Футбол ривожланган сари унда ҳаракат қиладиган ўйинчиларнинг ёши ҳам ортиб боряпти. Ҳозирда футболчилар фаолиятини якунлашга шошилмаяпти. Ва улар тананинг имкониятларидан максимал даражада фойдаланишга уринмоқдалар. Баъзи афсоналар 2023 йилда истеъфога чиқди. Энг зўрлари Буффон ва Ибраҳимович. Аммо баъзилари муносиб даражада ишлашда давом этмоқдалар.
Андрес Иньеста, 39 ёш, “Эмирейтс” (БАА)
2023 йилнинг ёзида Иньестанинг иши тугагандек эди. Испаниялик футболчи “Виссел Кобе” билан шартномани узайтирмаслиги олдиндан малум бўлганди. Кейинги танлов кўпчиликни ҳайратда қолдирди. У Саудия Арабистони ўрнига БААга боришни афзал кўрди. Август ойи охирида у Амирликлар клубида дебют қилди ва жуда тез ўзининг биринчи голини урди.
Асосий муаммо: унинг жамоаси аутсайдер. Ҳа, ҳа, энг яхши юлдуз билан “Эмирейтс” охирги ўринда. Иньеста ҳисобида 10 та учрашув ва 2+1 статистикаси бор. Катта рақамлар эмас, лекин ёш ўз сўзини айтади. У катта эҳтимол билан мавсумни БААда якунлайди. Кейинчалик нима бўлишини эса футболчининг ўзи ҳам тахмин қила олмайди.
Нани, 37 ёш, “Адана Демирспор” (Туркия)
2022 йилда Нани фаолиятини тугатиш учун Австралияга жўнаб кетди. “Мелбурн”даги бир неча мавсум унинг охиргиси бўлиши керак эди. Аммо португал у ерда бир йилдан кейин зерикиб қолди. Ва у, ҳозирда Туркияни тарк этиш ниятида эмас.
Лукаш Подолски, 38 ёш, “Горник” (Польша)
Бу йигит эса умуман футбол ўйнашни тугатмайди. Гарчи 2017 йилда у севимли ўйини билан хайрлашиш учун Японияга борган бўлса-да. Лекин йўқ, у қайтиб келди: аввал Туркия, кейин Полшага. 2021 йилдан бери у "Горник"да ўйнамоқда ва футболчининг шартномаси 2025 йилнинг ёзига қадар амал қилади.
Лукашнинг статистикаси ёмон эмас - 15 учрашувда 2+2. У февраль ойида мавсумнинг иккинчи қисмини бошлайди. Подолски шартномасини охиригача бажармаслиги учун ҳеч қандай тўсиқ йўқ.
Фелипе Мело, 40 ёш, “Флуминенсе” (Бразилия)
Италияда у "Интер", "Ювентус" ва "Фиорентина"да ўйнашга муваффақ бўлди, аммо 2017 йилда у ватанига қайтди. 2022 йилдан бери Мело "Флуминенсе" ҳимоячиси.
Умуман олганда, у ҳали ҳам совуққон кўринади ва ўзини формада сақлайди. Ҳа, мавсумнинг иккинчи қисмида у қадар кўп ўйнамади, аммо барибир жамоага ёрдам берди. Унинг шартномаси яна бир йил 2024 йилнинг декабригача амал қилади.
Рокки Санта Круз, 42 ёш, “Либертад” (Парагвай)
Ҳа, ҳа, 2002 йилги жаҳон чемпионатида ўйнаган ўша Санта Круз. 1999 йилда эса "Бавария"да дебют қилган. У жуда кекса, ўтган асрда гол урган. Ва юқори даражада ўйнаяпти. Кейин фаолиятида “Ман Сити”, “Малага”, “Бетис” бор эди. 2017 йилда у фаолиятини тугатгандай бўлди, лекин ундай бўлиб чиқмади. 2021 йилда у Парагвай чемпионатига қайтди ва у ерда ҳамон кураш олиб боради.
Тез орада мамлакатда янги мавсум бошланади. Санта Круз эса буни ўтказиб юбориш ниятида эмас. Агар унинг соғлиғида ҳаммаси жойида бўлса, мухлислар уни бир неча бор асосий таркибда кўришлари аниқ.
Хосе Рейна, 40 ёш, "Вильярреал" (Испания)
Агар сиз Испания чемпионатини кузатмасангиз, кал посбоннинг ҳали ҳам майдонда эканлигини билмаслигингиз даргумон. Гарчи Пеп суперюлдузга айланган “Ливерпул”ни тўққиз йил аввал тарк этган бўлса-да.
У бу мавсумда Ла Лигада ўйнамади, лекин Европа Лигасида 6 та ўйинда майдонга тушди. Дарвозабон фаолиятини якунлашга шошилмаётган бўлсада, у "Вильярреал"да ҳамма нарсадан мамнун. Бу яна бир-икки йилга кечиктирилиши мумкин.
Санти Касорла, 38 ёш, “Овьедо” (Испания)
Яна бир испаниялик фаолиятини тугатмоқчи эмас. Аммо унинг баъзи ҳамкасблари муносиб пул ишлашда давом этар экан, собиқ "Арсенал" футболчиси деярли тийинлар эвазига ватани “Овьедо”га борди. У мумкин бўлган энг кам иш ҳақини олади. Ҳаммаси уни 18 ёшга тўлгунга қадар тарбиялаган клубда ўйнаш орзуси учун.
Касорла анча олдин “Овьедо” акциядорига айланган, жамоага молиявий ёрдам берган, ҳозир эса буни футбол майдонида амалга оширмоқда. Ва у жамоада имкон қадар узоқ вақт ўйнашни хоҳлаётгани аниқ. Ҳозир улар Сегундада. Лекин 2001 йилдан бери ўйнамаган Ла Лигага қайтиш қанчалик гўзал бўларди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
