2026 йилги жаҳон чемпионатига саралаш гуруҳ босқичи 1-тур учрашувида Туркманистон ва Ўзбекистон терма жамоалари тўқнаш келишади.
16-октябр куни «Дальян» стадионида ўтказилган ўртоқлик ўйинида Ўзбекистон Хитойни 2:1 ҳисобида мағлуб этди.
Сречко Катанец шогирдлари Отабек Шукуров ва Жамшид Искандеровнинг зарбалари туфайли устунликка эришди. Бироқ унгача биринчи бўлимнинг сўнгида Шихао Вей мезбонларни олдинга олиб чиққан эди.
Бу «оқ бўрилар»нинг кетма-кет иккинчи ғалабаси бўлди ва улар барча мусобақалар бўйича сўнгги 12 учрашувнинг иккитасидан ташқари барчасида мағлубиятга учрамаган.
Рақиб билан олдинги бешта ўйин умумий ҳисобда 13:1 ҳисобида якунланган. Туркманистон 12 сентябрь куни «Полиция офицерлари клуби» стадионида Баҳрайн билан 1:1 ҳисобида дуранг қайд этди ва мағлубиятга учрамай катта ирода кўрсатди.
Мерген Оразов шогирдлари 13-дақиқада Муҳаммад Мархуннинг зарбасини ўтказиб юборишди, аммо Темур Чориев орқали ярим соатлик мувозанатни тиклашга муваффақ бўлишди.
«Қорақум» жангчилари кетма-кет тўртинчи марта мағлубиятга учраш хавфидан қутулиб қолди, 2022 йилнинг июнидан бери жамоа еттита учрашувда ғалаба қозона олмаяпти.
Туркманистон терма жамоаси
Ўтган ёзда Туркманистон терма жамоаси Марказий Осиё ассоциацияси (CAFA) чемпионатида иштирок этиб, гуруҳ босқичи тўсиғидан ўта олганди. Сентябрь ойида жамоа иккита ўртоқлик ўйинида қатнашиб, муваффақиятга эриша олмади, Баҳрайн терма жамоаси билан дуранг ўйнади (1:1) ва Индонезия терма жамоасига 0:2 ҳисобида мағлуб бўлди.
Ўзбекистон терма жамоаси
Ўзбекистон терма жамоаси ҳам Марказий Осиё ассоциацияси чемпионатида иштирок этди. Жамоамиз финалда Эрон терма жамоасига 0:1 ҳисобида мағлуб бўлиб, иккинчи ўринни эгаллади. Октябрь ойида жамоа иккита ўртоқлик учрашуви ўтказиб, уларда Вьетнам (2:0) ва Хитой (2:1) терма жамоалари устидан ғалаба қозонди.
Статистика ва рақамлар
Албатта, Ўзбекистон терма жамоаси ўйин фаворити ҳисобланади;
Туркманистон терма жамоаси етти ўйинда ғалаба қозона олмади, икки бор дуранг ўйнади;
Ўзбекистон терма жамоаси уч ўйинда мағлуб бўлмади, сўнгги иккитасида ғалаба қозонди;
Жамоалар бу йил CAFA турнирида тўқнаш келишди: Ўзбекистон терма жамоаси 2:0 ҳисобида ғалаба қозонди;
Ўзаро бешта ўйиннинг барчасида Ўзбекистон терма жамоаси ғалаба қозонган;
Ўзаро ўйинлар
Туркманистон – Ўзбекистон (0:2) CAFA, 2023.
Туркманистон – Ўзбекистон (0:4) Осиё кубоги гуруҳ босқичи, 2019.
Туркманистон – Ўзбекистон (0:1) Осиё кубоги гуруҳ босқичи, 2004.
Туркманистон – Ўзбекистон (2:5) Жаҳон чемпионати саралаш 2001.
Ўзбекистон – Туркманистон (1:0) Жаҳон чемпионати саралаш 2001.
Ўйлайманки, меҳмонлар бўлажак ўйинда муваффақиятга эришишлари ва тўқнашувлардаги ўзаро серияни узайтиришлари керак, чунки улар рақибдан савия жиҳатидан устунроқ, айниқса, жамоамиз таркибида Европа чемпионатларида тўп тепадиган бир нечта футболчилар бор.
Янгиликлар
Термамиз етакчиси Жамшид Искандеров шу кунга қадар клуб миқёсида тўртта гол уриб, 7та голли узатмани амалга оширди.
Элдор Шомуродов июнь ойидан буён клуб ва мамлакат миқёсида гол ура олмаётганига қарамай, меҳмонлар сафида етакчилик қилиши кутилмоқда.
Йигирма икки ёшли Темур Чориев Туркманистон терма жамоаси сафида дебют голини ургандан сўнг, пайшанба кунги ўйинда ҳам ўзини кўрсатишга ҳаракат қилади.
56та ўйинда 14та гол урган ҳужумчи Арслонмират Аманов бу ўйинда мезбонлар учун ҳал қилувчи роль ўйнаши керак. У Суперлигамизда ўзи анчадан бери таниб юрган футболчиларга қарши қандай ўйин ўтказишини кузатиш ҳам албатта, қизиқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
