FourFourTwo нашри томонидан "МЮ" қилган энг яхши харидларнинг топ йигирматалиги маълум қилинди. Рўйхатни кўрган мухлислар англайдики, келтирилган футболчиларнинг ҳеч бири 2013 йилдан кейин сотиб олинмаган. Аммо сўнгги ўн йилда бу жамоа 1.5 миллиард фунтни трансферлар учун ишлатган. Катта пулга сотиб олинган Поль Погба Анхель Ди Мария, Жейдон Санчо ва Харри Магуайрлар тузилга рўйхатга яқин ҳам кела олишмади. Хаттоки, клуб тарихида энг узоқ хизмат қилган футболчилардан бири бўлган Давид Де Хеа ҳам 20 таликка кира олмади. У 32 талик рўйхатнинг 23 поғонасидан жой олди. Унинг олди ва кетида Пол Инс ва Оле Гунар Сульшер турибди.
Биринчи ўринни кутилганидек Брайан Робсон олди. Собиқ ярим ҳимоячи "МЮ" учун жами 465 та ўйинда 100 та гол уришга эришганди. У 1981 йилда "Вест Бром"дан 1.5 миллион фунтга сотиб олинади. Иккинчи ўринни Денис Лоу эгаллаган бўлиб, у 1961 йилда "Торино"дан 115 минг фунтга харид қилинади. Қирол номи билан машҳур ҳужумчи 11 йил давомида клубда 237 та гол уришга эришганди. Яна бир қирол номига муносиб кўрилган футболчилардан бири бу ҳаммамизга яхши таниш Эрик Кантона. Француз 1991 йилда "Лидс Юнайтед"дан 1 миллион фунтга трансфер қилинади.
Барча даврнинг энг яхши тўпурари Уэйн Руни ҳамда афсонавий дарвозабон Питер Шмейхель кучли бешликни якунлайди. Собиқ жамоа сардорлари Рой Кин ва Рио Фердинанд мос равишда олти ва еттинчи ўринда жойлашган бўлса, Роналду ўзининг 2003 йилдаги трансфери сабабли саккизинчи поғонага қўйилди. Голланд ҳужумчиси Руд ван Нистелрой 219 та ўйиндаги 150 та голи билан 9, Денис Ирвин эса кучли ўнликка якун ясаб берган.
Ҳаммамизга ҳозирда мураббийлиги билан танилга Стив Брюс ўзининг 1987 йилдаги трансфери билан кейинги ўринга жойлашди. 1950 йиллар афсонаси Томми Тейлор эса 12 ўринда турибди. Тейлор ўша машъум, 1958 йилги Мюнхен рейсида фожиали ҳалок бўлганлар сафида эди.
Гари Паллистер 13, ажойиб дарвозабон Эдвин ван дер Сар 14 ҳамда Неманья Видич 15 ўринга лойиқ кўрилган.
Брайан Макклейр ва Пол Макгарт кейинги иккита поғонани банд этиб келган бўлса, Сер Алекснинг севимли шогирдлади бўлган Майкл Каррик ва Патрис Эвралар мос равишда 18 ва 19 ўринларни эгаллаган. Рўйхатни 1975 йилда "Транмир"дан сотиб олинган ва "МЮ"га саккиз йил давомида ёрдам берган Стив Коппелл якунлаб беради.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
