Гарчанд ҳаво совуқ бўлсада, АПЛ ҳарорати доимо қайноқ бўлган. Негаки, биз беқарор натижалар келтириб чиқариши мумкин бўлган Рождество-Янги Йил арафасида турибмиз. Boxing Day арафасида ўйинлар кўп бўлади. Шу сабабли, кучли босим билан жамоаларда мураббийлар кўп алмашади. Шуни инобатга олган ҳолда, АПЛ клублари эгалари учун бир нечта вариантлар тақдим этамиз.
Грэм Поттер
Поттер шу йилнинг апрел ойида "Челси" томонидан истеъфога чиқарилган эди. Негаки, унинг қўл-остида жамоа янги-янги антирекордлар қайд эта бошлайди. Шунга қарамай, Поттер ўз даражасини "Брайтон"даги иши билан исботлай олган. Ҳатто, у "Челси"дан кетганидан кейин ҳам клуб натижалари, айтарли яхшилангани йўқ. Шундай экан, Поттернинг у ердаги ишини жуда ёмон деб ҳам баҳолаб бўлмайди.
Антонио Конте
Конте "Тоттенхэм" билан март ойида ўта аянчли ҳолда хайрлашади. Италиялик мутахассис матбуот анжуманида клуб раҳбариятини ўта очиқ ва кескин танқидга олганди. Ўшандан буён Конте ишсиз юрибди. У ҳимоявий услуби билан АПЛ, Италита ва Европада ўз даражасини кўрсатиб қўя олган. Шунинг учун Контега харидорлар кўп бўлади.
Андре Виллаш-Боаш
"Тоттенхэм" ва "Челси" мухлислари Виллаш-Боашни жуда яхши эслашади. У Англияда ўта омадсиз даврни бошидан ўтказган. Шунга қарамай, португалияликнинг "Марсел"даги фаолияти анча яхши кечди. Хусусан, Виллаш-Боаш даврида жамоа 6 йил ичида илк бор ЕЧЛга чиқиб, "ПСЖ"ни мағлубиятга учрата олганди. У 2021 йилда "Марсел"ни тарк этганидан кейин, янги лойиҳаларда иштирок этмади.
Йоахим Лёв
Лёв 2021 йилдан бери ишсиз юрибди. Немис мутахассиси Германия терма жамоасини 15 йил бошқарганди. Бу орада Лёв мундиалда зафар қучди (2014). 2017 йилда Германия Лёв билан Конфедерациялар кубогини ҳам қўлга киритади.
Оле Гунар Сульшер
Сульшер 2021 йилнинг охирларида жамоадан кетган эди. Ундан олдинги мавсумдаги лигада иккинчи ўрин ва ЕЛнинг финалига чиқиш, раҳбариятга етарли бўлмади. Негаки, 2021/22 йилги мавсумда "МЮ" ўта оғир аҳволга тушиб қолади. Балки, Сульшернинг қадрига етишмагандир. Нима бўлган тақдирда ҳам, Сульшер яна Англияга қайтади.
Ханси Флик
Флик ўз фаолияти давомида жуда қисқа мураббийлик даврини бошидан ўтказган. Унинг "Бавария"си 2020 йилда требл қайд этади. Бу нарса клуб тарихида иккинчи бор юз берган эди. Флик дарров Лёв ўрнига Германия термасига жалб этилганди. Аммо орадан кўп ўтмай, уни ишдан хайдашди.
Зайниддин Зидан
"Реал" билан ЕЧЛда кетма-кет 3 марта ғалабага эришгач, ҳамма Зидан нега мураббийликка қайтмаётгани ҳақида ўйламоқда. 2016-2021 йиллар оралиғида, кичик танаффус билан Зидан "Реал" учун 3 бор ЕЧЛни, 2 марта эса Ла-лига бош совринини олиб берди. Яқинда берган интервьюсида афсонавий футболчи яна мураббийликка қайтиши ҳақида маълум қилганди. У шундай дейди: "Мен тез орада яна қайтаман. Озгина сабр қилинглар".
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Олимпик
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
