2026 yilgi jahon chempionatiga saralash guruh bosqichi 1-tur uchrashuvida Turkmaniston va O‘zbekiston terma jamoalari to‘qnash kelishadi.
16-oktyabr kuni «Dalyan» stadionida o‘tkazilgan o‘rtoqlik o‘yinida O‘zbekiston Xitoyni 2:1 hisobida mag‘lub etdi.
Srechko Katanes shogirdlari Otabek Shukurov va Jamshid Iskanderovning zarbalari tufayli ustunlikka erishdi. Biroq ungacha birinchi bo‘limning so‘ngida Shixao Vey mezbonlarni oldinga olib chiqqan edi.
Bu «oq bo‘rilar»ning ketma-ket ikkinchi g‘alabasi bo‘ldi va ular barcha musobaqalar bo‘yicha so‘nggi 12 uchrashuvning ikkitasidan tashqari barchasida mag‘lubiyatga uchramagan.
Raqib bilan oldingi beshta o‘yin umumiy hisobda 13:1 hisobida yakunlangan. Turkmaniston 12 sentyabr kuni «Polisiya ofiserlari klubi» stadionida Bahrayn bilan 1:1 hisobida durang qayd etdi va mag‘lubiyatga uchramay katta iroda ko‘rsatdi.
Mergen Orazov shogirdlari 13-daqiqada Muhammad Marxunning zarbasini o‘tkazib yuborishdi, ammo Temur Choriyev orqali yarim soatlik muvozanatni tiklashga muvaffaq bo‘lishdi.
«Qoraqum» jangchilari ketma-ket to‘rtinchi marta mag‘lubiyatga uchrash xavfidan qutulib qoldi, 2022 yilning iyunidan beri jamoa yettita uchrashuvda g‘alaba qozona olmayapti.
Turkmaniston terma jamoasi
O‘tgan yozda Turkmaniston terma jamoasi Markaziy Osiyo assosiasiyasi (CAFA) chempionatida ishtirok etib, guruh bosqichi to‘sig‘idan o‘ta olgandi. Sentyabr oyida jamoa ikkita o‘rtoqlik o‘yinida qatnashib, muvaffaqiyatga erisha olmadi, Bahrayn terma jamoasi bilan durang o‘ynadi (1:1) va Indoneziya terma jamoasiga 0:2 hisobida mag‘lub bo‘ldi.
O‘zbekiston terma jamoasi
O‘zbekiston terma jamoasi ham Markaziy Osiyo assosiasiyasi chempionatida ishtirok etdi. Jamoamiz finalda Eron terma jamoasiga 0:1 hisobida mag‘lub bo‘lib, ikkinchi o‘rinni egalladi. Oktyabr oyida jamoa ikkita o‘rtoqlik uchrashuvi o‘tkazib, ularda Vyetnam (2:0) va Xitoy (2:1) terma jamoalari ustidan g‘alaba qozondi.
Statistika va raqamlar
Albatta, O‘zbekiston terma jamoasi o‘yin favoriti hisoblanadi;
Turkmaniston terma jamoasi yetti o‘yinda g‘alaba qozona olmadi, ikki bor durang o‘ynadi;
O‘zbekiston terma jamoasi uch o‘yinda mag‘lub bo‘lmadi, so‘nggi ikkitasida g‘alaba qozondi;
Jamoalar bu yil CAFA turnirida to‘qnash kelishdi: O‘zbekiston terma jamoasi 2:0 hisobida g‘alaba qozondi;
O‘zaro beshta o‘yinning barchasida O‘zbekiston terma jamoasi g‘alaba qozongan;
O‘zaro o‘yinlar
Turkmaniston – O‘zbekiston (0:2) CAFA, 2023.
Turkmaniston – O‘zbekiston (0:4) Osiyo kubogi guruh bosqichi, 2019.
Turkmaniston – O‘zbekiston (0:1) Osiyo kubogi guruh bosqichi, 2004.
Turkmaniston – O‘zbekiston (2:5) Jahon chempionati saralash 2001.
O‘zbekiston – Turkmaniston (1:0) Jahon chempionati saralash 2001.
O‘ylaymanki, mehmonlar bo‘lajak o‘yinda muvaffaqiyatga erishishlari va to‘qnashuvlardagi o‘zaro seriyani uzaytirishlari kerak, chunki ular raqibdan saviya jihatidan ustunroq, ayniqsa, jamoamiz tarkibida Yevropa chempionatlarida to‘p tepadigan bir nechta futbolchilar bor.
Yangiliklar
Termamiz yetakchisi Jamshid Iskanderov shu kunga qadar klub miqyosida to‘rtta gol urib, 7ta golli uzatmani amalga oshirdi.
Eldor Shomurodov iyun oyidan buyon klub va mamlakat miqyosida gol ura olmayotganiga qaramay, mehmonlar safida yetakchilik qilishi kutilmoqda.
Yigirma ikki yoshli Temur Choriyev Turkmaniston terma jamoasi safida debyut golini urgandan so‘ng, payshanba kungi o‘yinda ham o‘zini ko‘rsatishga harakat qiladi.
56ta o‘yinda 14ta gol urgan hujumchi Arslonmirat Amanov bu o‘yinda mezbonlar uchun hal qiluvchi rol o‘ynashi kerak. U Superligamizda o‘zi anchadan beri tanib yurgan futbolchilarga qarshi qanday o‘yin o‘tkazishini kuzatish ham albatta, qiziq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
