«Барселона» дунёдаги энг йирик клублардан бири ва уларнинг қанча собиқ ўйинчилари ҳозирда клубсиз эканига ҳайрон бўлсангиз арзийди.
Қишки трансферлар ойнаси вақтида эркин агентга айланган «кўк-анорранглилар»нинг собиқ 7 футболчиси ҳақида сўз юритамиз. Улар орасида машҳур номларни кўришингиз мумкин.
Луис Суарес
Бу йил қишда «Гремио» билан шартномаси тугаган уругвайлик ҳужумчининг кейинги манзили катта эҳтимол билан "Интер Маями". Аммо футболчи айни дамда расман эркин агент ҳисобланади.
36 ёшли футболчи Бразилия клубига ўтган қишда кўчиб ўтганди ва шартнома икки йилга этиб белгиланган эди. Лекин икки томоннинг ўзаро келишувига кўра, шартнома бир йил олдин ўз ниҳоясига етди.
Суарес энди ўз фаолиятининг чўққисида эмаслигига қарамай, барибир дарвоза томон қандай йўл топишни билади. Умуман олганда, у 2023 йилда «Гремио» учун 29 та гол урди ва биз уни яна бир бор Лионел Месси билан тандемда кўришимиз мумкин.
Алеиш Видал
«Барселона» 2015 йилда Видални "Камп Ноу"га олиб келиш учун тахминан 15 миллион фунт тўлаган ва у клубдаги фаолияти давомида кўпинча жамоавий ролга рози бўлишга мажбур бўлган. Умуман олганда, ўнг қанот ҳимоячиси клуб сафида 51 та ўйин ўтказиб, 6 та совринни қўлга киритишга муваффақ бўлди.
«Барселона»ни тарк этганидан бери у кўпроқ майдонга тушди, чунки у «Севилья», «Алавес» ва охирги пайтларда «Эспаньол»да ўйнаган. 34 ёшли футболчи ёзда қўйиб юборилганидан бери клубсиз қолмоқда.
Видал ўрнига ўзининг майдондан ташқаридаги фаолиятига эътибор қаратди, чунки бу йил бошида у Инстаграмда унинг ресторани 2023 йил учун Мишел қўлланмаси томонидан эътироф этилганлигини таъкидлаб ўтди.
Дуглас
«Барселона»даги беш йиллик фаолияти давомида Дуглас бор-йўғи саккизта ўйинда майдонга тушди ва у жамоада Алвешдан кейинги бўш жойни кутди.
33 ёшли футболчи яқинда «Бешиктош» сафида ўйнаган, бироқ ўтган йили қўйиб юборилганидан бери клубсиз қолган. Айни вақтга келиб эркин агентга айланган Дуглас катта футболга қайтадими ёки йўқ, бу ҳақда бир қарорга келмаган.
Хорди Гомес
"Уиган Атлетик" ва «Сандерленд»даги ўйинлари билан танилган Гомес фаолиятини «Барселона»да бошлаган. Гарчи Премер-лиганинг қаҳрамонларидан бири «Барселона»даги фаолияти давомида бир марта майдонга тушган.
Ҳозирда 38 ёшни қарши олган Гомес эркин агентга айланган. Унинг охирги жамоаси Кипрнинг «Омониа» жамоаси.
Жан Мари Донгу
Камерунлик форвард "Барселона Б" сафида 100 дан ортиқ ўйин ўтказди, бироқ у катталар жамоасида бор-йўғи 3 та ўйинда майдонга туша олди. У ўзининг дебютида ҳам гол уришга муваффақ бўлди, гарчи унинг карераси салмоқли бўлиши тахмин қилинган бўлсада.
Донгу фаолиятининг асосий қисмини Испания қуйи лигасида, шунингдек Греция ва Японияда қисқа муддатларда ўтказди. Айни дамда у 28 ёшда ва эркин агент.
Хави Торрес
Донгу сингари Торрес ҳам Б жамоасида кўп ўйинларда майдонга тушди, аммо юқорига кўтарила олмади. 2009 йилда «Барселона» томонидан қўйиб юборилганидан сўнг, футболчи бир қанча клубларда фаолият олиб борди.
Умуман олганда, испаниялик ярим ҳимоячи бутун фаолияти давомида 12 та клубда ўйнаган ва бу уни бутун дунё бўйлаб Қувайтдан Австралиягача саёҳатга чорлаган. У яқинда Испаниянинг учинчи лигасида "СД Луго"да ўйнаган ва ҳозир 37 ёшида клубсиз.
Рубен Мартинес
Ҳозирда 39 ёшли дарвозабон 2004 йилда қизил карточка олган Виктор Валдес ўрнини тўлдириш учун майдонга тушган ва бу унинг «Барселона»даги дебюти эди.
Валдес сингари Мартинес ҳам Ла Масиа орқали асосий таркибга кирди. Футболчи фаолияти давомида унча кўп клубларда ўйнамаган. Дарвозабоннинг охирги клуби "АЭК Ларнака" бўлган, айни дамга келиб 39 ёшли футболчи эркин агент.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
