«Бухоро» Агамуродов қўлостида Тошкентда йиғин ўтказмоқда
Бу йил "Бухоро" янги мавсумга тайёргарликни ҳар йилгига нисбатан кечроқ бошлади. Бунинг сабаби ҳаммага маълум.
"Бухоро" жамоаси мавсумолди тайёргарликни ўз қароргоҳида эмас, балки дарҳол Тошкентдаги йиғиндан бошлашди. Жамоа футболчилари 4 январь куни Тошкентда тўпланишди. Бурча футболчилар тиббий кўрикдан ўтишди, биронта футболчининг соғлиги билан муаммо учрамади. Бухороликлар кунига икки маҳалдан машғулотларни олиб боришяпти.
Ҳозирги кунда Жасур Ҳасанов жамоани расман тарк этган. Мураббийлар штаби ва раҳбарлар ўтган йилги таркибни тўлалигича сақлаб қолиш ниятидалар. Фақат баъзи бир футболчилар ҳисобига таркибни кучайтириш мақсад қилинган. Тачмурод Агамуродов "Бухоро" жамоасини бош мураббий сифатида машғулотларга олиб чиқмоқда. Унинг жамоада қолиши деярли аниқ, лекин Агамуродов билан музокара ҳали ҳам давом этмокда.
Янги келганлар тўғрисида нима дейиш мумкин? Ҳозирда "Бухоро" машғулотларида кўплаб ёшлар ҳамда ўтган йилги таркиб тўлалигича қатнашмоқда. Булардан ташқари Алишер Маҳмудов ва Отабек Валижонов жамоа кўригида бўлиб туришибди. Маҳмудов "Навбаҳор"дан ташриф буюрган. У ўз жамоасининг етакчиларидан бири эканлиги эътиборга молик. Валижонов эса ўтган йилги мавсумни "Андижон" жамоасида якунлаган. Бу футболчилар мураббийларга маъқул келишсагина жамоада қолишади.
Легионерлардан Гиорги Квесиашвили жамоа билан шартномани узайтириш арафасида турибди. Девид Ония ҳамда Шибамура билан музокаралар давом этмоқда. Дарвозабон Анатолий Пилипенко ўз юртига қайтиб кетган, унинг ўрнига бошқа легионерлар кўрикка келишлари кутилмоқда.
Баъзи бир ОАВда "Металлург" ҳужумчиси Илёс Қурбонов "Бухоро" машғулотларида қатнашаётганлиги ҳақида хабар тарқалган эди. Лекин, аниқлашимизча, Қурбонов бухороликлар йиғинида қатнашмаган ва бу хабарлар миш-миш бўлиб чиқди.
Тошкентдаги йиғин доирасида бир нечта ўртоқлик учрашувлари ташкиллаштирилиши режалаштирилган. Спаринг рақиблар номи ҳали аниқ эмас." Бухоро" жамоаси фақатгина 20 январдан кейингина ўртоқлик учрашувларида майдонга тушади. Унгача тўлиқ эътибор жисмоний ҳолатни яхшилашга қаратилади.
Манба: www.pfkbuxoro.uz
Киритилди: 18:27, 10.01.2013. Ўқилди: 4056 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
