport нашри журналисти билан суҳбатда алоҳида таъкидлади: «Клубимиз эгалари Ромелу Лукаку келишувини тўлиқ таъминлашга қатъий қарор қилишди. Умуман, Фридкинлар оиласи сармояси ёрдамида «Рома»нинг иқтисодий ҳолати йилдан-йилга яхшиланмоқда. Чунончи, хўжайинлар жамоани «А» серия турнир жадвали кучли 4талигида кўрмоқчилар ва яхши натижага эришиш учун зарур трансферларга муҳим нуқта сифатида қарашмоқда».
Хуллас, Ромелу Лукаку Рим клуби билан келишув ортидан Италия чемпионати элит лигасида энг кўп маош олувчи футболчилардан бирига айланди (13-қатор) гарчи иш ҳақи кесилишига кўнган бўлсада. Қолаверса, бельгиялик ҳужумчи «Рома»да энг катта маош эгаси ҳисобланади. Қисқаси, у маош бобида фақат «Ювентус» ва «Интер» клубларида муҳим роль ўйнайдиган юлдузлардан орқада, холос. Дарвоқе, «А» сериянинг энг кўп маош олувчи 25 нафар футболчиси рўйхатида «Аталанта», «Лацио», «Милан» ва чемпион - «Наполи» вакиллари ҳам бор.
А» сериянинг энг кўп маош олувчи футболчилари (Capology маълумоти)
1. Душан Влахович («Ювентус») - 249 231 евро
2. Леонардо Бонуччи («Ювентус») - 213 538 евро
2. Войцех Шесни («Ювентус») - 213 538 евро
4. Алекс Сандро («Ювентус») - 213 654 евро
4. Ҳоқон Чалханоглу («Интер») - 213 654 евро
4. Лаутаро Мартинес («Интер») - 213 654 евро
7. Поль Погба («Ювентус») - 197 308 евро
8. Алессандро Бастони («Интер») - 195 962 евро
9. Бремер («Ювентус») - 178 077 евро
9. Федерико Кьеза («Ювентус») - 178 077 евро
9. Николо Барелла («Интер») - 178 077 евро
12. Адриен Рабьо («Ювентус») - 172 500 евро
13. Ромелу Лукаку («Рома») - 170 454 054 евро
14. Маркус Тюрам («Интер») - 147 885 евро
15. Ирвинг Лосано («Наполи») - 142 500 евро
15. Чиро Иммобиле («Лацио») - 142 500 евро
17. Исмоил Бенносир («Милан») - 135 835 евро
18. Стефан де Врей («Интер») - 135 385 евро
18. Пауло Дибала («Рома») - 135 385 евро
20. Даниэле Ругани («Ювентус») - 124 615 евро
20. Лоренцо Пеллигрини («Рома») - 124 615 евро
20. Жанлука Манчини («Рома») - 124 615 евро
20. Петр Зелински («Наполи») - 124 615 евро
24. Рафаэль Леау («Милан») - 123 269 евро
25. Жанлука Скамакка («Аталанта») - 114 038 евро
Изоҳ: ҳафталик маош кўрсатилган (рақамлар аслидан бироз фарқланиши мумкин); Леонардо Бонуччи ва Ирвинг Лосано каби футболчилар трансферлар бозорининг сўнгги кунлари «А» сериядан кетишди, демак, ушбу рейтингда тегишли ўзгаришлар рўй берди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
