Romelu Lukaku bir mavsumlik ijara kelishuvi asosida «Chelsi»dan «Roma»ga o‘tgach, ko‘pchilik belgiyalik futbolchining Rimda qancha maosh olishini muhokama qila boshladi. Qiziq, Italiya chempionatining nomdor yulduzlari va uning maoshi o‘rtasida qanday farq bor? Binobarin, Lukaku «Roma»da o‘ynash uchun maoshi miqdori pasaytirilishiga ham ko‘ndi. Oddiy aytganda, 30 yoshli futbolchi Italiyada 10 oy uchun 6 million funt sterling miqdorida ish haqi oladi. «Roma» shuning barobarida ijara shartnomasiga binoan, «Chelsi»ga 5 million funt sterling to‘laydi.
«Roma» vakili Telegraph Sport nashri jurnalisti bilan suhbatda alohida ta’kidladi: «Klubimiz egalari Romelu Lukaku kelishuvini to‘liq ta’minlashga qat’iy qaror qilishdi. Umuman, Fridkinlar oilasi sarmoyasi yordamida «Roma»ning iqtisodiy holati yildan-yilga yaxshilanmoqda. Chunonchi, xo‘jayinlar jamoani «A» seriya turnir jadvali kuchli 4taligida ko‘rmoqchilar va yaxshi natijaga erishish uchun zarur transferlarga muhim nuqta sifatida qarashmoqda».
Xullas, Romelu Lukaku Rim klubi bilan kelishuv ortidan Italiya chempionati elit ligasida eng ko‘p maosh oluvchi futbolchilardan biriga aylandi (13-qator) garchi ish haqi kesilishiga ko‘ngan bo‘lsada. Qolaversa, belgiyalik hujumchi «Roma»da eng katta maosh egasi hisoblanadi. Qisqasi, u maosh bobida faqat «Yuventus» va «Inter» klublarida muhim rol o‘ynaydigan yulduzlardan orqada, xolos. Darvoqe, «A» seriyaning eng ko‘p maosh oluvchi 25 nafar futbolchisi ro‘yxatida «Atalanta», «Lasio», «Milan» va chempion - «Napoli» vakillari ham bor.
A» seriyaning eng ko‘p maosh oluvchi futbolchilari (Capology ma’lumoti)
1. Dushan Vlaxovich («Yuventus») - 249 231 yevro
2. Leonardo Bonuchchi («Yuventus») - 213 538 yevro
2. Voysex Shesni («Yuventus») - 213 538 yevro
4. Aleks Sandro («Yuventus») - 213 654 yevro
4. Hoqon Chalxanoglu («Inter») - 213 654 yevro
4. Lautaro Martines («Inter») - 213 654 yevro
7. Pol Pogba («Yuventus») - 197 308 yevro
8. Alessandro Bastoni («Inter») - 195 962 yevro
9. Bremer («Yuventus») - 178 077 yevro
9. Federiko Kyeza («Yuventus») - 178 077 yevro
9. Nikolo Barella («Inter») - 178 077 yevro
12. Adriyen Rabyo («Yuventus») - 172 500 yevro
13. Romelu Lukaku («Roma») - 170 454 054 yevro
14. Markus Tyuram («Inter») - 147 885 yevro
15. Irving Losano («Napoli») - 142 500 yevro
15. Chiro Immobile («Lasio») - 142 500 yevro
17. Ismoil Bennosir («Milan») - 135 835 yevro
18. Stefan de Vrey («Inter») - 135 385 yevro
18. Paulo Dibala («Roma») - 135 385 yevro
20. Daniele Rugani («Yuventus») - 124 615 yevro
20. Lorenso Pelligrini («Roma») - 124 615 yevro
20. Janluka Manchini («Roma») - 124 615 yevro
20. Petr Zelinski («Napoli») - 124 615 yevro
24. Rafael Leau («Milan») - 123 269 yevro
25. Janluka Skamakka («Atalanta») - 114 038 yevro
Izoh: haftalik maosh ko‘rsatilgan (raqamlar aslidan biroz farqlanishi mumkin); Leonardo Bonuchchi va Irving Losano kabi futbolchilar transferlar bozorining so‘nggi kunlari «A» seriyadan ketishdi, demak, ushbu reytingda tegishli o‘zgarishlar ro‘y berdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
