“Насаф” мухлисларининг хабари бор, жамоа 4 февралдан бошлаб, навбатдаги мавсум олди ўқув-йиғин машғулотларини Туркиянинг Анталия шаҳрида давом эттирмоқда. “Аждарлар” Анталияда бир қанча назорат учрашувларини ўтказишни режага киритгани ҳақида аввал хабар берган эдик.
"Насаф" жамоаси биринчи назорат учрашувини бугун, 7 фераль куни Хорватиянинг Запрешич шаҳри “Интер” жамоаси билан ўтказади. Учрашув маҳаллий вақт билан 15:00да, бизнинг вақт билан эса 18:00да бошланади. Ушбу клуб ҳозирги пайтда Хорватия 1-дивизионида қатнашиб келмоқда.
Умумий маълумот:
Номи: “Интер” (Запрешич ш., Хорватия)
Ташкил бўлган йили: 1929 йил
Бош мураббийи: Боримир Перкович (Хорватия)
Стадиони: Интер (сиғими 4 500 ўрин)
Жамоа лақаби: “Кулоллар”
Либоси: Сариқ (асосий), кўк (меҳмонда)
Ушбу жамоа ҳозирги пайтда мамлакат чемпионати турнир жадвалини 10-поғонасини банд этиб турибди (Хорватия миллий чемпионатида 16 та жамоа иштирок этади), улар 30 январь куни ўтказилган навбатдаги турда, ўз майдонларида чемпионат қатнашчиси “Шибеник” жамоасидан 1:3 ҳисобида мағлубиятга учрашган. Чемпионатда 27 та ўйин ўтказиб, 33 очко йиғишган, 9 ғалаба, 6 дуранг, 12 марта мағлубият натижаларини қайд этишган.
Жамоа сафида грузиялик Александр Надирадзе, Зураб Балашвили туркиялик Сабри Барут ва германиялик Оливер Меркель каби легионерлар фаолият олиб боришади.
Шунингдек ушбу жамоа сафида Хорватия миллий терма жамоасида ўйнайдиган ўйинчилар ҳам бор, улардан бири – Зоран Зекичдир. Ушбу футболчи юқори тезликка ва кучли зарбага эга бўлиб, учрашувларнинг аксариятида гол уришга муваффақ бўлади. Ундан ташқари Стьепан Польяк, Давор Пискор, Ведран Чорлукалар ҳам миллий терма жамоа аъзолари ҳисобланишади.
“Насаф”нинг кейинги, яъни 9 фераль куни бўладиган назорат учрашувидаги рақиби Польшанинг машҳур жамоаларидан бири “Гурник” га қарши ўтказилади.
Назорат учрашувларидан сўнг, бош мураббий Рўзиқул Бердиев бу йилги чемпионатда майдонга тушадиган асосий таркиб ўйинчиларини аниқлаб олишни мақсад қилган.
“Насаф” жамоаси Турикяда жами 5 та назорат учрашуви ўтказишни режага киритган, биз ўз навбатида сайтмиз орқали жамоа спаринг-рақиблари ҳақида сиз ўқувчиларимизга маълумотлар бериб бормоқчимиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
