АПЛдаги трансферлар ойнаси бошқалардан фарқ қилади. Негаки, инглиз клублари катта даромадга эга. Шу сабабли уларда янги футболчилар сотиб олиш имконияти бошқаларникидан яхшироқ. Келаси ой бунинг исботини кўрасиз. Ақлли клублар келажак учун қандай қилиб сармоя киритишни билишади. Қуйида Европа футболида ярқ этган ёш футболчилар ҳақида сўз боради. Уларнинг "овчилари" эса айнан АПЛ клубларидир.
1. Лени Йоро – 18 ёш, "Лилль"
Марказий ҳимоячиларнинг юқори даражага чиқиши учун анча вақт керак. Негаки, ёш футболчилар етилиши ва керакли жисмоний сифатларга эга бўлиб олиши лозим. Бу позициянинг мураккаблиги шундан иборат. Бу мавсумда 18 ёшли "Лилль" ҳимоячиси Лени Йоро ҳамманинг назарига тушди. Тез орада у Англияга йўл олса ажаб эмас. У учун "МЮ" ва "Тоттенхэм" қизиш билдирган.
2. Матиас Суле – 20 ёш, "Фрозиноне"
Суле аслида "Ювентус" футболчиси саналади. Аргентиналик ҳужумчи бу мавсумни "Фрозиноне" сафида, ижара асосида ўтказмоқда. Унинг ўйинини кузатганлар Сулени нидерландиялик афсона Арьен Роббенга қиёслашади. Ўнг қанот вингери чап оёқдир. Жаҳоннинг энг яхши ҳужумчилар сингари, Суле ҳам қанотдан рақиб жарима майдонига ёриб кириб, кучли оёғида зарба беришни яхши кўради. Унинг ҳисобида бу мавсумда 6 та гол ва 1 та ассист мавжуд. Сулега АПЛдан даъвогарлар кўпайиб қолган.
3. Матис Тель – 18 ёш, "Бавария"
18 ёш бўлишига қарамай, Тель дунёнинг энг кучли клубларидан бирида ҳаракат қилади. Унинг трансфери "Бавария" учун 20 миллион фунтга тушганди. Тез орада француз вингерининг манзили ўзгариши мумкин. Телда қанотлардан ташқари, марказий ҳужумда ўйнаш кўникмалари ҳам яхши шаклланган. Айни дамда унинг хизматларига АПЛдан "Вест Хэм" ва "Тоттенхэм" қизиқиш билдирмоқда.
4. Йохан Бакайоко – 20 ёш, "ПСВ"
Бакайоко 2023 йилнинг ёзида АПЛга ўтишига бир баҳя қолган эди. Унинг хизматларига "Брентфорд" ҳамда "Бёрнли" жиддий қизиқиш билдирган. Аммо у Нидерландияда қолишни танлади. Шу сабабли, Бакайоко ЕЧЛ тажрибасига эга бўлди. Қолаверса, унинга жамоаси ички чемпионатда пешқадамлик қилмоқда. 20 ёшли ҳужумчининг нархи эса кун сайин ошиб бормоқда.
5. Сантьяго Хименес – 22 ёш, "Фейеноорд"
Хименес ҳисобида бу мавсум давомида, барча мусобақаларда жами 20 та гол мавжуд. 22 ёшли мексикаликнинг нархи 90 миллионни ташкил этади. Айни дамда унга "Челси" ва "Арсенал" жиддий қизиқиш билдирмоқда. Хименес январда Англияга кетиши мумкин. Негаки, АПЛда марказий ҳужумчига муҳтож бўлиб турган бир нечта жамоалар бор.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
