Ўзбекистон миллий терма жамоасининг ЖЧ-2014 саралаш босқичидаги рақиблари Ғарбий Осиё Футбол федерацияси Кубоги баҳсларидаги иштирокини бошлади.
8-20 декабрь кунлари Кувайтда 2012 йилги Ғарбий Осиё Футбол федерацияси Кубоги баҳслари бўлиб ўтади. Унда ҒОФФга аъзо 11 мамлакат – Кувайт, Ироқ, Иордания, Уммон, Саудия Арабистони, Баҳрайн, Сурия, Фаластин, Яман, шунингдек, Ўзбекистон миллий терма жамоасининг ЖЧ-2014 саралаш 4-босқичидаги рақиблари – Эрон ва Ливан терма жамоалари иштирок этмоқда. Жамоалар уч гуруҳга бўлинган ҳолда, ярим финал йўлланмасини учун баҳс олиб боришади.
Германиялик мутахассис Тео Баккер қўл остидаги Ливан терма жамоаси «А» гуруҳидан ўрин олган бўлиб, мусобақанинг 1-турида Уммон терма жамоасига қарши майдонга тушиб, 1:0 ҳисобида ғалаба қозонди. Ярим ҳимоячи Аднан Ҳайдар томонидан урилган гол Ливанга дастлабки уч очкони келтирди. 2-турда эса Ливан терма жамоаси, кутилмаганда, Фаластинга 0:1 ҳисобида имкониятни бой берди. Учрашувнинг 90-дақиқасида терма жамоа етакчиси Ризо Антар, иккинчи сариқ карточкадан сўнг, майдондан четлатилди.
Гуруҳ босқичининг сўнгги турида Ливан терма жамоаси 14 декабрь куни Кувайтга қарши майдонга тушади. Сўнгги тур арафасида гуруҳнинг барча жамоаларида 3 очкодан бор ва уларнинг ҳар бири кейинги босқич йўлланмасини қўлга киритиш имкониятига эга.
«В» гуруҳида иштирок этаётган Эрон миллий терма жамоаси 1-турда Саудия Арабистони терма жамоасига қарши майдонга тушди. Ўйин 0:0 ҳисобидаги дуранг натижа билан якунига етди. Карлуш Кейруш шогирдлари 2-тур учрашувини 12 декабрь Баҳрайн терма жамоасига қарши майдонга тушса, 15-декабрь куни Яман терма жамоасига қарши ўйин билан гуруҳ босқичи баҳсларини якунлайди.
ҒОФФ Кубоги-2012, гуруҳ босқичи
«А» гуруҳи, 1-тур учрашувлари
8 декабрь, шанба
УММОН – ЛИВАН 0:1 (0:1)
ГОЛ: Аднан Ҳайдар (11).
ЛИВАН: 23. Аббос Ҳасан, 2. Али ас-Саъдий, 3. Нур Мансур (5. Ҳасан Межер, 74), 4. Мутазбиллоҳ ал-Жунайдий, 9. Муҳаммад Ҳайдар, 10. Аббос Атвий, 11. Аҳмад Зрейк, 12. Аднан Ҳайдар, 17. Маҳмуд ал-Али (6. Муҳаммад Шамас, 67), 18. Волид Исмоил (8. Ҳасан Шайто, 90), 20. Ризо Антар.
2-тур учрашуви
11 декабрь, сешанба
ЛИВАН – ФАЛАСТИН 0:1 (0:0)
ГОЛ: Ияд Гарқуд (74).
ЧЕТЛАТИШ: Ризо Антар (90+2).
ЛИВАН: 23. Аббос Ҳасан, 2. Али ас-Саъдий, 3. Нур Мансур (15. Ҳайзам Фаур, 79), 4. Мутазбиллоҳ ал-Жунайдий, 7. Фаёз Шамсин (17. Маҳмуд ал-Али, 58), 8. Ҳасан Шайто, 10. Аббос Атвий, 11. Аҳмад Зрейк, 12. Аднан Ҳайдар, 18. Волид Исмоил (13. Маҳмад Кожок, 73), 20. Ризо Антар.
«В» гуруҳи, 1-тур учрашуви
9 декабрь, якшанба
ЭРОН – САУДИЯ АРАБИСТОНИ 0:0
ЭРОН: 12. Суша Маконий, 2. Милод Фахруддиний, 4. Шўъжаий Халилзода, 6. Умид Назарий, 7. Абулқосим Деҳнавий, 9. Милод Нурий, 10. Меҳрдод Авлодий (18. Муҳаммадмаҳди Назарий, 81), 14. Поям Шарафобод (15. Умид Иброҳимий, 60), 16. Меҳрдод Пўлатий, 17. Ёқуб Каримий (11. Аҳмад Ҳасанзода, 71), 19. Муҳаммадризо Нодир Хонзода.
Навбатдаги ўйинлар
«А» гуруҳи, 3-тур учрашуви
14 декабрь, жума
Кувайт – Ливан
«В» гуруҳи, 2-тур учрашуви
12 декабрь, чоршанба
Эрон – Баҳрайн
3-тур учрашуви
15 декабрь, шанба
Эрон - Яман
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
