Катанец ҳужумда кимни ўйнатгани яхшироқ?
Кеча "терма жамоа ҳужум чизиғида кимни кўришни хоҳлардингиз?" деб ўтказган сўровномамизда Игорь Сергеев ва Остон Урунов деярли бир хил натижа қайд этишди. Дуранг деса ҳам бўлади.
Келинг, ҳужумчиларимизни устун томонларини санаб ўтишга ҳаракат қиламиз.
Игорь Сергеев
Игорнинг энг катта устунлик томони бу унинг жуда катта ҳажмда иш бажариши бўлса керак. Доим ҳаракатда. Тўп рақибда бўлганда ҳимоячиларга босим қилиш, орқароққа тушиб тўп учун курашиш, зоналарни ёпиш. Яна бир устунлиги тўп учун доим курашади. Тўпни ушлаб туриши бошқа ҳужумчиларимизга қараганда нисбатан яхшироқ. Яна бир томони атлетик тарафдан бақувват. Бу ҳимоячилар билан курашда фойда беради. Бош билан ҳам яхшироқ ўйнайди.
Остон Ўрунов
Остоннинг энг катта устун томони бу тезлик ва дриблинг бўлса керак. Қўшимчасига тезликда ҳам дриблинг ишлатиб қочиб кета олади.
Остон асли марказий ҳужумчи эмас. Лекин¸ Шомуродов жароҳат олганидан сўнг марказда фойдаланилса керак. Ёки вазиятга қараб қанотда ҳам ўйнайверади.
Шунингдек, қанотдан қочиб кетиб шерикларига тўп етказиб бериши ҳам жойида. Ижрочилик маҳорати ҳам жойида. Қийин вазиятда тўпни қандай дарвозага йўллашни ёки етказиб беришни яхши билади. Қўшимчасига бақувват.
Терма жамоамиз қарши ҳужумда ўйнаса Катанец айнан ундан фойдаланса керак.
Бобур Абдухолиқов
Бобурнинг охирги пайт энг катта устун томони бу яримта вазиятдан ҳам гол ура олиши бўляпти. Унга яримта вазиятга имкон беринг, ўша вазиятдан гол уриб кета олади. Мексика билан ўйинга ўхшаб ўйин давомида унчалик кўринмай туриб битта вазиятдан гол уриб кета олиши мумкин. Бу қолган шерикларига нисбатан унинг устунроқ томони.
Гол ура олиш, голни сезиш қобилияти жуда юқори. Жарима майдони ичида ҳужумчиларга хос қаерда туриш кераклигини, тўп қаерга келиши мумкинлигини сеза олади.
Тезлиги ҳам жойида. Гавда ва бўй жиҳатидан шерикларига ютқазгани учун кўпчилик уни имконияти паст баҳолаган кўринади. Нимагадир Катанец ундан яширин қурол сифатида фойдаланса керак деб ўйлайман. Айниқса, гол ура олмаятган вазиятларда.
Ўйинчиларни камчиликларини санаб ўтирмадим. Турнирдан олдин негативларни ортга суриб, терма жамоамизни қўллаб қувватлаймиз.
Равшан Салимов.
Манба: https://t.me/Salimov_football
Киритилди: 10:26, 13.01.2024. Ўқилди: 5642 марта. Фикрлар: 14 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
