Бугун Адҳам Икрамов бошчилигида Ёшлар сиёсати ва спорт вазирлигининг навбатдаги Ҳайъат йиғилиши бўлиб ўтди.
Унда, шунингдек, Миллий Олимпия ва Паралимпия қўмиталари раҳбарияти, Вазирлик тизимидаги ҳудудий бўлимларнинг вакиллари иштирок этишди. Спорт федерация ва ассоциацияларининг масъуллари мазкур тадбирда МОҚ Мажлислар залидан зум платформаси орқали онлайн тарзда қатнашди.
Танқидий руҳда ўтган Ҳайъат йиғилишида Адҳам Икрамов давлатимиз раҳбари Шавкат Мирзиёевнинг кўрсатмалари асосида амалга оширилаётган ислоҳотларнинг устувор вазифаси инсон қадрини улуғлаш эканлигини таъкидлаб, ўтган йилдан бошлаб, ҳар чоракда соҳага оид энг муҳим топшириқларнинг ижросини рейтинг орқали баҳолаш тизими йўлга қўйилганлиги, бу тизимдаги ходимларининг масъулияти ва иш самарадорлигига баҳо беришга етарли бўлаётганлигига тўхталди.
Йиғилиш давомида Республикамизда оммавий спорт тарғиботини кучайтириш мақсадида ташкил этилган «Беш ташаббус Олимпиадаси» лойиҳасининг янги босқичини янада такомиллаштириш бўйича фикрлар илгари сурилди. Ўз навбатида, йўл қўйилаётган камчиликлар ҳам муҳокама қилиниб, уларни бартараф этиш чоралар кўрилди ва бу борада ижрочиларга керакли топшириқлар берилди.
Тадбирда терма жамоаларимизнинг профессионал спортда эришаётган ютуқлари таҳлил қилиб ўтилди. Хусусан, жорий йил давомида ўтган МДҲ ўйинлари, Осиё ва Пара Осиё ўйинларида Ўзбекистон делегациясининг қайд этган юқори натижалари тилга олинди. Мазкур мусобақаларда шоҳсупага кўтарилган спортчиларнинг вилоятлар кесимидаги таҳлилига алоҳида тўхталиб ўтилди. Натижадорлиги паст бўлган ҳудудларнинг масъулларига селекция ишларини кучайтириш бўйича қатъий кўрсатмалар берилди.
А.Икрамов Париж-2024 Олимпия ва Паралимпия ўйинлари, шунингдек, «Тошкент-2025» ёшлар Осиё ва Пара Осиё ўйинларига кўрилаётган тайёргарлик бўйича ҳам фикр билдирди. Вазир ҳар бир терма жамоанинг литсензион мусобақага пухта ҳозирлик кўриши учун барча шароитларни яратиш бўйича кўрсатмалар берди. Ўз навбатида, федерациялар масъуллари олиб борилаётган ўқув-машғулотлар, спортчиларнинг ҳолати ҳақида маълумот беришди.
Йиғилиш давомида юклатилган вазифалар ижросида жиддий камчиликларга йўл қўйилган айрим тизим ходимлари лавозимидан озод этилди. Баъзи ходимлар эса жиддий огоҳлантирилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
